tag:blogger.com,1999:blog-594519525038210653Fri, 25 Dec 2009 12:06:53 +0000इन्टरनेट संस्करण : राहुल त्यागीhttp://ram.eunnao.com/noreply@blogger.com (eunnao)Blogger7125tag:blogger.com,1999:blog-594519525038210653.post-3261166923691464159Fri, 01 Feb 2008 13:44:00 +00002008-02-01T08:03:37.599-08:00<FONT face=Arial size=2> <DIV class=entry> <DIV class=snap_preview> <P>।।श्री गणेशाय नमः ।।<BR>श्रीजानकीवल्लभो विजयते<BR>श्री रामचरित मानस<BR>प्रथम सोपान<BR>(बालकाण्ड)<SPAN id=more-5></SPAN><BR>श्लोक<BR>वर्णानामर्थसंघानां रसानां छन्दसामपि।<BR>मङ्गलानां च कर्त्तारौ वन्दे वाणीविनायकौ।।1।।<BR>भवानीशङ्करौ वन्दे श्रद्धाविश्वासरूपिणौ।<BR>याभ्यां विना न पश्यन्ति सिद्धाःस्वान्तःस्थमीश्वरम्।।2।।<BR>वन्दे बोधमयं नित्यं गुरुं शङ्कररूपिणम्।<BR>यमाश्रितो हि वक्रोऽपि चन्द्रः सर्वत्र वन्द्यते।।3।।<BR>सीतारामगुणग्रामपुण्यारण्यविहारिणौ।<BR>वन्दे विशुद्धविज्ञानौ कबीश्वरकपीश्वरौ।।4।।<BR>उद्भवस्थितिसंहारकारिणीं क्लेशहारिणीम्।<BR>सर्वश्रेयस्करीं सीतां नतोऽहं रामवल्लभाम्।।5।।<BR>यन्मायावशवर्तिं विश्वमखिलं ब्रह्मादिदेवासुरा<BR>यत्सत्वादमृषैव भाति सकलं रज्जौ यथाहेर्भ्रमः।<BR>यत्पादप्लवमेकमेव हि भवाम्भोधेस्तितीर्षावतां<BR>वन्देऽहं तमशेषकारणपरं रामाख्यमीशं हरिम्।।6।।<BR>नानापुराणनिगमागमसम्मतं यद्<BR>रामायणे निगदितं क्वचिदन्यतोऽपि।<BR>स्वान्तःसुखाय तुलसी रघुनाथगाथा-<BR>भाषानिबन्धमतिमञ्जुलमातनोति।।7।।<BR>सो0-जो सुमिरत सिधि होइ गन नायक करिबर बदन।<BR>करउ अनुग्रह सोइ बुद्धि रासि सुभ गुन सदन।।1।।<BR>मूक होइ बाचाल पंगु चढइ गिरिबर गहन।<BR>जासु कृपाँ सो दयाल द्रवउ सकल कलि मल दहन।।2।।<BR>नील सरोरुह स्याम तरुन अरुन बारिज नयन।<BR>करउ सो मम उर धाम सदा छीरसागर सयन।।3।।<BR>कुंद इंदु सम देह उमा रमन करुना अयन।<BR>जाहि दीन पर नेह करउ कृपा मर्दन मयन।।4।।<BR>बंदउ गुरु पद कंज कृपा सिंधु नररूप हरि।<BR>महामोह तम पुंज जासु बचन रबि कर निकर।।5।।<BR>बंदउ गुरु पद पदुम परागा। सुरुचि सुबास सरस अनुरागा।।<BR>अमिय मूरिमय चूरन चारू। समन सकल भव रुज परिवारू।।<BR>सुकृति संभु तन बिमल बिभूती। मंजुल मंगल मोद प्रसूती।।<BR>जन मन मंजु मुकुर मल हरनी। किएँ तिलक गुन गन बस करनी।।<BR>श्रीगुर पद नख मनि गन जोती। सुमिरत दिब्य द्रृष्टि हियँ होती।।<BR>दलन मोह तम सो सप्रकासू। बड़े भाग उर आवइ जासू।।<BR>उघरहिं बिमल बिलोचन ही के। मिटहिं दोष दुख भव रजनी के।।<BR>सूझहिं राम चरित मनि मानिक। गुपुत प्रगट जहँ जो जेहि खानिक।।<BR>दो0-जथा सुअंजन अंजि दृग साधक सिद्ध सुजान।<BR>कौतुक देखत सैल बन भूतल भूरि निधान।।1।।<BR>–*–*–<BR>एहि महँ रघुपति नाम उदारा। अति पावन पुरान श्रुति सारा।।<BR>मंगल भवन अमंगल हारी। उमा सहित जेहि जपत पुरारी।।<BR>भनिति बिचित्र सुकबि कृत जोऊ। राम नाम बिनु सोह न सोऊ।।<BR>बिधुबदनी सब भाँति सँवारी। सोन न बसन बिना बर नारी।।<BR>सब गुन रहित कुकबि कृत बानी। राम नाम जस अंकित जानी।।<BR>सादर कहहिं सुनहिं बुध ताही। मधुकर सरिस संत गुनग्राही।।<BR>जदपि कबित रस एकउ नाही। राम प्रताप प्रकट एहि माहीं।।<BR>सोइ भरोस मोरें मन आवा। केहिं न सुसंग बडप्पनु पावा।।<BR>धूमउ तजइ सहज करुआई। अगरु प्रसंग सुगंध बसाई।।<BR>भनिति भदेस बस्तु भलि बरनी। राम कथा जग मंगल करनी।।<BR>छं0-मंगल करनि कलि मल हरनि तुलसी कथा रघुनाथ की।।<BR>गति कूर कबिता सरित की ज्यों सरित पावन पाथ की।।<BR>प्रभु सुजस संगति भनिति भलि होइहि सुजन मन भावनी।।<BR>भव अंग भूति मसान की सुमिरत सुहावनि पावनी।।<BR>दो0-प्रिय लागिहि अति सबहि मम भनिति राम जस संग।<BR>दारु बिचारु कि करइ कोउ बंदिअ मलय प्रसंग।।10(क)।।<BR>स्याम सुरभि पय बिसद अति गुनद करहिं सब पान।<BR>गिरा ग्राम्य सिय राम जस गावहिं सुनहिं सुजान।।10(ख)।।<BR>–*–*–<BR>गुरु पद रज मृदु मंजुल अंजन। नयन अमिअ दृग दोष बिभंजन।।<BR>तेहिं करि बिमल बिबेक बिलोचन। बरनउँ राम चरित भव मोचन।।<BR>बंदउँ प्रथम महीसुर चरना। मोह जनित संसय सब हरना।।<BR>सुजन समाज सकल गुन खानी। करउँ प्रनाम सप्रेम सुबानी।।<BR>साधु चरित सुभ चरित कपासू। निरस बिसद गुनमय फल जासू।।<BR>जो सहि दुख परछिद्र दुरावा। बंदनीय जेहिं जग जस पावा।।<BR>मुद मंगलमय संत समाजू। जो जग जंगम तीरथराजू।।<BR>राम भक्ति जहँ सुरसरि धारा। सरसइ ब्रह्म बिचार प्रचारा।।<BR>बिधि निषेधमय कलि मल हरनी। करम कथा रबिनंदनि बरनी।।<BR>हरि हर कथा बिराजति बेनी। सुनत सकल मुद मंगल देनी।।<BR>बटु बिस्वास अचल निज धरमा। तीरथराज समाज सुकरमा।।<BR>सबहिं सुलभ सब दिन सब देसा। सेवत सादर समन कलेसा।।<BR>अकथ अलौकिक तीरथराऊ। देइ सद्य फल प्रगट प्रभाऊ।।<BR>दो0-सुनि समुझहिं जन मुदित मन मज्जहिं अति अनुराग।<BR>लहहिं चारि फल अछत तनु साधु समाज प्रयाग।।2।।<BR>–*–*–<BR>मज्जन फल पेखिअ ततकाला। काक होहिं पिक बकउ मराला।।<BR>सुनि आचरज करै जनि कोई। सतसंगति महिमा नहिं गोई।।<BR>बालमीक नारद घटजोनी। निज निज मुखनि कही निज होनी।।<BR>जलचर थलचर नभचर नाना। जे जड़ चेतन जीव जहाना।।<BR>मति कीरति गति भूति भलाई। जब जेहिं जतन जहाँ जेहिं पाई।।<BR>सो जानब सतसंग प्रभाऊ। लोकहुँ बेद न आन उपाऊ।।<BR>बिनु सतसंग बिबेक न होई। राम कृपा बिनु सुलभ न सोई।।<BR>सतसंगत मुद मंगल मूला। सोइ फल सिधि सब साधन फूला।।<BR>सठ सुधरहिं सतसंगति पाई। पारस परस कुधात सुहाई।।<BR>बिधि बस सुजन कुसंगत परहीं। फनि मनि सम निज गुन अनुसरहीं।।<BR>बिधि हरि हर कबि कोबिद बानी। कहत साधु महिमा सकुचानी।।<BR>सो मो सन कहि जात न कैसें। साक बनिक मनि गुन गन जैसें।।<BR>दो0-बंदउँ संत समान चित हित अनहित नहिं कोइ।<BR>अंजलि गत सुभ सुमन जिमि सम सुगंध कर दोइ।।3(क)।।<BR>संत सरल चित जगत हित जानि सुभाउ सनेहु।<BR>बालबिनय सुनि करि कृपा राम चरन रति देहु।।3(ख)।।<BR>–*–*–<BR>बहुरि बंदि खल गन सतिभाएँ। जे बिनु काज दाहिनेहु बाएँ।।<BR>पर हित हानि लाभ जिन्ह केरें। उजरें हरष बिषाद बसेरें।।<BR>हरि हर जस राकेस राहु से। पर अकाज भट सहसबाहु से।।<BR>जे पर दोष लखहिं सहसाखी। पर हित घृत जिन्ह के मन माखी।।<BR>तेज कृसानु रोष महिषेसा। अघ अवगुन धन धनी धनेसा।।<BR>उदय केत सम हित सबही के। कुंभकरन सम सोवत नीके।।<BR>पर अकाजु लगि तनु परिहरहीं। जिमि हिम उपल कृषी दलि गरहीं।।<BR>बंदउँ खल जस सेष सरोषा। सहस बदन बरनइ पर दोषा।।<BR>पुनि प्रनवउँ पृथुराज समाना। पर अघ सुनइ सहस दस काना।।<BR>बहुरि सक्र सम बिनवउँ तेही। संतत सुरानीक हित जेही।।<BR>बचन बज्र जेहि सदा पिआरा। सहस नयन पर दोष निहारा।।<BR>दो0-उदासीन अरि मीत हित सुनत जरहिं खल रीति।<BR>जानि पानि जुग जोरि जन बिनती करइ सप्रीति।।4।।<BR>–*–*–<BR>मैं अपनी दिसि कीन्ह निहोरा। तिन्ह निज ओर न लाउब भोरा।।<BR>बायस पलिअहिं अति अनुरागा। होहिं निरामिष कबहुँ कि कागा।।<BR>बंदउँ संत असज्जन चरना। दुखप्रद उभय बीच कछु बरना।।<BR>बिछुरत एक प्रान हरि लेहीं। मिलत एक दुख दारुन देहीं।।<BR>उपजहिं एक संग जग माहीं। जलज जोंक जिमि गुन बिलगाहीं।।<BR>सुधा सुरा सम साधू असाधू। जनक एक जग जलधि अगाधू।।<BR>भल अनभल निज निज करतूती। लहत सुजस अपलोक बिभूती।।<BR>सुधा सुधाकर सुरसरि साधू। गरल अनल कलिमल सरि ब्याधू।।<BR>गुन अवगुन जानत सब कोई। जो जेहि भाव नीक तेहि सोई।।<BR>दो0-भलो भलाइहि पै लहइ लहइ निचाइहि नीचु।<BR>सुधा सराहिअ अमरताँ गरल सराहिअ मीचु।।5।।<BR>–*–*–<BR>खल अघ अगुन साधू गुन गाहा। उभय अपार उदधि अवगाहा।।<BR>तेहि तें कछु गुन दोष बखाने। संग्रह त्याग न बिनु पहिचाने।।<BR>भलेउ पोच सब बिधि उपजाए। गनि गुन दोष बेद बिलगाए।।<BR>कहहिं बेद इतिहास पुराना। बिधि प्रपंचु गुन अवगुन साना।।<BR>दुख सुख पाप पुन्य दिन राती। साधु असाधु सुजाति कुजाती।।<BR>दानव देव ऊँच अरु नीचू। अमिअ सुजीवनु माहुरु मीचू।।<BR>माया ब्रह्म जीव जगदीसा। लच्छि अलच्छि रंक अवनीसा।।<BR>कासी मग सुरसरि क्रमनासा। मरु मारव महिदेव गवासा।।<BR>सरग नरक अनुराग बिरागा। निगमागम गुन दोष बिभागा।।<BR>दो0-जड़ चेतन गुन दोषमय बिस्व कीन्ह करतार।<BR>संत हंस गुन गहहिं पय परिहरि बारि बिकार।।6।।<BR>–*–*–<BR>अस बिबेक जब देइ बिधाता। तब तजि दोष गुनहिं मनु राता।।<BR>काल सुभाउ करम बरिआई। भलेउ प्रकृति बस चुकइ भलाई।।<BR>सो सुधारि हरिजन जिमि लेहीं। दलि दुख दोष बिमल जसु देहीं।।<BR>खलउ करहिं भल पाइ सुसंगू। मिटइ न मलिन सुभाउ अभंगू।।<BR>लखि सुबेष जग बंचक जेऊ। बेष प्रताप पूजिअहिं तेऊ।।<BR>उधरहिं अंत न होइ निबाहू। कालनेमि जिमि रावन राहू।।<BR>किएहुँ कुबेष साधु सनमानू। जिमि जग जामवंत हनुमानू।।<BR>हानि कुसंग सुसंगति लाहू। लोकहुँ बेद बिदित सब काहू।।<BR>गगन चढ़इ रज पवन प्रसंगा। कीचहिं मिलइ नीच जल संगा।।<BR>साधु असाधु सदन सुक सारीं। सुमिरहिं राम देहिं गनि गारी।।<BR>धूम कुसंगति कारिख होई। लिखिअ पुरान मंजु मसि सोई।।<BR>सोइ जल अनल अनिल संघाता। होइ जलद जग जीवन दाता।।<BR>दो0-ग्रह भेषज जल पवन पट पाइ कुजोग सुजोग।<BR>होहि कुबस्तु सुबस्तु जग लखहिं सुलच्छन लोग।।7(क)।।<BR>सम प्रकास तम पाख दुहुँ नाम भेद बिधि कीन्ह।<BR>ससि सोषक पोषक समुझि जग जस अपजस दीन्ह।।7(ख)।।<BR>जड़ चेतन जग जीव जत सकल राममय जानि।<BR>बंदउँ सब के पद कमल सदा जोरि जुग पानि।।7(ग)।।<BR>देव दनुज नर नाग खग प्रेत पितर गंधर्ब।<BR>बंदउँ किंनर रजनिचर कृपा करहु अब सर्ब।।7(घ)।।<BR>–*–*–<BR>आकर चारि लाख चौरासी। जाति जीव जल थल नभ बासी।।<BR>सीय राममय सब जग जानी। करउँ प्रनाम जोरि जुग पानी।।<BR>जानि कृपाकर किंकर मोहू। सब मिलि करहु छाड़ि छल छोहू।।<BR>निज बुधि बल भरोस मोहि नाहीं। तातें बिनय करउँ सब पाही।।<BR>करन चहउँ रघुपति गुन गाहा। लघु मति मोरि चरित अवगाहा।।<BR>सूझ न एकउ अंग उपाऊ। मन मति रंक मनोरथ राऊ।।<BR>मति अति नीच ऊँचि रुचि आछी। चहिअ अमिअ जग जुरइ न छाछी।।<BR>छमिहहिं सज्जन मोरि ढिठाई। सुनिहहिं बालबचन मन लाई।।<BR>जौ बालक कह तोतरि बाता। सुनहिं मुदित मन पितु अरु माता।।<BR>हँसिहहि कूर कुटिल कुबिचारी। जे पर दूषन भूषनधारी।।<BR>निज कवित केहि लाग न नीका। सरस होउ अथवा अति फीका।।<BR>जे पर भनिति सुनत हरषाही। ते बर पुरुष बहुत जग नाहीं।।<BR>जग बहु नर सर सरि सम भाई। जे निज बाढ़ि बढ़हिं जल पाई।।<BR>सज्जन सकृत सिंधु सम कोई। देखि पूर बिधु बाढ़इ जोई।।<BR>दो0-भाग छोट अभिलाषु बड़ करउँ एक बिस्वास।<BR>पैहहिं सुख सुनि सुजन सब खल करहहिं उपहास।।8।।<BR>–*–*–<BR>खल परिहास होइ हित मोरा। काक कहहिं कलकंठ कठोरा।।<BR>हंसहि बक दादुर चातकही। हँसहिं मलिन खल बिमल बतकही।।<BR>कबित रसिक न राम पद नेहू। तिन्ह कहँ सुखद हास रस एहू।।<BR>भाषा भनिति भोरि मति मोरी। हँसिबे जोग हँसें नहिं खोरी।।<BR>प्रभु पद प्रीति न सामुझि नीकी। तिन्हहि कथा सुनि लागहि फीकी।।<BR>हरि हर पद रति मति न कुतरकी। तिन्ह कहुँ मधुर कथा रघुवर की।।<BR>राम भगति भूषित जियँ जानी। सुनिहहिं सुजन सराहि सुबानी।।<BR>कबि न होउँ नहिं बचन प्रबीनू। सकल कला सब बिद्या हीनू।।<BR>आखर अरथ अलंकृति नाना। छंद प्रबंध अनेक बिधाना।।<BR>भाव भेद रस भेद अपारा। कबित दोष गुन बिबिध प्रकारा।।<BR>कबित बिबेक एक नहिं मोरें। सत्य कहउँ लिखि कागद कोरे।।<BR>दो0-भनिति मोरि सब गुन रहित बिस्व बिदित गुन एक।<BR>सो बिचारि सुनिहहिं सुमति जिन्ह कें बिमल बिवेक।।9।।</P> <P>–*–*– </P> <P>मनि मानिक मुकुता छबि जैसी। अहि गिरि गज सिर सोह न तैसी।।<BR>नृप किरीट तरुनी तनु पाई। लहहिं सकल सोभा अधिकाई।।<BR>तैसेहिं सुकबि कबित बुध कहहीं। उपजहिं अनत अनत छबि लहहीं।।<BR>भगति हेतु बिधि भवन बिहाई। सुमिरत सारद आवति धाई।।<BR>राम चरित सर बिनु अन्हवाएँ। सो श्रम जाइ न कोटि उपाएँ।।<BR>कबि कोबिद अस हृदयँ बिचारी। गावहिं हरि जस कलि मल हारी।।<BR>कीन्हें प्राकृत जन गुन गाना। सिर धुनि गिरा लगत पछिताना।।<BR>हृदय सिंधु मति सीप समाना। स्वाति सारदा कहहिं सुजाना।।<BR>जौं बरषइ बर बारि बिचारू। होहिं कबित मुकुतामनि चारू।।<BR>दो0-जुगुति बेधि पुनि पोहिअहिं रामचरित बर ताग।<BR>पहिरहिं सज्जन बिमल उर सोभा अति अनुराग।।11।।<BR>–*–*–<BR>जे जनमे कलिकाल कराला। करतब बायस बेष मराला।।<BR>चलत कुपंथ बेद मग छाँड़े। कपट कलेवर कलि मल भाँड़ें।।<BR>बंचक भगत कहाइ राम के। किंकर कंचन कोह काम के।।<BR>तिन्ह महँ प्रथम रेख जग मोरी। धींग धरमध्वज धंधक धोरी।।<BR>जौं अपने अवगुन सब कहऊँ। बाढ़इ कथा पार नहिं लहऊँ।।<BR>ताते मैं अति अलप बखाने। थोरे महुँ जानिहहिं सयाने।।<BR>समुझि बिबिधि बिधि बिनती मोरी। कोउ न कथा सुनि देइहि खोरी।।<BR>एतेहु पर करिहहिं जे असंका। मोहि ते अधिक ते जड़ मति रंका।।<BR>कबि न होउँ नहिं चतुर कहावउँ। मति अनुरूप राम गुन गावउँ।।<BR>कहँ रघुपति के चरित अपारा। कहँ मति मोरि निरत संसारा।।<BR>जेहिं मारुत गिरि मेरु उड़ाहीं। कहहु तूल केहि लेखे माहीं।।<BR>समुझत अमित राम प्रभुताई। करत कथा मन अति कदराई।।<BR>दो0-सारद सेस महेस बिधि आगम निगम पुरान।<BR>नेति नेति कहि जासु गुन करहिं निरंतर गान।।12।।<BR>–*–*–<BR>सब जानत प्रभु प्रभुता सोई। तदपि कहें बिनु रहा न कोई।।<BR>तहाँ बेद अस कारन राखा। भजन प्रभाउ भाँति बहु भाषा।।<BR>एक अनीह अरूप अनामा। अज सच्चिदानंद पर धामा।।<BR>ब्यापक बिस्वरूप भगवाना। तेहिं धरि देह चरित कृत नाना।।<BR>सो केवल भगतन हित लागी। परम कृपाल प्रनत अनुरागी।।<BR>जेहि जन पर ममता अति छोहू। जेहिं करुना करि कीन्ह न कोहू।।<BR>गई बहोर गरीब नेवाजू। सरल सबल साहिब रघुराजू।।<BR>बुध बरनहिं हरि जस अस जानी। करहि पुनीत सुफल निज बानी।।<BR>तेहिं बल मैं रघुपति गुन गाथा। कहिहउँ नाइ राम पद माथा।।<BR>मुनिन्ह प्रथम हरि कीरति गाई। तेहिं मग चलत सुगम मोहि भाई।।</P> <P>दो0-अति अपार जे सरित बर जौं नृप सेतु कराहिं।<BR>चढि पिपीलिकउ परम लघु बिनु श्रम पारहि जाहिं।।13।।<BR>–*–*–<BR>एहि प्रकार बल मनहि देखाई। करिहउँ रघुपति कथा सुहाई।।<BR>ब्यास आदि कबि पुंगव नाना। जिन्ह सादर हरि सुजस बखाना।।<BR>चरन कमल बंदउँ तिन्ह केरे। पुरवहुँ सकल मनोरथ मेरे।।<BR>कलि के कबिन्ह करउँ परनामा। जिन्ह बरने रघुपति गुन ग्रामा।।<BR>जे प्राकृत कबि परम सयाने। भाषाँ जिन्ह हरि चरित बखाने।।<BR>भए जे अहहिं जे होइहहिं आगें। प्रनवउँ सबहिं कपट सब त्यागें।।<BR>होहु प्रसन्न देहु बरदानू। साधु समाज भनिति सनमानू।।<BR>जो प्रबंध बुध नहिं आदरहीं। सो श्रम बादि बाल कबि करहीं।।<BR>कीरति भनिति भूति भलि सोई। सुरसरि सम सब कहँ हित होई।।<BR>राम सुकीरति भनिति भदेसा। असमंजस अस मोहि अँदेसा।।<BR>तुम्हरी कृपा सुलभ सोउ मोरे। सिअनि सुहावनि टाट पटोरे।।<BR>दो0-सरल कबित कीरति बिमल सोइ आदरहिं सुजान।<BR>सहज बयर बिसराइ रिपु जो सुनि करहिं बखान।।14(क)।।<BR>सो न होइ बिनु बिमल मति मोहि मति बल अति थोर।<BR>करहु कृपा हरि जस कहउँ पुनि पुनि करउँ निहोर।।14(ख)।।<BR>कबि कोबिद रघुबर चरित मानस मंजु मराल।<BR>बाल बिनय सुनि सुरुचि लखि मोपर होहु कृपाल।।14(ग)।।<BR>–*–*–<BR>सो0-बंदउँ मुनि पद कंजु रामायन जेहिं निरमयउ।<BR>सखर सुकोमल मंजु दोष रहित दूषन सहित।।14(घ)।।<BR>बंदउँ चारिउ बेद भव बारिधि बोहित सरिस।<BR>जिन्हहि न सपनेहुँ खेद बरनत रघुबर बिसद जसु।।14(ङ)।।<BR>बंदउँ बिधि पद रेनु भव सागर जेहि कीन्ह जहँ।<BR>संत सुधा ससि धेनु प्रगटे खल बिष बारुनी।।14(च)।।<BR>दो0-बिबुध बिप्र बुध ग्रह चरन बंदि कहउँ कर जोरि।<BR>होइ प्रसन्न पुरवहु सकल मंजु मनोरथ मोरि।।14(छ)।।<BR>–*–*–<BR>पुनि बंदउँ सारद सुरसरिता। जुगल पुनीत मनोहर चरिता।।<BR>मज्जन पान पाप हर एका। कहत सुनत एक हर अबिबेका।।<BR>गुर पितु मातु महेस भवानी। प्रनवउँ दीनबंधु दिन दानी।।<BR>सेवक स्वामि सखा सिय पी के। हित निरुपधि सब बिधि तुलसीके।।<BR>कलि बिलोकि जग हित हर गिरिजा। साबर मंत्र जाल जिन्ह सिरिजा।।<BR>अनमिल आखर अरथ न जापू। प्रगट प्रभाउ महेस प्रतापू।।<BR>सो उमेस मोहि पर अनुकूला। करिहिं कथा मुद मंगल मूला।।<BR>सुमिरि सिवा सिव पाइ पसाऊ। बरनउँ रामचरित चित चाऊ।।<BR>भनिति मोरि सिव कृपाँ बिभाती। ससि समाज मिलि मनहुँ सुराती।।<BR>जे एहि कथहि सनेह समेता। कहिहहिं सुनिहहिं समुझि सचेता।।<BR>होइहहिं राम चरन अनुरागी। कलि मल रहित सुमंगल भागी।।<BR>दो0-सपनेहुँ साचेहुँ मोहि पर जौं हर गौरि पसाउ।<BR>तौ फुर होउ जो कहेउँ सब भाषा भनिति प्रभाउ।।15।।<BR>–*–*–<BR>बंदउँ अवध पुरी अति पावनि। सरजू सरि कलि कलुष नसावनि।।<BR>प्रनवउँ पुर नर नारि बहोरी। ममता जिन्ह पर प्रभुहि न थोरी।।<BR>सिय निंदक अघ ओघ नसाए। लोक बिसोक बनाइ बसाए।।<BR>बंदउँ कौसल्या दिसि प्राची। कीरति जासु सकल जग माची।।<BR>प्रगटेउ जहँ रघुपति ससि चारू। बिस्व सुखद खल कमल तुसारू।।<BR>दसरथ राउ सहित सब रानी। सुकृत सुमंगल मूरति मानी।।<BR>करउँ प्रनाम करम मन बानी। करहु कृपा सुत सेवक जानी।।<BR>जिन्हहि बिरचि बड़ भयउ बिधाता। महिमा अवधि राम पितु माता।।<BR>सो0-बंदउँ अवध भुआल सत्य प्रेम जेहि राम पद।<BR>बिछुरत दीनदयाल प्रिय तनु तृन इव परिहरेउ।।16।।<BR>प्रनवउँ परिजन सहित बिदेहू। जाहि राम पद गूढ़ सनेहू।।<BR>जोग भोग महँ राखेउ गोई। राम बिलोकत प्रगटेउ सोई।।<BR>प्रनवउँ प्रथम भरत के चरना। जासु नेम ब्रत जाइ न बरना।।<BR>राम चरन पंकज मन जासू। लुबुध मधुप इव तजइ न पासू।।<BR>बंदउँ लछिमन पद जलजाता। सीतल सुभग भगत सुख दाता।।<BR>रघुपति कीरति बिमल पताका। दंड समान भयउ जस जाका।।<BR>सेष सहस्त्रसीस जग कारन। जो अवतरेउ भूमि भय टारन।।<BR>सदा सो सानुकूल रह मो पर। कृपासिंधु सौमित्रि गुनाकर।।<BR>रिपुसूदन पद कमल नमामी। सूर सुसील भरत अनुगामी।।<BR>महावीर बिनवउँ हनुमाना। राम जासु जस आप बखाना।।<BR>सो0-प्रनवउँ पवनकुमार खल बन पावक ग्यानधन।<BR>जासु हृदय आगार बसहिं राम सर चाप धर।।17।।<BR>कपिपति रीछ निसाचर राजा। अंगदादि जे कीस समाजा।।<BR>बंदउँ सब के चरन सुहाए। अधम सरीर राम जिन्ह पाए।।<BR>रघुपति चरन उपासक जेते। खग मृग सुर नर असुर समेते।।<BR>बंदउँ पद सरोज सब केरे। जे बिनु काम राम के चेरे।।<BR>सुक सनकादि भगत मुनि नारद। जे मुनिबर बिग्यान बिसारद।।<BR>प्रनवउँ सबहिं धरनि धरि सीसा। करहु कृपा जन जानि मुनीसा।।<BR>जनकसुता जग जननि जानकी। अतिसय प्रिय करुना निधान की।।<BR>ताके जुग पद कमल मनावउँ। जासु कृपाँ निरमल मति पावउँ।।<BR>पुनि मन बचन कर्म रघुनायक। चरन कमल बंदउँ सब लायक।।<BR>राजिवनयन धरें धनु सायक। भगत बिपति भंजन सुख दायक।।<BR>दो0-गिरा अरथ जल बीचि सम कहिअत भिन्न न भिन्न।<BR>बदउँ सीता राम पद जिन्हहि परम प्रिय खिन्न।।18।।<BR>–*–*–<BR>बंदउँ नाम राम रघुवर को। हेतु कृसानु भानु हिमकर को।।<BR>बिधि हरि हरमय बेद प्रान सो। अगुन अनूपम गुन निधान सो।।<BR>महामंत्र जोइ जपत महेसू। कासीं मुकुति हेतु उपदेसू।।<BR>महिमा जासु जान गनराउ। प्रथम पूजिअत नाम प्रभाऊ।।<BR>जान आदिकबि नाम प्रतापू। भयउ सुद्ध करि उलटा जापू।।<BR>सहस नाम सम सुनि सिव बानी। जपि जेई पिय संग भवानी।।<BR>हरषे हेतु हेरि हर ही को। किय भूषन तिय भूषन ती को।।<BR>नाम प्रभाउ जान सिव नीको। कालकूट फलु दीन्ह अमी को।।<BR>दो0-बरषा रितु रघुपति भगति तुलसी सालि सुदास।।<BR>राम नाम बर बरन जुग सावन भादव मास।।19।।<BR>–*–*–<BR>आखर मधुर मनोहर दोऊ। बरन बिलोचन जन जिय जोऊ।।<BR>सुमिरत सुलभ सुखद सब काहू। लोक लाहु परलोक निबाहू।।<BR>कहत सुनत सुमिरत सुठि नीके। राम लखन सम प्रिय तुलसी के।।<BR>बरनत बरन प्रीति बिलगाती। ब्रह्म जीव सम सहज सँघाती।।<BR>नर नारायन सरिस सुभ्राता। जग पालक बिसेषि जन त्राता।।<BR>भगति सुतिय कल करन बिभूषन। जग हित हेतु बिमल बिधु पूषन ।<BR>स्वाद तोष सम सुगति सुधा के। कमठ सेष सम धर बसुधा के।।<BR>जन मन मंजु कंज मधुकर से। जीह जसोमति हरि हलधर से।।<BR>दो0-एकु छत्रु एकु मुकुटमनि सब बरननि पर जोउ।<BR>तुलसी रघुबर नाम के बरन बिराजत दोउ।।20।।<BR>–*–*–<BR>समुझत सरिस नाम अरु नामी। प्रीति परसपर प्रभु अनुगामी।।<BR>नाम रूप दुइ ईस उपाधी। अकथ अनादि सुसामुझि साधी।।<BR>को बड़ छोट कहत अपराधू। सुनि गुन भेद समुझिहहिं साधू।।<BR>देखिअहिं रूप नाम आधीना। रूप ग्यान नहिं नाम बिहीना।।<BR>रूप बिसेष नाम बिनु जानें। करतल गत न परहिं पहिचानें।।<BR>सुमिरिअ नाम रूप बिनु देखें। आवत हृदयँ सनेह बिसेषें।।<BR>नाम रूप गति अकथ कहानी। समुझत सुखद न परति बखानी।।<BR>अगुन सगुन बिच नाम सुसाखी। उभय प्रबोधक चतुर दुभाषी।।<BR>दो0-राम नाम मनिदीप धरु जीह देहरी द्वार।<BR>तुलसी भीतर बाहेरहुँ जौं चाहसि उजिआर।।21।।<BR>–*–*–<BR>नाम जीहँ जपि जागहिं जोगी। बिरति बिरंचि प्रपंच बियोगी।।<BR>ब्रह्मसुखहि अनुभवहिं अनूपा। अकथ अनामय नाम न रूपा।।<BR>जाना चहहिं गूढ़ गति जेऊ। नाम जीहँ जपि जानहिं तेऊ।।<BR>साधक नाम जपहिं लय लाएँ। होहिं सिद्ध अनिमादिक पाएँ।।<BR>जपहिं नामु जन आरत भारी। मिटहिं कुसंकट होहिं सुखारी।।<BR>राम भगत जग चारि प्रकारा। सुकृती चारिउ अनघ उदारा।।<BR>चहू चतुर कहुँ नाम अधारा। ग्यानी प्रभुहि बिसेषि पिआरा।।<BR>चहुँ जुग चहुँ श्रुति ना प्रभाऊ। कलि बिसेषि नहिं आन उपाऊ।।<BR>दो0-सकल कामना हीन जे राम भगति रस लीन।<BR>नाम सुप्रेम पियूष हद तिन्हहुँ किए मन मीन।।22।।<BR>–*–*–<BR>अगुन सगुन दुइ ब्रह्म सरूपा। अकथ अगाध अनादि अनूपा।।<BR>मोरें मत बड़ नामु दुहू तें। किए जेहिं जुग निज बस निज बूतें।।<BR>प्रोढ़ि सुजन जनि जानहिं जन की। कहउँ प्रतीति प्रीति रुचि मन की।।<BR>एकु दारुगत देखिअ एकू। पावक सम जुग ब्रह्म बिबेकू।।<BR>उभय अगम जुग सुगम नाम तें। कहेउँ नामु बड़ ब्रह्म राम तें।।<BR>ब्यापकु एकु ब्रह्म अबिनासी। सत चेतन धन आनँद रासी।।<BR>अस प्रभु हृदयँ अछत अबिकारी। सकल जीव जग दीन दुखारी।।<BR>नाम निरूपन नाम जतन तें। सोउ प्रगटत जिमि मोल रतन तें।।<BR>दो0-निरगुन तें एहि भाँति बड़ नाम प्रभाउ अपार।<BR>कहउँ नामु बड़ राम तें निज बिचार अनुसार।।23।।<BR>–*–*–<BR>राम भगत हित नर तनु धारी। सहि संकट किए साधु सुखारी।।<BR>नामु सप्रेम जपत अनयासा। भगत होहिं मुद मंगल बासा।।<BR>राम एक तापस तिय तारी। नाम कोटि खल कुमति सुधारी।।<BR>रिषि हित राम सुकेतुसुता की। सहित सेन सुत कीन्ह बिबाकी।।<BR>सहित दोष दुख दास दुरासा। दलइ नामु जिमि रबि निसि नासा।।<BR>भंजेउ राम आपु भव चापू। भव भय भंजन नाम प्रतापू।।<BR>दंडक बनु प्रभु कीन्ह सुहावन। जन मन अमित नाम किए पावन।।।<BR>निसिचर निकर दले रघुनंदन। नामु सकल कलि कलुष निकंदन।।<BR>दो0-सबरी गीध सुसेवकनि सुगति दीन्हि रघुनाथ।<BR>नाम उधारे अमित खल बेद बिदित गुन गाथ।।24।।<BR>–*–*–<BR>राम सुकंठ बिभीषन दोऊ। राखे सरन जान सबु कोऊ।।<BR>नाम गरीब अनेक नेवाजे। लोक बेद बर बिरिद बिराजे।।<BR>राम भालु कपि कटकु बटोरा। सेतु हेतु श्रमु कीन्ह न थोरा।।<BR>नामु लेत भवसिंधु सुखाहीं। करहु बिचारु सुजन मन माहीं।।<BR>राम सकुल रन रावनु मारा। सीय सहित निज पुर पगु धारा।।<BR>राजा रामु अवध रजधानी। गावत गुन सुर मुनि बर बानी।।<BR>सेवक सुमिरत नामु सप्रीती। बिनु श्रम प्रबल मोह दलु जीती।।<BR>फिरत सनेहँ मगन सुख अपनें। नाम प्रसाद सोच नहिं सपनें।।<BR>दो0-ब्रह्म राम तें नामु बड़ बर दायक बर दानि।<BR>रामचरित सत कोटि महँ लिय महेस जियँ जानि।।25।।<BR>मासपारायण, पहला विश्राम<BR>–*–*–<BR>नाम प्रसाद संभु अबिनासी। साजु अमंगल मंगल रासी।।<BR>सुक सनकादि सिद्ध मुनि जोगी। नाम प्रसाद ब्रह्मसुख भोगी।।<BR>नारद जानेउ नाम प्रतापू। जग प्रिय हरि हरि हर प्रिय आपू।।<BR>नामु जपत प्रभु कीन्ह प्रसादू। भगत सिरोमनि भे प्रहलादू।।<BR>ध्रुवँ सगलानि जपेउ हरि नाऊँ। पायउ अचल अनूपम ठाऊँ।।<BR>सुमिरि पवनसुत पावन नामू। अपने बस करि राखे रामू।।<BR>अपतु अजामिलु गजु गनिकाऊ। भए मुकुत हरि नाम प्रभाऊ।।<BR>कहौं कहाँ लगि नाम बड़ाई। रामु न सकहिं नाम गुन गाई।।<BR>दो0-नामु राम को कलपतरु कलि कल्यान निवासु।<BR>जो सुमिरत भयो भाँग तें तुलसी तुलसीदासु।।26।।<BR>–*–*–<BR>चहुँ जुग तीनि काल तिहुँ लोका। भए नाम जपि जीव बिसोका।।<BR>बेद पुरान संत मत एहू। सकल सुकृत फल राम सनेहू।।<BR>ध्यानु प्रथम जुग मखबिधि दूजें। द्वापर परितोषत प्रभु पूजें।।<BR>कलि केवल मल मूल मलीना। पाप पयोनिधि जन जन मीना।।<BR>नाम कामतरु काल कराला। सुमिरत समन सकल जग जाला।।<BR>राम नाम कलि अभिमत दाता। हित परलोक लोक पितु माता।।<BR>नहिं कलि करम न भगति बिबेकू। राम नाम अवलंबन एकू।।<BR>कालनेमि कलि कपट निधानू। नाम सुमति समरथ हनुमानू।।<BR>दो0-राम नाम नरकेसरी कनककसिपु कलिकाल।<BR>जापक जन प्रहलाद जिमि पालिहि दलि सुरसाल।।27।।<BR>–*–*–<BR>भायँ कुभायँ अनख आलसहूँ। नाम जपत मंगल दिसि दसहूँ।।<BR>सुमिरि सो नाम राम गुन गाथा। करउँ नाइ रघुनाथहि माथा।।<BR>मोरि सुधारिहि सो सब भाँती। जासु कृपा नहिं कृपाँ अघाती।।<BR>राम सुस्वामि कुसेवकु मोसो। निज दिसि दैखि दयानिधि पोसो।।<BR>लोकहुँ बेद सुसाहिब रीतीं। बिनय सुनत पहिचानत प्रीती।।<BR>गनी गरीब ग्रामनर नागर। पंडित मूढ़ मलीन उजागर।।<BR>सुकबि कुकबि निज मति अनुहारी। नृपहि सराहत सब नर नारी।।<BR>साधु सुजान सुसील नृपाला। ईस अंस भव परम कृपाला।।<BR>सुनि सनमानहिं सबहि सुबानी। भनिति भगति नति गति पहिचानी।।<BR>यह प्राकृत महिपाल सुभाऊ। जान सिरोमनि कोसलराऊ।।<BR>रीझत राम सनेह निसोतें। को जग मंद मलिनमति मोतें।।<BR>दो0-सठ सेवक की प्रीति रुचि रखिहहिं राम कृपालु।<BR>उपल किए जलजान जेहिं सचिव सुमति कपि भालु।।28(क)।।<BR>हौहु कहावत सबु कहत राम सहत उपहास।<BR>साहिब सीतानाथ सो सेवक तुलसीदास।।28(ख)।।<BR>–*–*–<BR>अति बड़ि मोरि ढिठाई खोरी। सुनि अघ नरकहुँ नाक सकोरी।।<BR>समुझि सहम मोहि अपडर अपनें। सो सुधि राम कीन्हि नहिं सपनें।।<BR>सुनि अवलोकि सुचित चख चाही। भगति मोरि मति स्वामि सराही।।<BR>कहत नसाइ होइ हियँ नीकी। रीझत राम जानि जन जी की।।<BR>रहति न प्रभु चित चूक किए की। करत सुरति सय बार हिए की।।<BR>जेहिं अघ बधेउ ब्याध जिमि बाली। फिरि सुकंठ सोइ कीन्ह कुचाली।।<BR>सोइ करतूति बिभीषन केरी। सपनेहुँ सो न राम हियँ हेरी।।<BR>ते भरतहि भेंटत सनमाने। राजसभाँ रघुबीर बखाने।।<BR>दो0-प्रभु तरु तर कपि डार पर ते किए आपु समान।।<BR>तुलसी कहूँ न राम से साहिब सीलनिधान।।29(क)।।<BR>राम निकाईं रावरी है सबही को नीक।<BR>जों यह साँची है सदा तौ नीको तुलसीक।।29(ख)।।<BR>एहि बिधि निज गुन दोष कहि सबहि बहुरि सिरु नाइ।<BR>बरनउँ रघुबर बिसद जसु सुनि कलि कलुष नसाइ।।29(ग)।।<BR>–*–*–<BR>जागबलिक जो कथा सुहाई। भरद्वाज मुनिबरहि सुनाई।।<BR>कहिहउँ सोइ संबाद बखानी। सुनहुँ सकल सज्जन सुखु मानी।।<BR>संभु कीन्ह यह चरित सुहावा। बहुरि कृपा करि उमहि सुनावा।।<BR>सोइ सिव कागभुसुंडिहि दीन्हा। राम भगत अधिकारी चीन्हा।।<BR>तेहि सन जागबलिक पुनि पावा। तिन्ह पुनि भरद्वाज प्रति गावा।।<BR>ते श्रोता बकता समसीला। सवँदरसी जानहिं हरिलीला।।<BR>जानहिं तीनि काल निज ग्याना। करतल गत आमलक समाना।।<BR>औरउ जे हरिभगत सुजाना। कहहिं सुनहिं समुझहिं बिधि नाना।।<BR>दो0-मै पुनि निज गुर सन सुनी कथा सो सूकरखेत।<BR>समुझी नहि तसि बालपन तब अति रहेउँ अचेत।।30(क)।।<BR>श्रोता बकता ग्याननिधि कथा राम कै गूढ़।<BR>किमि समुझौं मै जीव जड़ कलि मल ग्रसित बिमूढ़।।30(ख)<BR>–*–*–<BR>तदपि कही गुर बारहिं बारा। समुझि परी कछु मति अनुसारा।।<BR>भाषाबद्ध करबि मैं सोई। मोरें मन प्रबोध जेहिं होई।।<BR>जस कछु बुधि बिबेक बल मेरें। तस कहिहउँ हियँ हरि के प्रेरें।।<BR>निज संदेह मोह भ्रम हरनी। करउँ कथा भव सरिता तरनी।।<BR>बुध बिश्राम सकल जन रंजनि। रामकथा कलि कलुष बिभंजनि।।<BR>रामकथा कलि पंनग भरनी। पुनि बिबेक पावक कहुँ अरनी।।<BR>रामकथा कलि कामद गाई। सुजन सजीवनि मूरि सुहाई।।<BR>सोइ बसुधातल सुधा तरंगिनि। भय भंजनि भ्रम भेक भुअंगिनि।।<BR>असुर सेन सम नरक निकंदिनि। साधु बिबुध कुल हित गिरिनंदिनि।।<BR>संत समाज पयोधि रमा सी। बिस्व भार भर अचल छमा सी।।<BR>जम गन मुहँ मसि जग जमुना सी। जीवन मुकुति हेतु जनु कासी।।<BR>रामहि प्रिय पावनि तुलसी सी। तुलसिदास हित हियँ हुलसी सी।।<BR>सिवप्रय मेकल सैल सुता सी। सकल सिद्धि सुख संपति रासी।।<BR>सदगुन सुरगन अंब अदिति सी। रघुबर भगति प्रेम परमिति सी।।<BR>दो0- राम कथा मंदाकिनी चित्रकूट चित चारु।<BR>तुलसी सुभग सनेह बन सिय रघुबीर बिहारु।।31।।<BR>–*–*–<BR>राम चरित चिंतामनि चारू। संत सुमति तिय सुभग सिंगारू।।<BR>जग मंगल गुन ग्राम राम के। दानि मुकुति धन धरम धाम के।।<BR>सदगुर ग्यान बिराग जोग के। बिबुध बैद भव भीम रोग के।।<BR>जननि जनक सिय राम प्रेम के। बीज सकल ब्रत धरम नेम के।।<BR>समन पाप संताप सोक के। प्रिय पालक परलोक लोक के।।<BR>सचिव सुभट भूपति बिचार के। कुंभज लोभ उदधि अपार के।।<BR>काम कोह कलिमल करिगन के। केहरि सावक जन मन बन के।।<BR>अतिथि पूज्य प्रियतम पुरारि के। कामद घन दारिद दवारि के।।<BR>मंत्र महामनि बिषय ब्याल के। मेटत कठिन कुअंक भाल के।।<BR>हरन मोह तम दिनकर कर से। सेवक सालि पाल जलधर से।।<BR>अभिमत दानि देवतरु बर से। सेवत सुलभ सुखद हरि हर से।।<BR>सुकबि सरद नभ मन उडगन से। रामभगत जन जीवन धन से।।<BR>सकल सुकृत फल भूरि भोग से। जग हित निरुपधि साधु लोग से।।<BR>सेवक मन मानस मराल से। पावक गंग तंरग माल से।।<BR>दो0-कुपथ कुतरक कुचालि कलि कपट दंभ पाषंड।<BR>दहन राम गुन ग्राम जिमि इंधन अनल प्रचंड।।32(क)।।<BR>रामचरित राकेस कर सरिस सुखद सब काहु।<BR>सज्जन कुमुद चकोर चित हित बिसेषि बड़ लाहु।।32(ख)।।<BR>–*–*–<BR>कीन्हि प्रस्न जेहि भाँति भवानी। जेहि बिधि संकर कहा बखानी।।<BR>सो सब हेतु कहब मैं गाई। कथाप्रबंध बिचित्र बनाई।।<BR>जेहि यह कथा सुनी नहिं होई। जनि आचरजु करैं सुनि सोई।।<BR>कथा अलौकिक सुनहिं जे ग्यानी। नहिं आचरजु करहिं अस जानी।।<BR>रामकथा कै मिति जग नाहीं। असि प्रतीति तिन्ह के मन माहीं।।<BR>नाना भाँति राम अवतारा। रामायन सत कोटि अपारा।।<BR>कलपभेद हरिचरित सुहाए। भाँति अनेक मुनीसन्ह गाए।।<BR>करिअ न संसय अस उर आनी। सुनिअ कथा सारद रति मानी।।<BR>दो0-राम अनंत अनंत गुन अमित कथा बिस्तार।<BR>सुनि आचरजु न मानिहहिं जिन्ह कें बिमल बिचार।।33।।<BR>–*–*–<BR>एहि बिधि सब संसय करि दूरी। सिर धरि गुर पद पंकज धूरी।।<BR>पुनि सबही बिनवउँ कर जोरी। करत कथा जेहिं लाग न खोरी।।<BR>सादर सिवहि नाइ अब माथा। बरनउँ बिसद राम गुन गाथा।।<BR>संबत सोरह सै एकतीसा। करउँ कथा हरि पद धरि सीसा।।<BR>नौमी भौम बार मधु मासा। अवधपुरीं यह चरित प्रकासा।।<BR>जेहि दिन राम जनम श्रुति गावहिं। तीरथ सकल तहाँ चलि आवहिं।।<BR>असुर नाग खग नर मुनि देवा। आइ करहिं रघुनायक सेवा।।<BR>जन्म महोत्सव रचहिं सुजाना। करहिं राम कल कीरति गाना।।<BR>दो0-मज्जहि सज्जन बृंद बहु पावन सरजू नीर।<BR>जपहिं राम धरि ध्यान उर सुंदर स्याम सरीर।।34।।<BR>–*–*–<BR>दरस परस मज्जन अरु पाना। हरइ पाप कह बेद पुराना।।<BR>नदी पुनीत अमित महिमा अति। कहि न सकइ सारद बिमलमति।।<BR>राम धामदा पुरी सुहावनि। लोक समस्त बिदित अति पावनि।।<BR>चारि खानि जग जीव अपारा। अवध तजे तनु नहि संसारा।।<BR>सब बिधि पुरी मनोहर जानी। सकल सिद्धिप्रद मंगल खानी।।<BR>बिमल कथा कर कीन्ह अरंभा। सुनत नसाहिं काम मद दंभा।।<BR>रामचरितमानस एहि नामा। सुनत श्रवन पाइअ बिश्रामा।।<BR>मन करि विषय अनल बन जरई। होइ सुखी जौ एहिं सर परई।।<BR>रामचरितमानस मुनि भावन। बिरचेउ संभु सुहावन पावन।।<BR>त्रिबिध दोष दुख दारिद दावन। कलि कुचालि कुलि कलुष नसावन।।<BR>रचि महेस निज मानस राखा। पाइ सुसमउ सिवा सन भाषा।।<BR>तातें रामचरितमानस बर। धरेउ नाम हियँ हेरि हरषि हर।।<BR>कहउँ कथा सोइ सुखद सुहाई। सादर सुनहु सुजन मन लाई।।<BR>दो0-जस मानस जेहि बिधि भयउ जग प्रचार जेहि हेतु।<BR>अब सोइ कहउँ प्रसंग सब सुमिरि उमा बृषकेतु।।35।।<BR>–*–*–<BR>संभु प्रसाद सुमति हियँ हुलसी। रामचरितमानस कबि तुलसी।।<BR>करइ मनोहर मति अनुहारी। सुजन सुचित सुनि लेहु सुधारी।।<BR>सुमति भूमि थल हृदय अगाधू। बेद पुरान उदधि घन साधू।।<BR>बरषहिं राम सुजस बर बारी। मधुर मनोहर मंगलकारी।।<BR>लीला सगुन जो कहहिं बखानी। सोइ स्वच्छता करइ मल हानी।।<BR>प्रेम भगति जो बरनि न जाई। सोइ मधुरता सुसीतलताई।।<BR>सो जल सुकृत सालि हित होई। राम भगत जन जीवन सोई।।<BR>मेधा महि गत सो जल पावन। सकिलि श्रवन मग चलेउ सुहावन।।<BR>भरेउ सुमानस सुथल थिराना। सुखद सीत रुचि चारु चिराना।।<BR>दो0-सुठि सुंदर संबाद बर बिरचे बुद्धि बिचारि।<BR>तेइ एहि पावन सुभग सर घाट मनोहर चारि।।36।।<BR>–*–*–<BR>सप्त प्रबन्ध सुभग सोपाना। ग्यान नयन निरखत मन माना।।<BR>रघुपति महिमा अगुन अबाधा। बरनब सोइ बर बारि अगाधा।।<BR>राम सीय जस सलिल सुधासम। उपमा बीचि बिलास मनोरम।।<BR>पुरइनि सघन चारु चौपाई। जुगुति मंजु मनि सीप सुहाई।।<BR>छंद सोरठा सुंदर दोहा। सोइ बहुरंग कमल कुल सोहा।।<BR>अरथ अनूप सुमाव सुभासा। सोइ पराग मकरंद सुबासा।।<BR>सुकृत पुंज मंजुल अलि माला। ग्यान बिराग बिचार मराला।।<BR>धुनि अवरेब कबित गुन जाती। मीन मनोहर ते बहुभाँती।।<BR>अरथ धरम कामादिक चारी। कहब ग्यान बिग्यान बिचारी।।<BR>नव रस जप तप जोग बिरागा। ते सब जलचर चारु तड़ागा।।<BR>सुकृती साधु नाम गुन गाना। ते बिचित्र जल बिहग समाना।।<BR>संतसभा चहुँ दिसि अवँराई। श्रद्धा रितु बसंत सम गाई।।<BR>भगति निरुपन बिबिध बिधाना। छमा दया दम लता बिताना।।<BR>सम जम नियम फूल फल ग्याना। हरि पत रति रस बेद बखाना।।<BR>औरउ कथा अनेक प्रसंगा। तेइ सुक पिक बहुबरन बिहंगा।।<BR>दो0-पुलक बाटिका बाग बन सुख सुबिहंग बिहारु।<BR>माली सुमन सनेह जल सींचत लोचन चारु।।37।।<BR>–*–*–<BR>जे गावहिं यह चरित सँभारे। तेइ एहि ताल चतुर रखवारे।।<BR>सदा सुनहिं सादर नर नारी। तेइ सुरबर मानस अधिकारी।।<BR>अति खल जे बिषई बग कागा। एहिं सर निकट न जाहिं अभागा।।<BR>संबुक भेक सेवार समाना। इहाँ न बिषय कथा रस नाना।।<BR>तेहि कारन आवत हियँ हारे। कामी काक बलाक बिचारे।।<BR>आवत एहिं सर अति कठिनाई। राम कृपा बिनु आइ न जाई।।<BR>कठिन कुसंग कुपंथ कराला। तिन्ह के बचन बाघ हरि ब्याला।।<BR>गृह कारज नाना जंजाला। ते अति दुर्गम सैल बिसाला।।<BR>बन बहु बिषम मोह मद माना। नदीं कुतर्क भयंकर नाना।।<BR>दो0-जे श्रद्धा संबल रहित नहि संतन्ह कर साथ।<BR>तिन्ह कहुँ मानस अगम अति जिन्हहि न प्रिय रघुनाथ।।38।।<BR>–*–*–<BR>जौं करि कष्ट जाइ पुनि कोई। जातहिं नींद जुड़ाई होई।।<BR>जड़ता जाड़ बिषम उर लागा। गएहुँ न मज्जन पाव अभागा।।<BR>करि न जाइ सर मज्जन पाना। फिरि आवइ समेत अभिमाना।।<BR>जौं बहोरि कोउ पूछन आवा। सर निंदा करि ताहि बुझावा।।<BR>सकल बिघ्न ब्यापहि नहिं तेही। राम सुकृपाँ बिलोकहिं जेही।।<BR>सोइ सादर सर मज्जनु करई। महा घोर त्रयताप न जरई।।<BR>ते नर यह सर तजहिं न काऊ। जिन्ह के राम चरन भल भाऊ।।<BR>जो नहाइ चह एहिं सर भाई। सो सतसंग करउ मन लाई।।<BR>अस मानस मानस चख चाही। भइ कबि बुद्धि बिमल अवगाही।।<BR>भयउ हृदयँ आनंद उछाहू। उमगेउ प्रेम प्रमोद प्रबाहू।।<BR>चली सुभग कबिता सरिता सो। राम बिमल जस जल भरिता सो।।<BR>सरजू नाम सुमंगल मूला। लोक बेद मत मंजुल कूला।।<BR>नदी पुनीत सुमानस नंदिनि। कलिमल तृन तरु मूल निकंदिनि।।<BR>दो0-श्रोता त्रिबिध समाज पुर ग्राम नगर दुहुँ कूल।<BR>संतसभा अनुपम अवध सकल सुमंगल मूल।।39।।<BR>–*–*–<BR>रामभगति सुरसरितहि जाई। मिली सुकीरति सरजु सुहाई।।<BR>सानुज राम समर जसु पावन। मिलेउ महानदु सोन सुहावन।।<BR>जुग बिच भगति देवधुनि धारा। सोहति सहित सुबिरति बिचारा।।<BR>त्रिबिध ताप त्रासक तिमुहानी। राम सरुप सिंधु समुहानी।।<BR>मानस मूल मिली सुरसरिही। सुनत सुजन मन पावन करिही।।<BR>बिच बिच कथा बिचित्र बिभागा। जनु सरि तीर तीर बन बागा।।<BR>उमा महेस बिबाह बराती। ते जलचर अगनित बहुभाँती।।<BR>रघुबर जनम अनंद बधाई। भवँर तरंग मनोहरताई।।<BR>दो0-बालचरित चहु बंधु के बनज बिपुल बहुरंग।<BR>नृप रानी परिजन सुकृत मधुकर बारिबिहंग।।40।।<BR>–*–*–<BR>सीय स्वयंबर कथा सुहाई। सरित सुहावनि सो छबि छाई।।<BR>नदी नाव पटु प्रस्न अनेका। केवट कुसल उतर सबिबेका।।<BR>सुनि अनुकथन परस्पर होई। पथिक समाज सोह सरि सोई।।<BR>घोर धार भृगुनाथ रिसानी। घाट सुबद्ध राम बर बानी।।<BR>सानुज राम बिबाह उछाहू। सो सुभ उमग सुखद सब काहू।।<BR>कहत सुनत हरषहिं पुलकाहीं। ते सुकृती मन मुदित नहाहीं।।<BR>राम तिलक हित मंगल साजा। परब जोग जनु जुरे समाजा।।<BR>काई कुमति केकई केरी। परी जासु फल बिपति घनेरी।।<BR>दो0-समन अमित उतपात सब भरतचरित जपजाग।<BR>कलि अघ खल अवगुन कथन ते जलमल बग काग।।41।।<BR>–*–*–<BR>कीरति सरित छहूँ रितु रूरी। समय सुहावनि पावनि भूरी।।<BR>हिम हिमसैलसुता सिव ब्याहू। सिसिर सुखद प्रभु जनम उछाहू।।<BR>बरनब राम बिबाह समाजू। सो मुद मंगलमय रितुराजू।।<BR>ग्रीषम दुसह राम बनगवनू। पंथकथा खर आतप पवनू।।<BR>बरषा घोर निसाचर रारी। सुरकुल सालि सुमंगलकारी।।<BR>राम राज सुख बिनय बड़ाई। बिसद सुखद सोइ सरद सुहाई।।<BR>सती सिरोमनि सिय गुनगाथा। सोइ गुन अमल अनूपम पाथा।।<BR>भरत सुभाउ सुसीतलताई। सदा एकरस बरनि न जाई।।<BR>दो0- अवलोकनि बोलनि मिलनि प्रीति परसपर हास।<BR>भायप भलि चहु बंधु की जल माधुरी सुबास।।42।।<BR>–*–*–<BR>आरति बिनय दीनता मोरी। लघुता ललित सुबारि न थोरी।।<BR>अदभुत सलिल सुनत गुनकारी। आस पिआस मनोमल हारी।।<BR>राम सुप्रेमहि पोषत पानी। हरत सकल कलि कलुष गलानौ।।<BR>भव श्रम सोषक तोषक तोषा। समन दुरित दुख दारिद दोषा।।<BR>काम कोह मद मोह नसावन। बिमल बिबेक बिराग बढ़ावन।।<BR>सादर मज्जन पान किए तें। मिटहिं पाप परिताप हिए तें।।<BR>जिन्ह एहि बारि न मानस धोए। ते कायर कलिकाल बिगोए।।<BR>तृषित निरखि रबि कर भव बारी। फिरिहहि मृग जिमि जीव दुखारी।।<BR>दो0-मति अनुहारि सुबारि गुन गनि मन अन्हवाइ।<BR>सुमिरि भवानी संकरहि कह कबि कथा सुहाइ।।43(क)।।<BR>–*–*–<BR>अब रघुपति पद पंकरुह हियँ धरि पाइ प्रसाद ।<BR>कहउँ जुगल मुनिबर्ज कर मिलन सुभग संबाद।।43(ख)।।<BR>भरद्वाज मुनि बसहिं प्रयागा। तिन्हहि राम पद अति अनुरागा।।<BR>तापस सम दम दया निधाना। परमारथ पथ परम सुजाना।।<BR>माघ मकरगत रबि जब होई। तीरथपतिहिं आव सब कोई।।<BR>देव दनुज किंनर नर श्रेनी। सादर मज्जहिं सकल त्रिबेनीं।।<BR>पूजहि माधव पद जलजाता। परसि अखय बटु हरषहिं गाता।।<BR>भरद्वाज आश्रम अति पावन। परम रम्य मुनिबर मन भावन।।<BR>तहाँ होइ मुनि रिषय समाजा। जाहिं जे मज्जन तीरथराजा।।<BR>मज्जहिं प्रात समेत उछाहा। कहहिं परसपर हरि गुन गाहा।।<BR>दो0-ब्रह्म निरूपम धरम बिधि बरनहिं तत्त्व बिभाग।</P> <P>कहहिं भगति भगवंत कै संजुत ग्यान बिराग।।44।।<BR>–*–*–<BR>एहि प्रकार भरि माघ नहाहीं। पुनि सब निज निज आश्रम जाहीं।।<BR>प्रति संबत अति होइ अनंदा। मकर मज्जि गवनहिं मुनिबृंदा।।<BR>एक बार भरि मकर नहाए। सब मुनीस आश्रमन्ह सिधाए।।<BR>जगबालिक मुनि परम बिबेकी। भरव्दाज राखे पद टेकी।।<BR>सादर चरन सरोज पखारे। अति पुनीत आसन बैठारे।।<BR>करि पूजा मुनि सुजस बखानी। बोले अति पुनीत मृदु बानी।।<BR>नाथ एक संसउ बड़ मोरें। करगत बेदतत्व सबु तोरें।।<BR>कहत सो मोहि लागत भय लाजा। जौ न कहउँ बड़ होइ अकाजा।।<BR>दो0-संत कहहि असि नीति प्रभु श्रुति पुरान मुनि गाव।<BR>होइ न बिमल बिबेक उर गुर सन किएँ दुराव।।45।।<BR>–*–*–<BR>अस बिचारि प्रगटउँ निज मोहू। हरहु नाथ करि जन पर छोहू।।<BR>रास नाम कर अमित प्रभावा। संत पुरान उपनिषद गावा।।<BR>संतत जपत संभु अबिनासी। सिव भगवान ग्यान गुन रासी।।<BR>आकर चारि जीव जग अहहीं। कासीं मरत परम पद लहहीं।।<BR>सोपि राम महिमा मुनिराया। सिव उपदेसु करत करि दाया।।<BR>रामु कवन प्रभु पूछउँ तोही। कहिअ बुझाइ कृपानिधि मोही।।<BR>एक राम अवधेस कुमारा। तिन्ह कर चरित बिदित संसारा।।<BR>नारि बिरहँ दुखु लहेउ अपारा। भयहु रोषु रन रावनु मारा।।<BR>दो0-प्रभु सोइ राम कि अपर कोउ जाहि जपत त्रिपुरारि।<BR>सत्यधाम सर्बग्य तुम्ह कहहु बिबेकु बिचारि।।46।।<BR>–*–*–<BR>जैसे मिटै मोर भ्रम भारी। कहहु सो कथा नाथ बिस्तारी।।<BR>जागबलिक बोले मुसुकाई। तुम्हहि बिदित रघुपति प्रभुताई।।<BR>राममगत तुम्ह मन क्रम बानी। चतुराई तुम्हारी मैं जानी।।<BR>चाहहु सुनै राम गुन गूढ़ा। कीन्हिहु प्रस्न मनहुँ अति मूढ़ा।।<BR>तात सुनहु सादर मनु लाई। कहउँ राम कै कथा सुहाई।।<BR>महामोहु महिषेसु बिसाला। रामकथा कालिका कराला।।<BR>रामकथा ससि किरन समाना। संत चकोर करहिं जेहि पाना।।<BR>ऐसेइ संसय कीन्ह भवानी। महादेव तब कहा बखानी।।<BR>दो0-कहउँ सो मति अनुहारि अब उमा संभु संबाद।<BR>भयउ समय जेहि हेतु जेहि सुनु मुनि मिटिहि बिषाद।।47।।<BR>–*–*–<BR>एक बार त्रेता जुग माहीं। संभु गए कुंभज रिषि पाहीं।।<BR>संग सती जगजननि भवानी। पूजे रिषि अखिलेस्वर जानी।।<BR>रामकथा मुनीबर्ज बखानी। सुनी महेस परम सुखु मानी।।<BR>रिषि पूछी हरिभगति सुहाई। कही संभु अधिकारी पाई।।<BR>कहत सुनत रघुपति गुन गाथा। कछु दिन तहाँ रहे गिरिनाथा।।<BR>मुनि सन बिदा मागि त्रिपुरारी। चले भवन सँग दच्छकुमारी।।<BR>तेहि अवसर भंजन महिभारा। हरि रघुबंस लीन्ह अवतारा।।<BR>पिता बचन तजि राजु उदासी। दंडक बन बिचरत अबिनासी।।<BR>दो0-ह्दयँ बिचारत जात हर केहि बिधि दरसनु होइ।<BR>गुप्त रुप अवतरेउ प्रभु गएँ जान सबु कोइ।।48(क)।।<BR>–*–*–<BR>सो0-संकर उर अति छोभु सती न जानहिं मरमु सोइ।।<BR>तुलसी दरसन लोभु मन डरु लोचन लालची।।48(ख)।।<BR>रावन मरन मनुज कर जाचा। प्रभु बिधि बचनु कीन्ह चह साचा।।<BR>जौं नहिं जाउँ रहइ पछितावा। करत बिचारु न बनत बनावा।।<BR>एहि बिधि भए सोचबस ईसा। तेहि समय जाइ दससीसा।।<BR>लीन्ह नीच मारीचहि संगा। भयउ तुरत सोइ कपट कुरंगा।।<BR>करि छलु मूढ़ हरी बैदेही। प्रभु प्रभाउ तस बिदित न तेही।।<BR>मृग बधि बन्धु सहित हरि आए। आश्रमु देखि नयन जल छाए।।<BR>बिरह बिकल नर इव रघुराई। खोजत बिपिन फिरत दोउ भाई।।<BR>कबहूँ जोग बियोग न जाकें। देखा प्रगट बिरह दुख ताकें।।<BR>दो0-अति विचित्र रघुपति चरित जानहिं परम सुजान।<BR>जे मतिमंद बिमोह बस हृदयँ धरहिं कछु आन।।49।।<BR>–*–*–<BR>संभु समय तेहि रामहि देखा। उपजा हियँ अति हरपु बिसेषा।।<BR>भरि लोचन छबिसिंधु निहारी। कुसमय जानिन कीन्हि चिन्हारी।।<BR>जय सच्चिदानंद जग पावन। अस कहि चलेउ मनोज नसावन।।<BR>चले जात सिव सती समेता। पुनि पुनि पुलकत कृपानिकेता।।<BR>सतीं सो दसा संभु कै देखी। उर उपजा संदेहु बिसेषी।।<BR>संकरु जगतबंद्य जगदीसा। सुर नर मुनि सब नावत सीसा।।<BR>तिन्ह नृपसुतहि नह परनामा। कहि सच्चिदानंद परधमा।।<BR>भए मगन छबि तासु बिलोकी। अजहुँ प्रीति उर रहति न रोकी।।<BR>दो0-ब्रह्म जो व्यापक बिरज अज अकल अनीह अभेद। </P> <P>सो कि देह धरि होइ नर जाहि न जानत वेद।। 50।।<BR>–*–*–<BR>बिष्नु जो सुर हित नरतनु धारी। सोउ सर्बग्य जथा त्रिपुरारी।।<BR>खोजइ सो कि अग्य इव नारी। ग्यानधाम श्रीपति असुरारी।।<BR>संभुगिरा पुनि मृषा न होई। सिव सर्बग्य जान सबु कोई।।<BR>अस संसय मन भयउ अपारा। होई न हृदयँ प्रबोध प्रचारा।।<BR>जद्यपि प्रगट न कहेउ भवानी। हर अंतरजामी सब जानी।।<BR>सुनहि सती तव नारि सुभाऊ। संसय अस न धरिअ उर काऊ।।<BR>जासु कथा कुभंज रिषि गाई। भगति जासु मैं मुनिहि सुनाई।।<BR>सोउ मम इष्टदेव रघुबीरा। सेवत जाहि सदा मुनि धीरा।।<BR>छं0-मुनि धीर जोगी सिद्ध संतत बिमल मन जेहि ध्यावहीं।<BR>कहि नेति निगम पुरान आगम जासु कीरति गावहीं।।<BR>सोइ रामु ब्यापक ब्रह्म भुवन निकाय पति माया धनी।<BR>अवतरेउ अपने भगत हित निजतंत्र नित रघुकुलमनि।।<BR>सो0-लाग न उर उपदेसु जदपि कहेउ सिवँ बार बहु।<BR>बोले बिहसि महेसु हरिमाया बलु जानि जियँ।।51।।<BR>जौं तुम्हरें मन अति संदेहू। तौ किन जाइ परीछा लेहू।।<BR>तब लगि बैठ अहउँ बटछाहिं। जब लगि तुम्ह ऐहहु मोहि पाही।।<BR>जैसें जाइ मोह भ्रम भारी। करेहु सो जतनु बिबेक बिचारी।।<BR>चलीं सती सिव आयसु पाई। करहिं बिचारु करौं का भाई।।<BR>इहाँ संभु अस मन अनुमाना। दच्छसुता कहुँ नहिं कल्याना।।<BR>मोरेहु कहें न संसय जाहीं। बिधी बिपरीत भलाई नाहीं।।<BR>होइहि सोइ जो राम रचि राखा। को करि तर्क बढ़ावै साखा।।<BR>अस कहि लगे जपन हरिनामा। गई सती जहँ प्रभु सुखधामा।।<BR>दो0-पुनि पुनि हृदयँ विचारु करि धरि सीता कर रुप।<BR>आगें होइ चलि पंथ तेहि जेहिं आवत नरभूप।।52।।<BR>–*–*–<BR>लछिमन दीख उमाकृत बेषा चकित भए भ्रम हृदयँ बिसेषा।।<BR>कहि न सकत कछु अति गंभीरा। प्रभु प्रभाउ जानत मतिधीरा।।<BR>सती कपटु जानेउ सुरस्वामी। सबदरसी सब अंतरजामी।।<BR>सुमिरत जाहि मिटइ अग्याना। सोइ सरबग्य रामु भगवाना।।<BR>सती कीन्ह चह तहँहुँ दुराऊ। देखहु नारि सुभाव प्रभाऊ।।<BR>निज माया बलु हृदयँ बखानी। बोले बिहसि रामु मृदु बानी।।<BR>जोरि पानि प्रभु कीन्ह प्रनामू। पिता समेत लीन्ह निज नामू।।<BR>कहेउ बहोरि कहाँ बृषकेतू। बिपिन अकेलि फिरहु केहि हेतू।।<BR>दो0-राम बचन मृदु गूढ़ सुनि उपजा अति संकोचु।<BR>सती सभीत महेस पहिं चलीं हृदयँ बड़ सोचु।।53।।<BR>–*–*–<BR>मैं संकर कर कहा न माना। निज अग्यानु राम पर आना।।<BR>जाइ उतरु अब देहउँ काहा। उर उपजा अति दारुन दाहा।।<BR>जाना राम सतीं दुखु पावा। निज प्रभाउ कछु प्रगटि जनावा।।<BR>सतीं दीख कौतुकु मग जाता। आगें रामु सहित श्री भ्राता।।<BR>फिरि चितवा पाछें प्रभु देखा। सहित बंधु सिय सुंदर वेषा।।<BR>जहँ चितवहिं तहँ प्रभु आसीना। सेवहिं सिद्ध मुनीस प्रबीना।।<BR>देखे सिव बिधि बिष्नु अनेका। अमित प्रभाउ एक तें एका।।<BR>बंदत चरन करत प्रभु सेवा। बिबिध बेष देखे सब देवा।।<BR>दो0-सती बिधात्री इंदिरा देखीं अमित अनूप।<BR>जेहिं जेहिं बेष अजादि सुर तेहि तेहि तन अनुरूप।।54।।<BR>–*–*–<BR>देखे जहँ तहँ रघुपति जेते। सक्तिन्ह सहित सकल सुर तेते।।<BR>जीव चराचर जो संसारा। देखे सकल अनेक प्रकारा।।<BR>पूजहिं प्रभुहि देव बहु बेषा। राम रूप दूसर नहिं देखा।।<BR>अवलोके रघुपति बहुतेरे। सीता सहित न बेष घनेरे।।<BR>सोइ रघुबर सोइ लछिमनु सीता। देखि सती अति भई सभीता।।<BR>हृदय कंप तन सुधि कछु नाहीं। नयन मूदि बैठीं मग माहीं।।<BR>बहुरि बिलोकेउ नयन उघारी। कछु न दीख तहँ दच्छकुमारी।।<BR>पुनि पुनि नाइ राम पद सीसा। चलीं तहाँ जहँ रहे गिरीसा।।<BR>दो0-गई समीप महेस तब हँसि पूछी कुसलात।<BR>लीन्ही परीछा कवन बिधि कहहु सत्य सब बात।।55।।<BR>मासपारायण, दूसरा विश्राम<BR>–*–*–<BR>सतीं समुझि रघुबीर प्रभाऊ। भय बस सिव सन कीन्ह दुराऊ।।<BR>कछु न परीछा लीन्हि गोसाई। कीन्ह प्रनामु तुम्हारिहि नाई।।<BR>जो तुम्ह कहा सो मृषा न होई। मोरें मन प्रतीति अति सोई।।<BR>तब संकर देखेउ धरि ध्याना। सतीं जो कीन्ह चरित सब जाना।।<BR>बहुरि राममायहि सिरु नावा। प्रेरि सतिहि जेहिं झूँठ कहावा।।<BR>हरि इच्छा भावी बलवाना। हृदयँ बिचारत संभु सुजाना।।<BR>सतीं कीन्ह सीता कर बेषा। सिव उर भयउ बिषाद बिसेषा।।<BR>जौं अब करउँ सती सन प्रीती। मिटइ भगति पथु होइ अनीती।।<BR>दो0-परम पुनीत न जाइ तजि किएँ प्रेम बड़ पापु।<BR>प्रगटि न कहत महेसु कछु हृदयँ अधिक संतापु।।56।।<BR>–*–*–<BR>तब संकर प्रभु पद सिरु नावा। सुमिरत रामु हृदयँ अस आवा।।<BR>एहिं तन सतिहि भेट मोहि नाहीं। सिव संकल्पु कीन्ह मन माहीं।।<BR>अस बिचारि संकरु मतिधीरा। चले भवन सुमिरत रघुबीरा।।<BR>चलत गगन भै गिरा सुहाई। जय महेस भलि भगति दृढ़ाई।।<BR>अस पन तुम्ह बिनु करइ को आना। रामभगत समरथ भगवाना।।<BR>सुनि नभगिरा सती उर सोचा। पूछा सिवहि समेत सकोचा।।<BR>कीन्ह कवन पन कहहु कृपाला। सत्यधाम प्रभु दीनदयाला।।<BR>जदपि सतीं पूछा बहु भाँती। तदपि न कहेउ त्रिपुर आराती।।<BR>दो0-सतीं हृदय अनुमान किय सबु जानेउ सर्बग्य।<BR>कीन्ह कपटु मैं संभु सन नारि सहज जड़ अग्य।।57क।।<BR>–*–*–<BR>हृदयँ सोचु समुझत निज करनी। चिंता अमित जाइ नहि बरनी।।<BR>कृपासिंधु सिव परम अगाधा। प्रगट न कहेउ मोर अपराधा।।<BR>संकर रुख अवलोकि भवानी। प्रभु मोहि तजेउ हृदयँ अकुलानी।।<BR>निज अघ समुझि न कछु कहि जाई। तपइ अवाँ इव उर अधिकाई।।<BR>सतिहि ससोच जानि बृषकेतू। कहीं कथा सुंदर सुख हेतू।।<BR>बरनत पंथ बिबिध इतिहासा। बिस्वनाथ पहुँचे कैलासा।।<BR>तहँ पुनि संभु समुझि पन आपन। बैठे बट तर करि कमलासन।।<BR>संकर सहज सरुप सम्हारा। लागि समाधि अखंड अपारा।।<BR>दो0-सती बसहि कैलास तब अधिक सोचु मन माहिं।<BR>मरमु न कोऊ जान कछु जुग सम दिवस सिराहिं।।58।।<BR>–*–*–<BR>नित नव सोचु सतीं उर भारा। कब जैहउँ दुख सागर पारा।।<BR>मैं जो कीन्ह रघुपति अपमाना। पुनिपति बचनु मृषा करि जाना।।<BR>सो फलु मोहि बिधाताँ दीन्हा। जो कछु उचित रहा सोइ कीन्हा।।<BR>अब बिधि अस बूझिअ नहि तोही। संकर बिमुख जिआवसि मोही।।<BR>कहि न जाई कछु हृदय गलानी। मन महुँ रामाहि सुमिर सयानी।।<BR>जौ प्रभु दीनदयालु कहावा। आरती हरन बेद जसु गावा।।<BR>तौ मैं बिनय करउँ कर जोरी। छूटउ बेगि देह यह मोरी।।<BR>जौं मोरे सिव चरन सनेहू। मन क्रम बचन सत्य ब्रतु एहू।।<BR>दो0- तौ सबदरसी सुनिअ प्रभु करउ सो बेगि उपाइ।<BR>होइ मरनु जेही बिनहिं श्रम दुसह बिपत्ति बिहाइ।।59।।<BR>सो0-जलु पय सरिस बिकाइ देखहु प्रीति कि रीति भलि।<BR>बिलग होइ रसु जाइ कपट खटाई परत पुनि।।57ख।।<BR>–*–*–<BR>एहि बिधि दुखित प्रजेसकुमारी। अकथनीय दारुन दुखु भारी।।<BR>बीतें संबत सहस सतासी। तजी समाधि संभु अबिनासी।।<BR>राम नाम सिव सुमिरन लागे। जानेउ सतीं जगतपति जागे।।<BR>जाइ संभु पद बंदनु कीन्ही। सनमुख संकर आसनु दीन्हा।।<BR>लगे कहन हरिकथा रसाला। दच्छ प्रजेस भए तेहि काला।।<BR>देखा बिधि बिचारि सब लायक। दच्छहि कीन्ह प्रजापति नायक।।<BR>बड़ अधिकार दच्छ जब पावा। अति अभिमानु हृदयँ तब आवा।।<BR>नहिं कोउ अस जनमा जग माहीं। प्रभुता पाइ जाहि मद नाहीं।।<BR>दो0- दच्छ लिए मुनि बोलि सब करन लगे बड़ जाग।<BR>नेवते सादर सकल सुर जे पावत मख भाग।।60।।<BR>–*–*– </P> <P>किंनर नाग सिद्ध गंधर्बा। बधुन्ह समेत चले सुर सर्बा।।<BR>बिष्नु बिरंचि महेसु बिहाई। चले सकल सुर जान बनाई।।<BR>सतीं बिलोके ब्योम बिमाना। जात चले सुंदर बिधि नाना।।<BR>सुर सुंदरी करहिं कल गाना। सुनत श्रवन छूटहिं मुनि ध्याना।।<BR>पूछेउ तब सिवँ कहेउ बखानी। पिता जग्य सुनि कछु हरषानी।।<BR>जौं महेसु मोहि आयसु देहीं। कुछ दिन जाइ रहौं मिस एहीं।।<BR>पति परित्याग हृदय दुखु भारी। कहइ न निज अपराध बिचारी।।<BR>बोली सती मनोहर बानी। भय संकोच प्रेम रस सानी।।<BR>दो0-पिता भवन उत्सव परम जौं प्रभु आयसु होइ।<BR>तौ मै जाउँ कृपायतन सादर देखन सोइ।।61।।<BR>–*–*–<BR>कहेहु नीक मोरेहुँ मन भावा। यह अनुचित नहिं नेवत पठावा।।<BR>दच्छ सकल निज सुता बोलाई। हमरें बयर तुम्हउ बिसराई।।<BR>ब्रह्मसभाँ हम सन दुखु माना। तेहि तें अजहुँ करहिं अपमाना।।<BR>जौं बिनु बोलें जाहु भवानी। रहइ न सीलु सनेहु न कानी।।<BR>जदपि मित्र प्रभु पितु गुर गेहा। जाइअ बिनु बोलेहुँ न सँदेहा।।<BR>तदपि बिरोध मान जहँ कोई। तहाँ गएँ कल्यानु न होई।।<BR>भाँति अनेक संभु समुझावा। भावी बस न ग्यानु उर आवा।।<BR>कह प्रभु जाहु जो बिनहिं बोलाएँ। नहिं भलि बात हमारे भाएँ।।<BR>दो0-कहि देखा हर जतन बहु रहइ न दच्छकुमारि।<BR>दिए मुख्य गन संग तब बिदा कीन्ह त्रिपुरारि।।62।।<BR>–*–*–<BR>पिता भवन जब गई भवानी। दच्छ त्रास काहुँ न सनमानी।।<BR>सादर भलेहिं मिली एक माता। भगिनीं मिलीं बहुत मुसुकाता।।<BR>दच्छ न कछु पूछी कुसलाता। सतिहि बिलोकि जरे सब गाता।।<BR>सतीं जाइ देखेउ तब जागा। कतहुँ न दीख संभु कर भागा।।<BR>तब चित चढ़ेउ जो संकर कहेऊ। प्रभु अपमानु समुझि उर दहेऊ।।<BR>पाछिल दुखु न हृदयँ अस ब्यापा। जस यह भयउ महा परितापा।।<BR>जद्यपि जग दारुन दुख नाना। सब तें कठिन जाति अवमाना।।<BR>समुझि सो सतिहि भयउ अति क्रोधा। बहु बिधि जननीं कीन्ह प्रबोधा।।<BR>दो0-सिव अपमानु न जाइ सहि हृदयँ न होइ प्रबोध।<BR>सकल सभहि हठि हटकि तब बोलीं बचन सक्रोध।।63।।<BR>–*–*–<BR>सुनहु सभासद सकल मुनिंदा। कही सुनी जिन्ह संकर निंदा।।<BR>सो फलु तुरत लहब सब काहूँ। भली भाँति पछिताब पिताहूँ।।<BR>संत संभु श्रीपति अपबादा। सुनिअ जहाँ तहँ असि मरजादा।।<BR>काटिअ तासु जीभ जो बसाई। श्रवन मूदि न त चलिअ पराई।।<BR>जगदातमा महेसु पुरारी। जगत जनक सब के हितकारी।।<BR>पिता मंदमति निंदत तेही। दच्छ सुक्र संभव यह देही।।<BR>तजिहउँ तुरत देह तेहि हेतू। उर धरि चंद्रमौलि बृषकेतू।।<BR>अस कहि जोग अगिनि तनु जारा। भयउ सकल मख हाहाकारा।।<BR>दो0-सती मरनु सुनि संभु गन लगे करन मख खीस।<BR>जग्य बिधंस बिलोकि भृगु रच्छा कीन्हि मुनीस।।64।।<BR>–*–*–<BR>समाचार सब संकर पाए। बीरभद्रु करि कोप पठाए।।<BR>जग्य बिधंस जाइ तिन्ह कीन्हा। सकल सुरन्ह बिधिवत फलु दीन्हा।।<BR>भे जगबिदित दच्छ गति सोई। जसि कछु संभु बिमुख कै होई।।<BR>यह इतिहास सकल जग जानी। ताते मैं संछेप बखानी।।<BR>सतीं मरत हरि सन बरु मागा। जनम जनम सिव पद अनुरागा।।<BR>तेहि कारन हिमगिरि गृह जाई। जनमीं पारबती तनु पाई।।<BR>जब तें उमा सैल गृह जाईं। सकल सिद्धि संपति तहँ छाई।।<BR>जहँ तहँ मुनिन्ह सुआश्रम कीन्हे। उचित बास हिम भूधर दीन्हे।।<BR>दो0-सदा सुमन फल सहित सब द्रुम नव नाना जाति। </P> <P>प्रगटीं सुंदर सैल पर मनि आकर बहु भाँति।।65।।<BR>–*–*–<BR>सरिता सब पुनित जलु बहहीं। खग मृग मधुप सुखी सब रहहीं।।<BR>सहज बयरु सब जीवन्ह त्यागा। गिरि पर सकल करहिं अनुरागा।।<BR>सोह सैल गिरिजा गृह आएँ। जिमि जनु रामभगति के पाएँ।।<BR>नित नूतन मंगल गृह तासू। ब्रह्मादिक गावहिं जसु जासू।।<BR>नारद समाचार सब पाए। कौतुकहीं गिरि गेह सिधाए।।<BR>सैलराज बड़ आदर कीन्हा। पद पखारि बर आसनु दीन्हा।।<BR>नारि सहित मुनि पद सिरु नावा। चरन सलिल सबु भवनु सिंचावा।।<BR>निज सौभाग्य बहुत गिरि बरना। सुता बोलि मेली मुनि चरना।।<BR>दो0-त्रिकालग्य सर्बग्य तुम्ह गति सर्बत्र तुम्हारि।।<BR>कहहु सुता के दोष गुन मुनिबर हृदयँ बिचारि।।66।।<BR>–*–*–<BR>कह मुनि बिहसि गूढ़ मृदु बानी। सुता तुम्हारि सकल गुन खानी।।<BR>सुंदर सहज सुसील सयानी। नाम उमा अंबिका भवानी।।<BR>सब लच्छन संपन्न कुमारी। होइहि संतत पियहि पिआरी।।<BR>सदा अचल एहि कर अहिवाता। एहि तें जसु पैहहिं पितु माता।।<BR>होइहि पूज्य सकल जग माहीं। एहि सेवत कछु दुर्लभ नाहीं।।<BR>एहि कर नामु सुमिरि संसारा। त्रिय चढ़हहिँ पतिब्रत असिधारा।।<BR>सैल सुलच्छन सुता तुम्हारी। सुनहु जे अब अवगुन दुइ चारी।।<BR>अगुन अमान मातु पितु हीना। उदासीन सब संसय छीना।।<BR>दो0-जोगी जटिल अकाम मन नगन अमंगल बेष।।<BR>अस स्वामी एहि कहँ मिलिहि परी हस्त असि रेख।।67।।<BR>–*–*–<BR>सुनि मुनि गिरा सत्य जियँ जानी। दुख दंपतिहि उमा हरषानी।।<BR>नारदहुँ यह भेदु न जाना। दसा एक समुझब बिलगाना।।<BR>सकल सखीं गिरिजा गिरि मैना। पुलक सरीर भरे जल नैना।।<BR>होइ न मृषा देवरिषि भाषा। उमा सो बचनु हृदयँ धरि राखा।।<BR>उपजेउ सिव पद कमल सनेहू। मिलन कठिन मन भा संदेहू।।<BR>जानि कुअवसरु प्रीति दुराई। सखी उछँग बैठी पुनि जाई।।<BR>झूठि न होइ देवरिषि बानी। सोचहि दंपति सखीं सयानी।।<BR>उर धरि धीर कहइ गिरिराऊ। कहहु नाथ का करिअ उपाऊ।।<BR>दो0-कह मुनीस हिमवंत सुनु जो बिधि लिखा लिलार।<BR>देव दनुज नर नाग मुनि कोउ न मेटनिहार।।68।।<BR>–*–*–<BR>तदपि एक मैं कहउँ उपाई। होइ करै जौं दैउ सहाई।।<BR>जस बरु मैं बरनेउँ तुम्ह पाहीं। मिलहि उमहि तस संसय नाहीं।।<BR>जे जे बर के दोष बखाने। ते सब सिव पहि मैं अनुमाने।।<BR>जौं बिबाहु संकर सन होई। दोषउ गुन सम कह सबु कोई।।<BR>जौं अहि सेज सयन हरि करहीं। बुध कछु तिन्ह कर दोषु न धरहीं।।<BR>भानु कृसानु सर्ब रस खाहीं। तिन्ह कहँ मंद कहत कोउ नाहीं।।<BR>सुभ अरु असुभ सलिल सब बहई। सुरसरि कोउ अपुनीत न कहई।।<BR>समरथ कहुँ नहिं दोषु गोसाई। रबि पावक सुरसरि की नाई।।<BR>दो0-जौं अस हिसिषा करहिं नर जड़ि बिबेक अभिमान।<BR>परहिं कलप भरि नरक महुँ जीव कि ईस समान।।69।।<BR>–*–*–<BR>सुरसरि जल कृत बारुनि जाना। कबहुँ न संत करहिं तेहि पाना।।<BR>सुरसरि मिलें सो पावन जैसें। ईस अनीसहि अंतरु तैसें।।<BR>संभु सहज समरथ भगवाना। एहि बिबाहँ सब बिधि कल्याना।।<BR>दुराराध्य पै अहहिं महेसू। आसुतोष पुनि किएँ कलेसू।।<BR>जौं तपु करै कुमारि तुम्हारी। भाविउ मेटि सकहिं त्रिपुरारी।।<BR>जद्यपि बर अनेक जग माहीं। एहि कहँ सिव तजि दूसर नाहीं।।<BR>बर दायक प्रनतारति भंजन। कृपासिंधु सेवक मन रंजन।।<BR>इच्छित फल बिनु सिव अवराधे। लहिअ न कोटि जोग जप साधें।।<BR>दो0-अस कहि नारद सुमिरि हरि गिरिजहि दीन्हि असीस।<BR>होइहि यह कल्यान अब संसय तजहु गिरीस।।70।।<BR>–*–*–<BR>कहि अस ब्रह्मभवन मुनि गयऊ। आगिल चरित सुनहु जस भयऊ।।<BR>पतिहि एकांत पाइ कह मैना। नाथ न मैं समुझे मुनि बैना।।<BR>जौं घरु बरु कुलु होइ अनूपा। करिअ बिबाहु सुता अनुरुपा।।<BR>न त कन्या बरु रहउ कुआरी। कंत उमा मम प्रानपिआरी।।<BR>जौं न मिलहि बरु गिरिजहि जोगू। गिरि जड़ सहज कहिहि सबु लोगू।।<BR>सोइ बिचारि पति करेहु बिबाहू। जेहिं न बहोरि होइ उर दाहू।।<BR>अस कहि परि चरन धरि सीसा। बोले सहित सनेह गिरीसा।।<BR>बरु पावक प्रगटै ससि माहीं। नारद बचनु अन्यथा नाहीं।।<BR>दो0-प्रिया सोचु परिहरहु सबु सुमिरहु श्रीभगवान।<BR>पारबतिहि निरमयउ जेहिं सोइ करिहि कल्यान।।71।।<BR>–*–*–<BR>अब जौ तुम्हहि सुता पर नेहू। तौ अस जाइ सिखावन देहू।।<BR>करै सो तपु जेहिं मिलहिं महेसू। आन उपायँ न मिटहि कलेसू।।<BR>नारद बचन सगर्भ सहेतू। सुंदर सब गुन निधि बृषकेतू।।<BR>अस बिचारि तुम्ह तजहु असंका। सबहि भाँति संकरु अकलंका।।<BR>सुनि पति बचन हरषि मन माहीं। गई तुरत उठि गिरिजा पाहीं।।<BR>उमहि बिलोकि नयन भरे बारी। सहित सनेह गोद बैठारी।।<BR>बारहिं बार लेति उर लाई। गदगद कंठ न कछु कहि जाई।।<BR>जगत मातु सर्बग्य भवानी। मातु सुखद बोलीं मृदु बानी।।<BR>दो0-सुनहि मातु मैं दीख अस सपन सुनावउँ तोहि।<BR>सुंदर गौर सुबिप्रबर अस उपदेसेउ मोहि।।72।।<BR>–*–*–<BR>करहि जाइ तपु सैलकुमारी। नारद कहा सो सत्य बिचारी।।<BR>मातु पितहि पुनि यह मत भावा। तपु सुखप्रद दुख दोष नसावा।।<BR>तपबल रचइ प्रपंच बिधाता। तपबल बिष्नु सकल जग त्राता।।<BR>तपबल संभु करहिं संघारा। तपबल सेषु धरइ महिभारा।।<BR>तप अधार सब सृष्टि भवानी। करहि जाइ तपु अस जियँ जानी।।<BR>सुनत बचन बिसमित महतारी। सपन सुनायउ गिरिहि हँकारी।।<BR>मातु पितुहि बहुबिधि समुझाई। चलीं उमा तप हित हरषाई।।<BR>प्रिय परिवार पिता अरु माता। भए बिकल मुख आव न बाता।।<BR>दो0-बेदसिरा मुनि आइ तब सबहि कहा समुझाइ।।<BR>पारबती महिमा सुनत रहे प्रबोधहि पाइ।।73।।<BR>–*–*–<BR>उर धरि उमा प्रानपति चरना। जाइ बिपिन लागीं तपु करना।।<BR>अति सुकुमार न तनु तप जोगू। पति पद सुमिरि तजेउ सबु भोगू।।<BR>नित नव चरन उपज अनुरागा। बिसरी देह तपहिं मनु लागा।।<BR>संबत सहस मूल फल खाए। सागु खाइ सत बरष गवाँए।।<BR>कछु दिन भोजनु बारि बतासा। किए कठिन कछु दिन उपबासा।।<BR>बेल पाती महि परइ सुखाई। तीनि सहस संबत सोई खाई।।<BR>पुनि परिहरे सुखानेउ परना। उमहि नाम तब भयउ अपरना।।<BR>देखि उमहि तप खीन सरीरा। ब्रह्मगिरा भै गगन गभीरा।।<BR>दो0-भयउ मनोरथ सुफल तव सुनु गिरिजाकुमारि।<BR>परिहरु दुसह कलेस सब अब मिलिहहिं त्रिपुरारि।।74।।<BR>–*–*–<BR>अस तपु काहुँ न कीन्ह भवानी। भउ अनेक धीर मुनि ग्यानी।।<BR>अब उर धरहु ब्रह्म बर बानी। सत्य सदा संतत सुचि जानी।।<BR>आवै पिता बोलावन जबहीं। हठ परिहरि घर जाएहु तबहीं।।<BR>मिलहिं तुम्हहि जब सप्त रिषीसा। जानेहु तब प्रमान बागीसा।।<BR>सुनत गिरा बिधि गगन बखानी। पुलक गात गिरिजा हरषानी।।<BR>उमा चरित सुंदर मैं गावा। सुनहु संभु कर चरित सुहावा।।<BR>जब तें सती जाइ तनु त्यागा। तब सें सिव मन भयउ बिरागा।।<BR>जपहिं सदा रघुनायक नामा। जहँ तहँ सुनहिं राम गुन ग्रामा।।<BR>दो0-चिदानन्द सुखधाम सिव बिगत मोह मद काम।<BR>बिचरहिं महि धरि हृदयँ हरि सकल लोक अभिराम।।75।।<BR>–*–*–<BR>कतहुँ मुनिन्ह उपदेसहिं ग्याना। कतहुँ राम गुन करहिं बखाना।।<BR>जदपि अकाम तदपि भगवाना। भगत बिरह दुख दुखित सुजाना।।<BR>एहि बिधि गयउ कालु बहु बीती। नित नै होइ राम पद प्रीती।।<BR>नैमु प्रेमु संकर कर देखा। अबिचल हृदयँ भगति कै रेखा।।<BR>प्रगटै रामु कृतग्य कृपाला। रूप सील निधि तेज बिसाला।।<BR>बहु प्रकार संकरहि सराहा। तुम्ह बिनु अस ब्रतु को निरबाहा।।<BR>बहुबिधि राम सिवहि समुझावा। पारबती कर जन्मु सुनावा।।<BR>अति पुनीत गिरिजा कै करनी। बिस्तर सहित कृपानिधि बरनी।।<BR>दो0-अब बिनती मम सुनेहु सिव जौं मो पर निज नेहु।<BR>जाइ बिबाहहु सैलजहि यह मोहि मागें देहु।।76।।<BR>–*–*– </P> <P>कह सिव जदपि उचित अस नाहीं। नाथ बचन पुनि मेटि न जाहीं।।<BR>सिर धरि आयसु करिअ तुम्हारा। परम धरमु यह नाथ हमारा।।<BR>मातु पिता गुर प्रभु कै बानी। बिनहिं बिचार करिअ सुभ जानी।।<BR>तुम्ह सब भाँति परम हितकारी। अग्या सिर पर नाथ तुम्हारी।।<BR>प्रभु तोषेउ सुनि संकर बचना। भक्ति बिबेक धर्म जुत रचना।।<BR>कह प्रभु हर तुम्हार पन रहेऊ। अब उर राखेहु जो हम कहेऊ।।<BR>अंतरधान भए अस भाषी। संकर सोइ मूरति उर राखी।।<BR>तबहिं सप्तरिषि सिव पहिं आए। बोले प्रभु अति बचन सुहाए।।<BR>दो0-पारबती पहिं जाइ तुम्ह प्रेम परिच्छा लेहु।<BR>गिरिहि प्रेरि पठएहु भवन दूरि करेहु संदेहु।।77।।<BR>–*–*–<BR>रिषिन्ह गौरि देखी तहँ कैसी। मूरतिमंत तपस्या जैसी।।<BR>बोले मुनि सुनु सैलकुमारी। करहु कवन कारन तपु भारी।।<BR>केहि अवराधहु का तुम्ह चहहू। हम सन सत्य मरमु किन कहहू।।<BR>कहत बचत मनु अति सकुचाई। हँसिहहु सुनि हमारि जड़ताई।।<BR>मनु हठ परा न सुनइ सिखावा। चहत बारि पर भीति उठावा।।<BR>नारद कहा सत्य सोइ जाना। बिनु पंखन्ह हम चहहिं उड़ाना।।<BR>देखहु मुनि अबिबेकु हमारा। चाहिअ सदा सिवहि भरतारा।।<BR>दो0-सुनत बचन बिहसे रिषय गिरिसंभव तब देह।<BR>नारद कर उपदेसु सुनि कहहु बसेउ किसु गेह।।78।।<BR>–*–*–<BR>दच्छसुतन्ह उपदेसेन्हि जाई। तिन्ह फिरि भवनु न देखा आई।।<BR>चित्रकेतु कर घरु उन घाला। कनककसिपु कर पुनि अस हाला।।<BR>नारद सिख जे सुनहिं नर नारी। अवसि होहिं तजि भवनु भिखारी।।<BR>मन कपटी तन सज्जन चीन्हा। आपु सरिस सबही चह कीन्हा।।<BR>तेहि कें बचन मानि बिस्वासा। तुम्ह चाहहु पति सहज उदासा।।<BR>निर्गुन निलज कुबेष कपाली। अकुल अगेह दिगंबर ब्याली।।<BR>कहहु कवन सुखु अस बरु पाएँ। भल भूलिहु ठग के बौराएँ।।<BR>पंच कहें सिवँ सती बिबाही। पुनि अवडेरि मराएन्हि ताही।।<BR>दो0-अब सुख सोवत सोचु नहि भीख मागि भव खाहिं।<BR>सहज एकाकिन्ह के भवन कबहुँ कि नारि खटाहिं।।79।।<BR>–*–*–<BR>अजहूँ मानहु कहा हमारा। हम तुम्ह कहुँ बरु नीक बिचारा।।<BR>अति सुंदर सुचि सुखद सुसीला। गावहिं बेद जासु जस लीला।।<BR>दूषन रहित सकल गुन रासी। श्रीपति पुर बैकुंठ निवासी।।<BR>अस बरु तुम्हहि मिलाउब आनी। सुनत बिहसि कह बचन भवानी।।<BR>सत्य कहेहु गिरिभव तनु एहा। हठ न छूट छूटै बरु देहा।।<BR>कनकउ पुनि पषान तें होई। जारेहुँ सहजु न परिहर सोई।।<BR>नारद बचन न मैं परिहरऊँ। बसउ भवनु उजरउ नहिं डरऊँ।।<BR>गुर कें बचन प्रतीति न जेही। सपनेहुँ सुगम न सुख सिधि तेही।।<BR>दो0-महादेव अवगुन भवन बिष्नु सकल गुन धाम।<BR>जेहि कर मनु रम जाहि सन तेहि तेही सन काम।।80।।<BR>–*–*–<BR>जौं तुम्ह मिलतेहु प्रथम मुनीसा। सुनतिउँ सिख तुम्हारि धरि सीसा।।<BR>अब मैं जन्मु संभु हित हारा। को गुन दूषन करै बिचारा।।<BR>जौं तुम्हरे हठ हृदयँ बिसेषी। रहि न जाइ बिनु किएँ बरेषी।।<BR>तौ कौतुकिअन्ह आलसु नाहीं। बर कन्या अनेक जग माहीं।।<BR>जन्म कोटि लगि रगर हमारी। बरउँ संभु न त रहउँ कुआरी।।<BR>तजउँ न नारद कर उपदेसू। आपु कहहि सत बार महेसू।।<BR>मैं पा परउँ कहइ जगदंबा। तुम्ह गृह गवनहु भयउ बिलंबा।।<BR>देखि प्रेमु बोले मुनि ग्यानी। जय जय जगदंबिके भवानी।।<BR>दो0-तुम्ह माया भगवान सिव सकल जगत पितु मातु।<BR>नाइ चरन सिर मुनि चले पुनि पुनि हरषत गातु।।81।।<BR>–*–*–<BR>जाइ मुनिन्ह हिमवंतु पठाए। करि बिनती गिरजहिं गृह ल्याए।।<BR>बहुरि सप्तरिषि सिव पहिं जाई। कथा उमा कै सकल सुनाई।।<BR>भए मगन सिव सुनत सनेहा। हरषि सप्तरिषि गवने गेहा।।<BR>मनु थिर करि तब संभु सुजाना। लगे करन रघुनायक ध्याना।।<BR>तारकु असुर भयउ तेहि काला। भुज प्रताप बल तेज बिसाला।।<BR>तेंहि सब लोक लोकपति जीते। भए देव सुख संपति रीते।।<BR>अजर अमर सो जीति न जाई। हारे सुर करि बिबिध लराई।।<BR>तब बिरंचि सन जाइ पुकारे। देखे बिधि सब देव दुखारे।।<BR>दो0-सब सन कहा बुझाइ बिधि दनुज निधन तब होइ।<BR>संभु सुक्र संभूत सुत एहि जीतइ रन सोइ।।82।।<BR>–*–*–<BR>मोर कहा सुनि करहु उपाई। होइहि ईस्वर करिहि सहाई।।<BR>सतीं जो तजी दच्छ मख देहा। जनमी जाइ हिमाचल गेहा।।<BR>तेहिं तपु कीन्ह संभु पति लागी। सिव समाधि बैठे सबु त्यागी।।<BR>जदपि अहइ असमंजस भारी। तदपि बात एक सुनहु हमारी।।<BR>पठवहु कामु जाइ सिव पाहीं। करै छोभु संकर मन माहीं।।<BR>तब हम जाइ सिवहि सिर नाई। करवाउब बिबाहु बरिआई।।<BR>एहि बिधि भलेहि देवहित होई। मर अति नीक कहइ सबु कोई।।<BR>अस्तुति सुरन्ह कीन्हि अति हेतू। प्रगटेउ बिषमबान झषकेतू।।<BR>दो0-सुरन्ह कहीं निज बिपति सब सुनि मन कीन्ह बिचार।<BR>संभु बिरोध न कुसल मोहि बिहसि कहेउ अस मार।।83।।<BR>–*–*–<BR>तदपि करब मैं काजु तुम्हारा। श्रुति कह परम धरम उपकारा।।<BR>पर हित लागि तजइ जो देही। संतत संत प्रसंसहिं तेही।।<BR>अस कहि चलेउ सबहि सिरु नाई। सुमन धनुष कर सहित सहाई।।<BR>चलत मार अस हृदयँ बिचारा। सिव बिरोध ध्रुव मरनु हमारा।।<BR>तब आपन प्रभाउ बिस्तारा। निज बस कीन्ह सकल संसारा।।<BR>कोपेउ जबहि बारिचरकेतू। छन महुँ मिटे सकल श्रुति सेतू।।<BR>ब्रह्मचर्ज ब्रत संजम नाना। धीरज धरम ग्यान बिग्याना।।<BR>सदाचार जप जोग बिरागा। सभय बिबेक कटकु सब भागा।।<BR>छं0-भागेउ बिबेक सहाय सहित सो सुभट संजुग महि मुरे।<BR>सदग्रंथ पर्बत कंदरन्हि महुँ जाइ तेहि अवसर दुरे।।<BR>होनिहार का करतार को रखवार जग खरभरु परा।<BR>दुइ माथ केहि रतिनाथ जेहि कहुँ कोपि कर धनु सरु धरा।।<BR>दो0-जे सजीव जग अचर चर नारि पुरुष अस नाम।<BR>ते निज निज मरजाद तजि भए सकल बस काम।।84।।<BR>–*–*–<BR>सब के हृदयँ मदन अभिलाषा। लता निहारि नवहिं तरु साखा।।<BR>नदीं उमगि अंबुधि कहुँ धाई। संगम करहिं तलाव तलाई।।<BR>जहँ असि दसा जड़न्ह कै बरनी। को कहि सकइ सचेतन करनी।।<BR>पसु पच्छी नभ जल थलचारी। भए कामबस समय बिसारी।।<BR>मदन अंध ब्याकुल सब लोका। निसि दिनु नहिं अवलोकहिं कोका।।<BR>देव दनुज नर किंनर ब्याला। प्रेत पिसाच भूत बेताला।।<BR>इन्ह कै दसा न कहेउँ बखानी। सदा काम के चेरे जानी।।<BR>सिद्ध बिरक्त महामुनि जोगी। तेपि कामबस भए बियोगी।।<BR>छं0-भए कामबस जोगीस तापस पावँरन्हि की को कहै।<BR>देखहिं चराचर नारिमय जे ब्रह्ममय देखत रहे।।<BR>अबला बिलोकहिं पुरुषमय जगु पुरुष सब अबलामयं।<BR>दुइ दंड भरि ब्रह्मांड भीतर कामकृत कौतुक अयं।।<BR>सो0-धरी न काहूँ धिर सबके मन मनसिज हरे।<BR>जे राखे रघुबीर ते उबरे तेहि काल महुँ।।85।।</P> <P>उभय घरी अस कौतुक भयऊ। जौ लगि कामु संभु पहिं गयऊ।।<BR>सिवहि बिलोकि ससंकेउ मारू। भयउ जथाथिति सबु संसारू।।<BR>भए तुरत सब जीव सुखारे। जिमि मद उतरि गएँ मतवारे।।<BR>रुद्रहि देखि मदन भय माना। दुराधरष दुर्गम भगवाना।।<BR>फिरत लाज कछु करि नहिं जाई। मरनु ठानि मन रचेसि उपाई।।<BR>प्रगटेसि तुरत रुचिर रितुराजा। कुसुमित नव तरु राजि बिराजा।।<BR>बन उपबन बापिका तड़ागा। परम सुभग सब दिसा बिभागा।।<BR>जहँ तहँ जनु उमगत अनुरागा। देखि मुएहुँ मन मनसिज जागा।।<BR>छं0-जागइ मनोभव मुएहुँ मन बन सुभगता न परै कही।<BR>सीतल सुगंध सुमंद मारुत मदन अनल सखा सही।।<BR>बिकसे सरन्हि बहु कंज गुंजत पुंज मंजुल मधुकरा।<BR>कलहंस पिक सुक सरस रव करि गान नाचहिं अपछरा।।<BR>दो0-सकल कला करि कोटि बिधि हारेउ सेन समेत।<BR>चली न अचल समाधि सिव कोपेउ हृदयनिकेत।।86।।<BR>–*–*–<BR>देखि रसाल बिटप बर साखा। तेहि पर चढ़ेउ मदनु मन माखा।।<BR>सुमन चाप निज सर संधाने। अति रिस ताकि श्रवन लगि ताने।।<BR>छाड़े बिषम बिसिख उर लागे। छुटि समाधि संभु तब जागे।।<BR>भयउ ईस मन छोभु बिसेषी। नयन उघारि सकल दिसि देखी।।<BR>सौरभ पल्लव मदनु बिलोका। भयउ कोपु कंपेउ त्रैलोका।।<BR>तब सिवँ तीसर नयन उघारा। चितवत कामु भयउ जरि छारा।।<BR>हाहाकार भयउ जग भारी। डरपे सुर भए असुर सुखारी।।<BR>समुझि कामसुखु सोचहिं भोगी। भए अकंटक साधक जोगी।।<BR>छं0-जोगि अकंटक भए पति गति सुनत रति मुरुछित भई।<BR>रोदति बदति बहु भाँति करुना करति संकर पहिं गई।<BR>अति प्रेम करि बिनती बिबिध बिधि जोरि कर सन्मुख रही।<BR>प्रभु आसुतोष कृपाल सिव अबला निरखि बोले सही।।<BR>दो0-अब तें रति तव नाथ कर होइहि नामु अनंगु।<BR>बिनु बपु ब्यापिहि सबहि पुनि सुनु निज मिलन प्रसंगु।।87।।<BR>–*–*–<BR>जब जदुबंस कृष्न अवतारा। होइहि हरन महा महिभारा।।<BR>कृष्न तनय होइहि पति तोरा। बचनु अन्यथा होइ न मोरा।।<BR>रति गवनी सुनि संकर बानी। कथा अपर अब कहउँ बखानी।।<BR>देवन्ह समाचार सब पाए। ब्रह्मादिक बैकुंठ सिधाए।।<BR>सब सुर बिष्नु बिरंचि समेता। गए जहाँ सिव कृपानिकेता।।<BR>पृथक पृथक तिन्ह कीन्हि प्रसंसा। भए प्रसन्न चंद्र अवतंसा।।<BR>बोले कृपासिंधु बृषकेतू। कहहु अमर आए केहि हेतू।।<BR>कह बिधि तुम्ह प्रभु अंतरजामी। तदपि भगति बस बिनवउँ स्वामी।।<BR>दो0-सकल सुरन्ह के हृदयँ अस संकर परम उछाहु।<BR>निज नयनन्हि देखा चहहिं नाथ तुम्हार बिबाहु।।88।।<BR>–*–*–<BR>यह उत्सव देखिअ भरि लोचन। सोइ कछु करहु मदन मद मोचन।<BR>कामु जारि रति कहुँ बरु दीन्हा। कृपासिंधु यह अति भल कीन्हा।।<BR>सासति करि पुनि करहिं पसाऊ। नाथ प्रभुन्ह कर सहज सुभाऊ।।<BR>पारबतीं तपु कीन्ह अपारा। करहु तासु अब अंगीकारा।।<BR>सुनि बिधि बिनय समुझि प्रभु बानी। ऐसेइ होउ कहा सुखु मानी।।<BR>तब देवन्ह दुंदुभीं बजाईं। बरषि सुमन जय जय सुर साई।।<BR>अवसरु जानि सप्तरिषि आए। तुरतहिं बिधि गिरिभवन पठाए।।<BR>प्रथम गए जहँ रही भवानी। बोले मधुर बचन छल सानी।।<BR>दो0-कहा हमार न सुनेहु तब नारद कें उपदेस।<BR>अब भा झूठ तुम्हार पन जारेउ कामु महेस।।89।।<BR>मासपारायण,तीसरा विश्राम<BR>–*–*–<BR>सुनि बोलीं मुसकाइ भवानी। उचित कहेहु मुनिबर बिग्यानी।।<BR>तुम्हरें जान कामु अब जारा। अब लगि संभु रहे सबिकारा।।<BR>हमरें जान सदा सिव जोगी। अज अनवद्य अकाम अभोगी।।<BR>जौं मैं सिव सेये अस जानी। प्रीति समेत कर्म मन बानी।।<BR>तौ हमार पन सुनहु मुनीसा। करिहहिं सत्य कृपानिधि ईसा।।<BR>तुम्ह जो कहा हर जारेउ मारा। सोइ अति बड़ अबिबेकु तुम्हारा।।<BR>तात अनल कर सहज सुभाऊ। हिम तेहि निकट जाइ नहिं काऊ।।<BR>गएँ समीप सो अवसि नसाई। असि मन्मथ महेस की नाई।।<BR>दो0-हियँ हरषे मुनि बचन सुनि देखि प्रीति बिस्वास।।<BR>चले भवानिहि नाइ सिर गए हिमाचल पास।।90।।<BR>–*–*–<BR>सबु प्रसंगु गिरिपतिहि सुनावा। मदन दहन सुनि अति दुखु पावा।।<BR>बहुरि कहेउ रति कर बरदाना। सुनि हिमवंत बहुत सुखु माना।।<BR>हृदयँ बिचारि संभु प्रभुताई। सादर मुनिबर लिए बोलाई।।<BR>सुदिनु सुनखतु सुघरी सोचाई। बेगि बेदबिधि लगन धराई।।<BR>पत्री सप्तरिषिन्ह सोइ दीन्ही। गहि पद बिनय हिमाचल कीन्ही।।<BR>जाइ बिधिहि दीन्हि सो पाती। बाचत प्रीति न हृदयँ समाती।।<BR>लगन बाचि अज सबहि सुनाई। हरषे मुनि सब सुर समुदाई।।<BR>सुमन बृष्टि नभ बाजन बाजे। मंगल कलस दसहुँ दिसि साजे।।<BR>दो0- लगे सँवारन सकल सुर बाहन बिबिध बिमान।<BR>होहि सगुन मंगल सुभद करहिं अपछरा गान।।91।।<BR>–*–*– </P> <P>सिवहि संभु गन करहिं सिंगारा। जटा मुकुट अहि मौरु सँवारा।।<BR>कुंडल कंकन पहिरे ब्याला। तन बिभूति पट केहरि छाला।।<BR>ससि ललाट सुंदर सिर गंगा। नयन तीनि उपबीत भुजंगा।।<BR>गरल कंठ उर नर सिर माला। असिव बेष सिवधाम कृपाला।।<BR>कर त्रिसूल अरु डमरु बिराजा। चले बसहँ चढ़ि बाजहिं बाजा।।<BR>देखि सिवहि सुरत्रिय मुसुकाहीं। बर लायक दुलहिनि जग नाहीं।।<BR>बिष्नु बिरंचि आदि सुरब्राता। चढ़ि चढ़ि बाहन चले बराता।।<BR>सुर समाज सब भाँति अनूपा। नहिं बरात दूलह अनुरूपा।।<BR>दो0-बिष्नु कहा अस बिहसि तब बोलि सकल दिसिराज।<BR>बिलग बिलग होइ चलहु सब निज निज सहित समाज।।92।।<BR>–*–*–<BR>बर अनुहारि बरात न भाई। हँसी करैहहु पर पुर जाई।।<BR>बिष्नु बचन सुनि सुर मुसकाने। निज निज सेन सहित बिलगाने।।<BR>मनहीं मन महेसु मुसुकाहीं। हरि के बिंग्य बचन नहिं जाहीं।।<BR>अति प्रिय बचन सुनत प्रिय केरे। भृंगिहि प्रेरि सकल गन टेरे।।<BR>सिव अनुसासन सुनि सब आए। प्रभु पद जलज सीस तिन्ह नाए।।<BR>नाना बाहन नाना बेषा। बिहसे सिव समाज निज देखा।।<BR>कोउ मुखहीन बिपुल मुख काहू। बिनु पद कर कोउ बहु पद बाहू।।<BR>बिपुल नयन कोउ नयन बिहीना। रिष्टपुष्ट कोउ अति तनखीना।।<BR>छं0-तन खीन कोउ अति पीन पावन कोउ अपावन गति धरें।<BR>भूषन कराल कपाल कर सब सद्य सोनित तन भरें।।<BR>खर स्वान सुअर सृकाल मुख गन बेष अगनित को गनै।<BR>बहु जिनस प्रेत पिसाच जोगि जमात बरनत नहिं बनै।।<BR>सो0-नाचहिं गावहिं गीत परम तरंगी भूत सब।<BR>देखत अति बिपरीत बोलहिं बचन बिचित्र बिधि।।93।।<BR>जस दूलहु तसि बनी बराता। कौतुक बिबिध होहिं मग जाता।।<BR>इहाँ हिमाचल रचेउ बिताना। अति बिचित्र नहिं जाइ बखाना।।<BR>सैल सकल जहँ लगि जग माहीं। लघु बिसाल नहिं बरनि सिराहीं।।<BR>बन सागर सब नदीं तलावा। हिमगिरि सब कहुँ नेवत पठावा।।<BR>कामरूप सुंदर तन धारी। सहित समाज सहित बर नारी।।<BR>गए सकल तुहिनाचल गेहा। गावहिं मंगल सहित सनेहा।।<BR>प्रथमहिं गिरि बहु गृह सँवराए। जथाजोगु तहँ तहँ सब छाए।।<BR>पुर सोभा अवलोकि सुहाई। लागइ लघु बिरंचि निपुनाई।।<BR>छं0-लघु लाग बिधि की निपुनता अवलोकि पुर सोभा सही।<BR>बन बाग कूप तड़ाग सरिता सुभग सब सक को कही।।<BR>मंगल बिपुल तोरन पताका केतु गृह गृह सोहहीं।।<BR>बनिता पुरुष सुंदर चतुर छबि देखि मुनि मन मोहहीं।।<BR>दो0-जगदंबा जहँ अवतरी सो पुरु बरनि कि जाइ।<BR>रिद्धि सिद्धि संपत्ति सुख नित नूतन अधिकाइ।।94।।<BR>–*–*–<BR>नगर निकट बरात सुनि आई। पुर खरभरु सोभा अधिकाई।।<BR>करि बनाव सजि बाहन नाना। चले लेन सादर अगवाना।।<BR>हियँ हरषे सुर सेन निहारी। हरिहि देखि अति भए सुखारी।।<BR>सिव समाज जब देखन लागे। बिडरि चले बाहन सब भागे।।<BR>धरि धीरजु तहँ रहे सयाने। बालक सब लै जीव पराने।।<BR>गएँ भवन पूछहिं पितु माता। कहहिं बचन भय कंपित गाता।।<BR>कहिअ काह कहि जाइ न बाता। जम कर धार किधौं बरिआता।।<BR>बरु बौराह बसहँ असवारा। ब्याल कपाल बिभूषन छारा।।<BR>छं0-तन छार ब्याल कपाल भूषन नगन जटिल भयंकरा।<BR>सँग भूत प्रेत पिसाच जोगिनि बिकट मुख रजनीचरा।।<BR>जो जिअत रहिहि बरात देखत पुन्य बड़ तेहि कर सही।<BR>देखिहि सो उमा बिबाहु घर घर बात असि लरिकन्ह कही।।<BR>दो0-समुझि महेस समाज सब जननि जनक मुसुकाहिं।<BR>बाल बुझाए बिबिध बिधि निडर होहु डरु नाहिं।।95।।<BR>–*–*–<BR>लै अगवान बरातहि आए। दिए सबहि जनवास सुहाए।।<BR>मैनाँ सुभ आरती सँवारी। संग सुमंगल गावहिं नारी।।<BR>कंचन थार सोह बर पानी। परिछन चली हरहि हरषानी।।<BR>बिकट बेष रुद्रहि जब देखा। अबलन्ह उर भय भयउ बिसेषा।।<BR>भागि भवन पैठीं अति त्रासा। गए महेसु जहाँ जनवासा।।<BR>मैना हृदयँ भयउ दुखु भारी। लीन्ही बोलि गिरीसकुमारी।।<BR>अधिक सनेहँ गोद बैठारी। स्याम सरोज नयन भरे बारी।।<BR>जेहिं बिधि तुम्हहि रूपु अस दीन्हा। तेहिं जड़ बरु बाउर कस कीन्हा।।<BR>छं0- कस कीन्ह बरु बौराह बिधि जेहिं तुम्हहि सुंदरता दई।<BR>जो फलु चहिअ सुरतरुहिं सो बरबस बबूरहिं लागई।।<BR>तुम्ह सहित गिरि तें गिरौं पावक जरौं जलनिधि महुँ परौं।।<BR>घरु जाउ अपजसु होउ जग जीवत बिबाहु न हौं करौं।।<BR>दो0-भई बिकल अबला सकल दुखित देखि गिरिनारि।<BR>करि बिलापु रोदति बदति सुता सनेहु सँभारि।।96।।<BR>–*–*–<BR>नारद कर मैं काह बिगारा। भवनु मोर जिन्ह बसत उजारा।।<BR>अस उपदेसु उमहि जिन्ह दीन्हा। बौरे बरहि लगि तपु कीन्हा।।<BR>साचेहुँ उन्ह के मोह न माया। उदासीन धनु धामु न जाया।।<BR>पर घर घालक लाज न भीरा। बाझँ कि जान प्रसव कैं पीरा।।<BR>जननिहि बिकल बिलोकि भवानी। बोली जुत बिबेक मृदु बानी।।<BR>अस बिचारि सोचहि मति माता। सो न टरइ जो रचइ बिधाता।।<BR>करम लिखा जौ बाउर नाहू। तौ कत दोसु लगाइअ काहू।।</P> <P>तुम्ह सन मिटहिं कि बिधि के अंका। मातु ब्यर्थ जनि लेहु कलंका।।<BR>छं0-जनि लेहु मातु कलंकु करुना परिहरहु अवसर नहीं।<BR>दुखु सुखु जो लिखा लिलार हमरें जाब जहँ पाउब तहीं।।<BR>सुनि उमा बचन बिनीत कोमल सकल अबला सोचहीं।।<BR>बहु भाँति बिधिहि लगाइ दूषन नयन बारि बिमोचहीं।।<BR>दो0-तेहि अवसर नारद सहित अरु रिषि सप्त समेत।<BR>समाचार सुनि तुहिनगिरि गवने तुरत निकेत।।97।।<BR>–*–*–<BR>तब नारद सबहि समुझावा। पूरुब कथाप्रसंगु सुनावा।।<BR>मयना सत्य सुनहु मम बानी। जगदंबा तव सुता भवानी।।<BR>अजा अनादि सक्ति अबिनासिनि। सदा संभु अरधंग निवासिनि।।<BR>जग संभव पालन लय कारिनि। निज इच्छा लीला बपु धारिनि।।<BR>जनमीं प्रथम दच्छ गृह जाई। नामु सती सुंदर तनु पाई।।<BR>तहँहुँ सती संकरहि बिबाहीं। कथा प्रसिद्ध सकल जग माहीं।।<BR>एक बार आवत सिव संगा। देखेउ रघुकुल कमल पतंगा।।<BR>भयउ मोहु सिव कहा न कीन्हा। भ्रम बस बेषु सीय कर लीन्हा।।<BR>छं0-सिय बेषु सती जो कीन्ह तेहि अपराध संकर परिहरीं।<BR>हर बिरहँ जाइ बहोरि पितु कें जग्य जोगानल जरीं।।<BR>अब जनमि तुम्हरे भवन निज पति लागि दारुन तपु किया।<BR>अस जानि संसय तजहु गिरिजा सर्बदा संकर प्रिया।।<BR>दो0-सुनि नारद के बचन तब सब कर मिटा बिषाद।<BR>छन महुँ ब्यापेउ सकल पुर घर घर यह संबाद।।98।।<BR>–*–*–<BR>तब मयना हिमवंतु अनंदे। पुनि पुनि पारबती पद बंदे।।<BR>नारि पुरुष सिसु जुबा सयाने। नगर लोग सब अति हरषाने।।<BR>लगे होन पुर मंगलगाना। सजे सबहि हाटक घट नाना।।<BR>भाँति अनेक भई जेवराना। सूपसास्त्र जस कछु ब्यवहारा।।<BR>सो जेवनार कि जाइ बखानी। बसहिं भवन जेहिं मातु भवानी।।<BR>सादर बोले सकल बराती। बिष्नु बिरंचि देव सब जाती।।<BR>बिबिधि पाँति बैठी जेवनारा। लागे परुसन निपुन सुआरा।।<BR>नारिबृंद सुर जेवँत जानी। लगीं देन गारीं मृदु बानी।।<BR>छं0-गारीं मधुर स्वर देहिं सुंदरि बिंग्य बचन सुनावहीं।<BR>भोजनु करहिं सुर अति बिलंबु बिनोदु सुनि सचु पावहीं।।<BR>जेवँत जो बढ़्यो अनंदु सो मुख कोटिहूँ न परै कह्यो।<BR>अचवाँइ दीन्हे पान गवने बास जहँ जाको रह्यो।।<BR>दो0-बहुरि मुनिन्ह हिमवंत कहुँ लगन सुनाई आइ।<BR>समय बिलोकि बिबाह कर पठए देव बोलाइ।।99।।<BR>–*–*–<BR>बोलि सकल सुर सादर लीन्हे। सबहि जथोचित आसन दीन्हे।।<BR>बेदी बेद बिधान सँवारी। सुभग सुमंगल गावहिं नारी।।<BR>सिंघासनु अति दिब्य सुहावा। जाइ न बरनि बिरंचि बनावा।।<BR>बैठे सिव बिप्रन्ह सिरु नाई। हृदयँ सुमिरि निज प्रभु रघुराई।।<BR>बहुरि मुनीसन्ह उमा बोलाई। करि सिंगारु सखीं लै आई।।<BR>देखत रूपु सकल सुर मोहे। बरनै छबि अस जग कबि को है।।<BR>जगदंबिका जानि भव भामा। सुरन्ह मनहिं मन कीन्ह प्रनामा।।<BR>सुंदरता मरजाद भवानी। जाइ न कोटिहुँ बदन बखानी।।<BR>छं0-कोटिहुँ बदन नहिं बनै बरनत जग जननि सोभा महा।<BR>सकुचहिं कहत श्रुति सेष सारद मंदमति तुलसी कहा।।<BR>छबिखानि मातु भवानि गवनी मध्य मंडप सिव जहाँ।।<BR>अवलोकि सकहिं न सकुच पति पद कमल मनु मधुकरु तहाँ।।<BR>दो0-मुनि अनुसासन गनपतिहि पूजेउ संभु भवानि। </P> <P>कोउ सुनि संसय करै जनि सुर अनादि जियँ जानि।।100।।<BR>–*–*– </P> <P>जसि बिबाह कै बिधि श्रुति गाई। महामुनिन्ह सो सब करवाई।।<BR>गहि गिरीस कुस कन्या पानी। भवहि समरपीं जानि भवानी।।<BR>पानिग्रहन जब कीन्ह महेसा। हिंयँ हरषे तब सकल सुरेसा।।<BR>बेद मंत्र मुनिबर उच्चरहीं। जय जय जय संकर सुर करहीं।।<BR>बाजहिं बाजन बिबिध बिधाना। सुमनबृष्टि नभ भै बिधि नाना।।<BR>हर गिरिजा कर भयउ बिबाहू। सकल भुवन भरि रहा उछाहू।।<BR>दासीं दास तुरग रथ नागा। धेनु बसन मनि बस्तु बिभागा।।<BR>अन्न कनकभाजन भरि जाना। दाइज दीन्ह न जाइ बखाना।।<BR>छं0-दाइज दियो बहु भाँति पुनि कर जोरि हिमभूधर कह्यो।<BR>का देउँ पूरनकाम संकर चरन पंकज गहि रह्यो।।<BR>सिवँ कृपासागर ससुर कर संतोषु सब भाँतिहिं कियो।<BR>पुनि गहे पद पाथोज मयनाँ प्रेम परिपूरन हियो।।<BR>दो0-नाथ उमा मन प्रान सम गृहकिंकरी करेहु।<BR>छमेहु सकल अपराध अब होइ प्रसन्न बरु देहु।।101।।<BR>–*–*–<BR>बहु बिधि संभु सास समुझाई। गवनी भवन चरन सिरु नाई।।<BR>जननीं उमा बोलि तब लीन्ही। लै उछंग सुंदर सिख दीन्ही।।<BR>करेहु सदा संकर पद पूजा। नारिधरमु पति देउ न दूजा।।<BR>बचन कहत भरे लोचन बारी। बहुरि लाइ उर लीन्हि कुमारी।।<BR>कत बिधि सृजीं नारि जग माहीं। पराधीन सपनेहुँ सुखु नाहीं।।<BR>भै अति प्रेम बिकल महतारी। धीरजु कीन्ह कुसमय बिचारी।।<BR>पुनि पुनि मिलति परति गहि चरना। परम प्रेम कछु जाइ न बरना।।<BR>सब नारिन्ह मिलि भेटि भवानी। जाइ जननि उर पुनि लपटानी।।<BR>छं0-जननिहि बहुरि मिलि चली उचित असीस सब काहूँ दईं।<BR>फिरि फिरि बिलोकति मातु तन तब सखीं लै सिव पहिं गई।।<BR>जाचक सकल संतोषि संकरु उमा सहित भवन चले।<BR>सब अमर हरषे सुमन बरषि निसान नभ बाजे भले।।<BR>दो0-चले संग हिमवंतु तब पहुँचावन अति हेतु।<BR>बिबिध भाँति परितोषु करि बिदा कीन्ह बृषकेतु।।102।।<BR>–*–*–<BR>तुरत भवन आए गिरिराई। सकल सैल सर लिए बोलाई।।<BR>आदर दान बिनय बहुमाना। सब कर बिदा कीन्ह हिमवाना।।<BR>जबहिं संभु कैलासहिं आए। सुर सब निज निज लोक सिधाए।।<BR>जगत मातु पितु संभु भवानी। तेही सिंगारु न कहउँ बखानी।।<BR>करहिं बिबिध बिधि भोग बिलासा। गनन्ह समेत बसहिं कैलासा।।<BR>हर गिरिजा बिहार नित नयऊ। एहि बिधि बिपुल काल चलि गयऊ।।<BR>तब जनमेउ षटबदन कुमारा। तारकु असुर समर जेहिं मारा।।<BR>आगम निगम प्रसिद्ध पुराना। षन्मुख जन्मु सकल जग जाना।।<BR>छं0-जगु जान षन्मुख जन्मु कर्मु प्रतापु पुरुषारथु महा।<BR>तेहि हेतु मैं बृषकेतु सुत कर चरित संछेपहिं कहा।।<BR>यह उमा संगु बिबाहु जे नर नारि कहहिं जे गावहीं।<BR>कल्यान काज बिबाह मंगल सर्बदा सुखु पावहीं।।<BR>दो0-चरित सिंधु गिरिजा रमन बेद न पावहिं पारु।<BR>बरनै तुलसीदासु किमि अति मतिमंद गवाँरु।।103।।<BR>–*–*– </P> <P>संभु चरित सुनि सरस सुहावा। भरद्वाज मुनि अति सुख पावा।।<BR>बहु लालसा कथा पर बाढ़ी। नयनन्हि नीरु रोमावलि ठाढ़ी।।<BR>प्रेम बिबस मुख आव न बानी। दसा देखि हरषे मुनि ग्यानी।।<BR>अहो धन्य तव जन्मु मुनीसा। तुम्हहि प्रान सम प्रिय गौरीसा।।<BR>सिव पद कमल जिन्हहि रति नाहीं। रामहि ते सपनेहुँ न सोहाहीं।।<BR>बिनु छल बिस्वनाथ पद नेहू। राम भगत कर लच्छन एहू।।<BR>सिव सम को रघुपति ब्रतधारी। बिनु अघ तजी सती असि नारी।।<BR>पनु करि रघुपति भगति देखाई। को सिव सम रामहि प्रिय भाई।।<BR>दो0-प्रथमहिं मै कहि सिव चरित बूझा मरमु तुम्हार।<BR>सुचि सेवक तुम्ह राम के रहित समस्त बिकार।।104।।<BR>–*–*–<BR>मैं जाना तुम्हार गुन सीला। कहउँ सुनहु अब रघुपति लीला।।<BR>सुनु मुनि आजु समागम तोरें। कहि न जाइ जस सुखु मन मोरें।।<BR>राम चरित अति अमित मुनिसा। कहि न सकहिं सत कोटि अहीसा।।<BR>तदपि जथाश्रुत कहउँ बखानी। सुमिरि गिरापति प्रभु धनुपानी।।<BR>सारद दारुनारि सम स्वामी। रामु सूत्रधर अंतरजामी।।<BR>जेहि पर कृपा करहिं जनु जानी। कबि उर अजिर नचावहिं बानी।।<BR>प्रनवउँ सोइ कृपाल रघुनाथा। बरनउँ बिसद तासु गुन गाथा।।<BR>परम रम्य गिरिबरु कैलासू। सदा जहाँ सिव उमा निवासू।।<BR>दो0-सिद्ध तपोधन जोगिजन सूर किंनर मुनिबृंद।<BR>बसहिं तहाँ सुकृती सकल सेवहिं सिब सुखकंद।।105।।<BR>–*–*–<BR>हरि हर बिमुख धर्म रति नाहीं। ते नर तहँ सपनेहुँ नहिं जाहीं।।<BR>तेहि गिरि पर बट बिटप बिसाला। नित नूतन सुंदर सब काला।।<BR>त्रिबिध समीर सुसीतलि छाया। सिव बिश्राम बिटप श्रुति गाया।।<BR>एक बार तेहि तर प्रभु गयऊ। तरु बिलोकि उर अति सुखु भयऊ।।<BR>निज कर डासि नागरिपु छाला। बैठै सहजहिं संभु कृपाला।।<BR>कुंद इंदु दर गौर सरीरा। भुज प्रलंब परिधन मुनिचीरा।।<BR>तरुन अरुन अंबुज सम चरना। नख दुति भगत हृदय तम हरना।।<BR>भुजग भूति भूषन त्रिपुरारी। आननु सरद चंद छबि हारी।।<BR>दो0-जटा मुकुट सुरसरित सिर लोचन नलिन बिसाल।<BR>नीलकंठ लावन्यनिधि सोह बालबिधु भाल।।106।।<BR>–*–*–<BR>बैठे सोह कामरिपु कैसें। धरें सरीरु सांतरसु जैसें।।<BR>पारबती भल अवसरु जानी। गई संभु पहिं मातु भवानी।।<BR>जानि प्रिया आदरु अति कीन्हा। बाम भाग आसनु हर दीन्हा।।<BR>बैठीं सिव समीप हरषाई। पूरुब जन्म कथा चित आई।।<BR>पति हियँ हेतु अधिक अनुमानी। बिहसि उमा बोलीं प्रिय बानी।।<BR>कथा जो सकल लोक हितकारी। सोइ पूछन चह सैलकुमारी।।<BR>बिस्वनाथ मम नाथ पुरारी। त्रिभुवन महिमा बिदित तुम्हारी।।<BR>चर अरु अचर नाग नर देवा। सकल करहिं पद पंकज सेवा।।<BR>दो0-प्रभु समरथ सर्बग्य सिव सकल कला गुन धाम।।<BR>जोग ग्यान बैराग्य निधि प्रनत कलपतरु नाम।।107।।<BR>–*–*–<BR>जौं मो पर प्रसन्न सुखरासी। जानिअ सत्य मोहि निज दासी।।<BR>तौं प्रभु हरहु मोर अग्याना। कहि रघुनाथ कथा बिधि नाना।।<BR>जासु भवनु सुरतरु तर होई। सहि कि दरिद्र जनित दुखु सोई।।<BR>ससिभूषन अस हृदयँ बिचारी। हरहु नाथ मम मति भ्रम भारी।।<BR>प्रभु जे मुनि परमारथबादी। कहहिं राम कहुँ ब्रह्म अनादी।।<BR>सेस सारदा बेद पुराना। सकल करहिं रघुपति गुन गाना।।<BR>तुम्ह पुनि राम राम दिन राती। सादर जपहु अनँग आराती।।<BR>रामु सो अवध नृपति सुत सोई। की अज अगुन अलखगति कोई।।<BR>दो0-जौं नृप तनय त ब्रह्म किमि नारि बिरहँ मति भोरि।<BR>देख चरित महिमा सुनत भ्रमति बुद्धि अति मोरि।।108।।<BR>–*–*–<BR>जौं अनीह ब्यापक बिभु कोऊ। कबहु बुझाइ नाथ मोहि सोऊ।।<BR>अग्य जानि रिस उर जनि धरहू। जेहि बिधि मोह मिटै सोइ करहू।।<BR>मै बन दीखि राम प्रभुताई। अति भय बिकल न तुम्हहि सुनाई।।<BR>तदपि मलिन मन बोधु न आवा। सो फलु भली भाँति हम पावा।।<BR>अजहूँ कछु संसउ मन मोरे। करहु कृपा बिनवउँ कर जोरें।।<BR>प्रभु तब मोहि बहु भाँति प्रबोधा। नाथ सो समुझि करहु जनि क्रोधा।।<BR>तब कर अस बिमोह अब नाहीं। रामकथा पर रुचि मन माहीं।।<BR>कहहु पुनीत राम गुन गाथा। भुजगराज भूषन सुरनाथा।।<BR>दो0-बंदउ पद धरि धरनि सिरु बिनय करउँ कर जोरि।<BR>बरनहु रघुबर बिसद जसु श्रुति सिद्धांत निचोरि।।109।।<BR>–*–*–<BR>जदपि जोषिता नहिं अधिकारी। दासी मन क्रम बचन तुम्हारी।।<BR>गूढ़उ तत्व न साधु दुरावहिं। आरत अधिकारी जहँ पावहिं।।<BR>अति आरति पूछउँ सुरराया। रघुपति कथा कहहु करि दाया।।<BR>प्रथम सो कारन कहहु बिचारी। निर्गुन ब्रह्म सगुन बपु धारी।।<BR>पुनि प्रभु कहहु राम अवतारा। बालचरित पुनि कहहु उदारा।।<BR>कहहु जथा जानकी बिबाहीं। राज तजा सो दूषन काहीं।।<BR>बन बसि कीन्हे चरित अपारा। कहहु नाथ जिमि रावन मारा।।<BR>राज बैठि कीन्हीं बहु लीला। सकल कहहु संकर सुखलीला।।<BR>दो0-बहुरि कहहु करुनायतन कीन्ह जो अचरज राम।<BR>प्रजा सहित रघुबंसमनि किमि गवने निज धाम।।110।।<BR>–*–*–<BR>पुनि प्रभु कहहु सो तत्व बखानी। जेहिं बिग्यान मगन मुनि ग्यानी।।<BR>भगति ग्यान बिग्यान बिरागा। पुनि सब बरनहु सहित बिभागा।।<BR>औरउ राम रहस्य अनेका। कहहु नाथ अति बिमल बिबेका।।<BR>जो प्रभु मैं पूछा नहि होई। सोउ दयाल राखहु जनि गोई।।<BR>तुम्ह त्रिभुवन गुर बेद बखाना। आन जीव पाँवर का जाना।।<BR>प्रस्न उमा कै सहज सुहाई। छल बिहीन सुनि सिव मन भाई।।<BR>हर हियँ रामचरित सब आए। प्रेम पुलक लोचन जल छाए।।<BR>श्रीरघुनाथ रूप उर आवा। परमानंद अमित सुख पावा।।<BR>दो0-मगन ध्यानरस दंड जुग पुनि मन बाहेर कीन्ह।<BR>रघुपति चरित महेस तब हरषित बरनै लीन्ह।।111।।<BR>–*–*–<BR>झूठेउ सत्य जाहि बिनु जानें। जिमि भुजंग बिनु रजु पहिचानें।।<BR>जेहि जानें जग जाइ हेराई। जागें जथा सपन भ्रम जाई।।<BR>बंदउँ बालरूप सोई रामू। सब सिधि सुलभ जपत जिसु नामू।।<BR>मंगल भवन अमंगल हारी। द्रवउ सो दसरथ अजिर बिहारी।।<BR>करि प्रनाम रामहि त्रिपुरारी। हरषि सुधा सम गिरा उचारी।।<BR>धन्य धन्य गिरिराजकुमारी। तुम्ह समान नहिं कोउ उपकारी।।<BR>पूँछेहु रघुपति कथा प्रसंगा। सकल लोक जग पावनि गंगा।।<BR>तुम्ह रघुबीर चरन अनुरागी। कीन्हहु प्रस्न जगत हित लागी।।<BR>दो0-रामकृपा तें पारबति सपनेहुँ तव मन माहिं।<BR>सोक मोह संदेह भ्रम मम बिचार कछु नाहिं।।112।।<BR>–*–*–<BR>तदपि असंका कीन्हिहु सोई। कहत सुनत सब कर हित होई।।<BR>जिन्ह हरि कथा सुनी नहिं काना। श्रवन रंध्र अहिभवन समाना।।<BR>नयनन्हि संत दरस नहिं देखा। लोचन मोरपंख कर लेखा।।<BR>ते सिर कटु तुंबरि समतूला। जे न नमत हरि गुर पद मूला।।<BR>जिन्ह हरिभगति हृदयँ नहिं आनी। जीवत सव समान तेइ प्रानी।।<BR>जो नहिं करइ राम गुन गाना। जीह सो दादुर जीह समाना।।<BR>कुलिस कठोर निठुर सोइ छाती। सुनि हरिचरित न जो हरषाती।।<BR>गिरिजा सुनहु राम कै लीला। सुर हित दनुज बिमोहनसीला।।<BR>दो0-रामकथा सुरधेनु सम सेवत सब सुख दानि।<BR>सतसमाज सुरलोक सब को न सुनै अस जानि।।113।।<BR>–*–*– </P> <P>रामकथा सुंदर कर तारी। संसय बिहग उडावनिहारी।।<BR>रामकथा कलि बिटप कुठारी। सादर सुनु गिरिराजकुमारी।।<BR>राम नाम गुन चरित सुहाए। जनम करम अगनित श्रुति गाए।।<BR>जथा अनंत राम भगवाना। तथा कथा कीरति गुन नाना।।<BR>तदपि जथा श्रुत जसि मति मोरी। कहिहउँ देखि प्रीति अति तोरी।।<BR>उमा प्रस्न तव सहज सुहाई। सुखद संतसंमत मोहि भाई।।<BR>एक बात नहि मोहि सोहानी। जदपि मोह बस कहेहु भवानी।।<BR>तुम जो कहा राम कोउ आना। जेहि श्रुति गाव धरहिं मुनि ध्याना।।<BR>दो0-कहहि सुनहि अस अधम नर ग्रसे जे मोह पिसाच।<BR>पाषंडी हरि पद बिमुख जानहिं झूठ न साच।।114।।<BR>–*–*–<BR>अग्य अकोबिद अंध अभागी। काई बिषय मुकर मन लागी।।<BR>लंपट कपटी कुटिल बिसेषी। सपनेहुँ संतसभा नहिं देखी।।<BR>कहहिं ते बेद असंमत बानी। जिन्ह कें सूझ लाभु नहिं हानी।।<BR>मुकर मलिन अरु नयन बिहीना। राम रूप देखहिं किमि दीना।।<BR>जिन्ह कें अगुन न सगुन बिबेका। जल्पहिं कल्पित बचन अनेका।।<BR>हरिमाया बस जगत भ्रमाहीं। तिन्हहि कहत कछु अघटित नाहीं।।<BR>बातुल भूत बिबस मतवारे। ते नहिं बोलहिं बचन बिचारे।।<BR>जिन्ह कृत महामोह मद पाना। तिन् कर कहा करिअ नहिं काना।।<BR>सो0-अस निज हृदयँ बिचारि तजु संसय भजु राम पद।<BR>सुनु गिरिराज कुमारि भ्रम तम रबि कर बचन मम।।115।।<BR>सगुनहि अगुनहि नहिं कछु भेदा। गावहिं मुनि पुरान बुध बेदा।।<BR>अगुन अरुप अलख अज जोई। भगत प्रेम बस सगुन सो होई।।<BR>जो गुन रहित सगुन सोइ कैसें। जलु हिम उपल बिलग नहिं जैसें।।<BR>जासु नाम भ्रम तिमिर पतंगा। तेहि किमि कहिअ बिमोह प्रसंगा।।<BR>राम सच्चिदानंद दिनेसा। नहिं तहँ मोह निसा लवलेसा।।<BR>सहज प्रकासरुप भगवाना। नहिं तहँ पुनि बिग्यान बिहाना।।<BR>हरष बिषाद ग्यान अग्याना। जीव धर्म अहमिति अभिमाना।।<BR>राम ब्रह्म ब्यापक जग जाना। परमानन्द परेस पुराना।।<BR>दो0-पुरुष प्रसिद्ध प्रकास निधि प्रगट परावर नाथ।।<BR>रघुकुलमनि मम स्वामि सोइ कहि सिवँ नायउ माथ।।116।।<BR>–*–*–<BR>निज भ्रम नहिं समुझहिं अग्यानी। प्रभु पर मोह धरहिं जड़ प्रानी।।<BR>जथा गगन घन पटल निहारी। झाँपेउ मानु कहहिं कुबिचारी।।<BR>चितव जो लोचन अंगुलि लाएँ। प्रगट जुगल ससि तेहि के भाएँ।।<BR>उमा राम बिषइक अस मोहा। नभ तम धूम धूरि जिमि सोहा।।<BR>बिषय करन सुर जीव समेता। सकल एक तें एक सचेता।।<BR>सब कर परम प्रकासक जोई। राम अनादि अवधपति सोई।।<BR>जगत प्रकास्य प्रकासक रामू। मायाधीस ग्यान गुन धामू।।<BR>जासु सत्यता तें जड माया। भास सत्य इव मोह सहाया।।<BR>दो0-रजत सीप महुँ मास जिमि जथा भानु कर बारि।<BR>जदपि मृषा तिहुँ काल सोइ भ्रम न सकइ कोउ टारि।।117।।<BR>–*–*–<BR>एहि बिधि जग हरि आश्रित रहई। जदपि असत्य देत दुख अहई।।<BR>जौं सपनें सिर काटै कोई। बिनु जागें न दूरि दुख होई।।<BR>जासु कृपाँ अस भ्रम मिटि जाई। गिरिजा सोइ कृपाल रघुराई।।<BR>आदि अंत कोउ जासु न पावा। मति अनुमानि निगम अस गावा।।<BR>बिनु पद चलइ सुनइ बिनु काना। कर बिनु करम करइ बिधि नाना।।<BR>आनन रहित सकल रस भोगी। बिनु बानी बकता बड़ जोगी।।<BR>तनु बिनु परस नयन बिनु देखा। ग्रहइ घ्रान बिनु बास असेषा।।<BR>असि सब भाँति अलौकिक करनी। महिमा जासु जाइ नहिं बरनी।।<BR>दो0-जेहि इमि गावहि बेद बुध जाहि धरहिं मुनि ध्यान।।<BR>सोइ दसरथ सुत भगत हित कोसलपति भगवान।।118।।<BR>–*–*–<BR>कासीं मरत जंतु अवलोकी। जासु नाम बल करउँ बिसोकी।।<BR>सोइ प्रभु मोर चराचर स्वामी। रघुबर सब उर अंतरजामी।।<BR>बिबसहुँ जासु नाम नर कहहीं। जनम अनेक रचित अघ दहहीं।।<BR>सादर सुमिरन जे नर करहीं। भव बारिधि गोपद इव तरहीं।।<BR>राम सो परमातमा भवानी। तहँ भ्रम अति अबिहित तव बानी।।<BR>अस संसय आनत उर माहीं। ग्यान बिराग सकल गुन जाहीं।।<BR>सुनि सिव के भ्रम भंजन बचना। मिटि गै सब कुतरक कै रचना।।<BR>भइ रघुपति पद प्रीति प्रतीती। दारुन असंभावना बीती।।<BR>दो0-पुनि पुनि प्रभु पद कमल गहि जोरि पंकरुह पानि।<BR>बोली गिरिजा बचन बर मनहुँ प्रेम रस सानि।।119।।<BR>–*–*–<BR>ससि कर सम सुनि गिरा तुम्हारी। मिटा मोह सरदातप भारी।।<BR>तुम्ह कृपाल सबु संसउ हरेऊ। राम स्वरुप जानि मोहि परेऊ।।<BR>नाथ कृपाँ अब गयउ बिषादा। सुखी भयउँ प्रभु चरन प्रसादा।।<BR>अब मोहि आपनि किंकरि जानी। जदपि सहज जड नारि अयानी।।<BR>प्रथम जो मैं पूछा सोइ कहहू। जौं मो पर प्रसन्न प्रभु अहहू।।<BR>राम ब्रह्म चिनमय अबिनासी। सर्ब रहित सब उर पुर बासी।।<BR>नाथ धरेउ नरतनु केहि हेतू। मोहि समुझाइ कहहु बृषकेतू।।<BR>उमा बचन सुनि परम बिनीता। रामकथा पर प्रीति पुनीता।।<BR>दो0-हिँयँ हरषे कामारि तब संकर सहज सुजान<BR>बहु बिधि उमहि प्रसंसि पुनि बोले कृपानिधान।।120(क)।।<BR>नवान्हपारायन,पहला विश्राम<BR>मासपारायण, चौथा विश्राम<BR>सो0-सुनु सुभ कथा भवानि रामचरितमानस बिमल।<BR>कहा भुसुंडि बखानि सुना बिहग नायक गरुड।।120(ख)।।<BR>सो संबाद उदार जेहि बिधि भा आगें कहब।<BR>सुनहु राम अवतार चरित परम सुंदर अनघ।।120(ग)।।<BR>हरि गुन नाम अपार कथा रूप अगनित अमित।<BR>मैं निज मति अनुसार कहउँ उमा सादर सुनहु।।120(घ।।<BR>–*–*–<BR>सुनु गिरिजा हरिचरित सुहाए। बिपुल बिसद निगमागम गाए।।<BR>हरि अवतार हेतु जेहि होई। इदमित्थं कहि जाइ न सोई।।<BR>राम अतर्क्य बुद्धि मन बानी। मत हमार अस सुनहि सयानी।।<BR>तदपि संत मुनि बेद पुराना। जस कछु कहहिं स्वमति अनुमाना।।<BR>तस मैं सुमुखि सुनावउँ तोही। समुझि परइ जस कारन मोही।।<BR>जब जब होइ धरम कै हानी। बाढहिं असुर अधम अभिमानी।।<BR>करहिं अनीति जाइ नहिं बरनी। सीदहिं बिप्र धेनु सुर धरनी।।<BR>तब तब प्रभु धरि बिबिध सरीरा। हरहि कृपानिधि सज्जन पीरा।।<BR>दो0-असुर मारि थापहिं सुरन्ह राखहिं निज श्रुति सेतु।<BR>जग बिस्तारहिं बिसद जस राम जन्म कर हेतु।।121।।<BR>–*–*–<BR>सोइ जस गाइ भगत भव तरहीं। कृपासिंधु जन हित तनु धरहीं।।<BR>राम जनम के हेतु अनेका। परम बिचित्र एक तें एका।।<BR>जनम एक दुइ कहउँ बखानी। सावधान सुनु सुमति भवानी।।<BR>द्वारपाल हरि के प्रिय दोऊ। जय अरु बिजय जान सब कोऊ।।<BR>बिप्र श्राप तें दूनउ भाई। तामस असुर देह तिन्ह पाई।।<BR>कनककसिपु अरु हाटक लोचन। जगत बिदित सुरपति मद मोचन।।<BR>बिजई समर बीर बिख्याता। धरि बराह बपु एक निपाता।।<BR>होइ नरहरि दूसर पुनि मारा। जन प्रहलाद सुजस बिस्तारा।।<BR>दो0-भए निसाचर जाइ तेइ महाबीर बलवान।<BR>कुंभकरन रावण सुभट सुर बिजई जग जान।।122 ।<BR>–*–*–<BR>मुकुत न भए हते भगवाना। तीनि जनम द्विज बचन प्रवाना।।<BR>एक बार तिन्ह के हित लागी। धरेउ सरीर भगत अनुरागी।।<BR>कस्यप अदिति तहाँ पितु माता। दसरथ कौसल्या बिख्याता।।<BR>एक कलप एहि बिधि अवतारा। चरित्र पवित्र किए संसारा।।<BR>एक कलप सुर देखि दुखारे। समर जलंधर सन सब हारे।।<BR>संभु कीन्ह संग्राम अपारा। दनुज महाबल मरइ न मारा।।<BR>परम सती असुराधिप नारी। तेहि बल ताहि न जितहिं पुरारी।।<BR>दो0-छल करि टारेउ तासु ब्रत प्रभु सुर कारज कीन्ह।।<BR>जब तेहि जानेउ मरम तब श्राप कोप करि दीन्ह।।123।।<BR>–*–*–<BR>तासु श्राप हरि दीन्ह प्रमाना। कौतुकनिधि कृपाल भगवाना।।<BR>तहाँ जलंधर रावन भयऊ। रन हति राम परम पद दयऊ।।<BR>एक जनम कर कारन एहा। जेहि लागि राम धरी नरदेहा।।<BR>प्रति अवतार कथा प्रभु केरी। सुनु मुनि बरनी कबिन्ह घनेरी।।<BR>नारद श्राप दीन्ह एक बारा। कलप एक तेहि लगि अवतारा।।<BR>गिरिजा चकित भई सुनि बानी। नारद बिष्नुभगत पुनि ग्यानि।।<BR>कारन कवन श्राप मुनि दीन्हा। का अपराध रमापति कीन्हा।।<BR>यह प्रसंग मोहि कहहु पुरारी। मुनि मन मोह आचरज भारी।।<BR>दो0- बोले बिहसि महेस तब ग्यानी मूढ़ न कोइ।<BR>जेहि जस रघुपति करहिं जब सो तस तेहि छन होइ।।124(क)।।<BR>सो0-कहउँ राम गुन गाथ भरद्वाज सादर सुनहु।<BR>भव भंजन रघुनाथ भजु तुलसी तजि मान मद।।124(ख)।।<BR>–*–*–<BR>हिमगिरि गुहा एक अति पावनि। बह समीप सुरसरी सुहावनि।।<BR>आश्रम परम पुनीत सुहावा। देखि देवरिषि मन अति भावा।।<BR>निरखि सैल सरि बिपिन बिभागा। भयउ रमापति पद अनुरागा।।<BR>सुमिरत हरिहि श्राप गति बाधी। सहज बिमल मन लागि समाधी।।<BR>मुनि गति देखि सुरेस डेराना। कामहि बोलि कीन्ह समाना।।<BR>सहित सहाय जाहु मम हेतू। चकेउ हरषि हियँ जलचरकेतू।।<BR>सुनासीर मन महुँ असि त्रासा। चहत देवरिषि मम पुर बासा।।<BR>जे कामी लोलुप जग माहीं। कुटिल काक इव सबहि डेराहीं।।<BR>दो0-सुख हाड़ लै भाग सठ स्वान निरखि मृगराज।<BR>छीनि लेइ जनि जान जड़ तिमि सुरपतिहि न लाज।।125।।<BR>–*–*–<BR>तेहि आश्रमहिं मदन जब गयऊ। निज मायाँ बसंत निरमयऊ।।<BR>कुसुमित बिबिध बिटप बहुरंगा। कूजहिं कोकिल गुंजहि भृंगा।।<BR>चली सुहावनि त्रिबिध बयारी। काम कृसानु बढ़ावनिहारी।।<BR>रंभादिक सुरनारि नबीना । सकल असमसर कला प्रबीना।।<BR>करहिं गान बहु तान तरंगा। बहुबिधि क्रीड़हि पानि पतंगा।।<BR>देखि सहाय मदन हरषाना। कीन्हेसि पुनि प्रपंच बिधि नाना।।<BR>काम कला कछु मुनिहि न ब्यापी। निज भयँ डरेउ मनोभव पापी।।<BR>सीम कि चाँपि सकइ कोउ तासु। बड़ रखवार रमापति जासू।।<BR>दो0- सहित सहाय सभीत अति मानि हारि मन मैन।<BR>गहेसि जाइ मुनि चरन तब कहि सुठि आरत बैन।।126।।<BR>–*–*–<BR>भयउ न नारद मन कछु रोषा। कहि प्रिय बचन काम परितोषा।।<BR>नाइ चरन सिरु आयसु पाई। गयउ मदन तब सहित सहाई।।<BR>मुनि सुसीलता आपनि करनी। सुरपति सभाँ जाइ सब बरनी।।<BR>सुनि सब कें मन अचरजु आवा। मुनिहि प्रसंसि हरिहि सिरु नावा।।<BR>तब नारद गवने सिव पाहीं। जिता काम अहमिति मन माहीं।।<BR>मार चरित संकरहिं सुनाए। अतिप्रिय जानि महेस सिखाए।।<BR>बार बार बिनवउँ मुनि तोहीं। जिमि यह कथा सुनायहु मोहीं।।<BR>तिमि जनि हरिहि सुनावहु कबहूँ। चलेहुँ प्रसंग दुराएडु तबहूँ।।<BR>दो0-संभु दीन्ह उपदेस हित नहिं नारदहि सोहान।<BR>भारद्वाज कौतुक सुनहु हरि इच्छा बलवान।।127।।<BR>–*–*–<BR>राम कीन्ह चाहहिं सोइ होई। करै अन्यथा अस नहिं कोई।।<BR>संभु बचन मुनि मन नहिं भाए। तब बिरंचि के लोक सिधाए।।<BR>एक बार करतल बर बीना। गावत हरि गुन गान प्रबीना।।<BR>छीरसिंधु गवने मुनिनाथा। जहँ बस श्रीनिवास श्रुतिमाथा।।<BR>हरषि मिले उठि रमानिकेता। बैठे आसन रिषिहि समेता।।<BR>बोले बिहसि चराचर राया। बहुते दिनन कीन्हि मुनि दाया।।<BR>काम चरित नारद सब भाषे। जद्यपि प्रथम बरजि सिवँ राखे।।<BR>अति प्रचंड रघुपति कै माया। जेहि न मोह अस को जग जाया।।<BR>दो0-रूख बदन करि बचन मृदु बोले श्रीभगवान ।<BR>तुम्हरे सुमिरन तें मिटहिं मोह मार मद मान।।128।।<BR>–*–*–<BR>सुनु मुनि मोह होइ मन ताकें। ग्यान बिराग हृदय नहिं जाके।।<BR>ब्रह्मचरज ब्रत रत मतिधीरा। तुम्हहि कि करइ मनोभव पीरा।।<BR>नारद कहेउ सहित अभिमाना। कृपा तुम्हारि सकल भगवाना।।<BR>करुनानिधि मन दीख बिचारी। उर अंकुरेउ गरब तरु भारी।।<BR>बेगि सो मै डारिहउँ उखारी। पन हमार सेवक हितकारी।।<BR>मुनि कर हित मम कौतुक होई। अवसि उपाय करबि मै सोई।।<BR>तब नारद हरि पद सिर नाई। चले हृदयँ अहमिति अधिकाई।।<BR>श्रीपति निज माया तब प्रेरी। सुनहु कठिन करनी तेहि केरी।।<BR>दो0-बिरचेउ मग महुँ नगर तेहिं सत जोजन बिस्तार।<BR>श्रीनिवासपुर तें अधिक रचना बिबिध प्रकार।।129।।<BR>–*–*–<BR>बसहिं नगर सुंदर नर नारी। जनु बहु मनसिज रति तनुधारी।।<BR>तेहिं पुर बसइ सीलनिधि राजा। अगनित हय गय सेन समाजा।।<BR>सत सुरेस सम बिभव बिलासा। रूप तेज बल नीति निवासा।।<BR>बिस्वमोहनी तासु कुमारी। श्री बिमोह जिसु रूपु निहारी।।<BR>सोइ हरिमाया सब गुन खानी। सोभा तासु कि जाइ बखानी।।<BR>करइ स्वयंबर सो नृपबाला। आए तहँ अगनित महिपाला।।<BR>मुनि कौतुकी नगर तेहिं गयऊ। पुरबासिन्ह सब पूछत भयऊ।।<BR>सुनि सब चरित भूपगृहँ आए। करि पूजा नृप मुनि बैठाए।।<BR>दो0-आनि देखाई नारदहि भूपति राजकुमारि।<BR>कहहु नाथ गुन दोष सब एहि के हृदयँ बिचारि।।130।।<BR>–*–*–<BR>देखि रूप मुनि बिरति बिसारी। बड़ी बार लगि रहे निहारी।।<BR>लच्छन तासु बिलोकि भुलाने। हृदयँ हरष नहिं प्रगट बखाने।।<BR>जो एहि बरइ अमर सोइ होई। समरभूमि तेहि जीत न कोई।।<BR>सेवहिं सकल चराचर ताही। बरइ सीलनिधि कन्या जाही।।<BR>लच्छन सब बिचारि उर राखे। कछुक बनाइ भूप सन भाषे।।<BR>सुता सुलच्छन कहि नृप पाहीं। नारद चले सोच मन माहीं।।<BR>करौं जाइ सोइ जतन बिचारी। जेहि प्रकार मोहि बरै कुमारी।।<BR>जप तप कछु न होइ तेहि काला। हे बिधि मिलइ कवन बिधि बाला।।<BR>दो0-एहि अवसर चाहिअ परम सोभा रूप बिसाल।<BR>जो बिलोकि रीझै कुअँरि तब मेलै जयमाल।।131।।<BR>–*–*–<BR>हरि सन मागौं सुंदरताई। होइहि जात गहरु अति भाई।।<BR>मोरें हित हरि सम नहिं कोऊ। एहि अवसर सहाय सोइ होऊ।।<BR>बहुबिधि बिनय कीन्हि तेहि काला। प्रगटेउ प्रभु कौतुकी कृपाला।।<BR>प्रभु बिलोकि मुनि नयन जुड़ाने। होइहि काजु हिएँ हरषाने।।<BR>अति आरति कहि कथा सुनाई। करहु कृपा करि होहु सहाई।।<BR>आपन रूप देहु प्रभु मोही। आन भाँति नहिं पावौं ओही।।<BR>जेहि बिधि नाथ होइ हित मोरा। करहु सो बेगि दास मैं तोरा।।<BR>निज माया बल देखि बिसाला। हियँ हँसि बोले दीनदयाला।।<BR>दो0-जेहि बिधि होइहि परम हित नारद सुनहु तुम्हार।<BR>सोइ हम करब न आन कछु बचन न मृषा हमार।।132।।<BR>–*–*–<BR>कुपथ माग रुज ब्याकुल रोगी। बैद न देइ सुनहु मुनि जोगी।।<BR>एहि बिधि हित तुम्हार मैं ठयऊ। कहि अस अंतरहित प्रभु भयऊ।।<BR>माया बिबस भए मुनि मूढ़ा। समुझी नहिं हरि गिरा निगूढ़ा।।<BR>गवने तुरत तहाँ रिषिराई। जहाँ स्वयंबर भूमि बनाई।।<BR>निज निज आसन बैठे राजा। बहु बनाव करि सहित समाजा।।<BR>मुनि मन हरष रूप अति मोरें। मोहि तजि आनहि बारिहि न भोरें।।<BR>मुनि हित कारन कृपानिधाना। दीन्ह कुरूप न जाइ बखाना।।<BR>सो चरित्र लखि काहुँ न पावा। नारद जानि सबहिं सिर नावा।।</P> <P>दो0-रहे तहाँ दुइ रुद्र गन ते जानहिं सब भेउ।<BR>बिप्रबेष देखत फिरहिं परम कौतुकी तेउ।।133।।<BR>–*–*–<BR>जेंहि समाज बैंठे मुनि जाई। हृदयँ रूप अहमिति अधिकाई।।<BR>तहँ बैठ महेस गन दोऊ। बिप्रबेष गति लखइ न कोऊ।।<BR>करहिं कूटि नारदहि सुनाई। नीकि दीन्हि हरि सुंदरताई।।<BR>रीझहि राजकुअँरि छबि देखी। इन्हहि बरिहि हरि जानि बिसेषी।।<BR>मुनिहि मोह मन हाथ पराएँ। हँसहिं संभु गन अति सचु पाएँ।।<BR>जदपि सुनहिं मुनि अटपटि बानी। समुझि न परइ बुद्धि भ्रम सानी।।<BR>काहुँ न लखा सो चरित बिसेषा। सो सरूप नृपकन्याँ देखा।।<BR>मर्कट बदन भयंकर देही। देखत हृदयँ क्रोध भा तेही।।<BR>दो0-सखीं संग लै कुअँरि तब चलि जनु राजमराल।<BR>देखत फिरइ महीप सब कर सरोज जयमाल।।134।।<BR>–*–*–<BR>जेहि दिसि बैठे नारद फूली। सो दिसि देहि न बिलोकी भूली।।<BR>पुनि पुनि मुनि उकसहिं अकुलाहीं। देखि दसा हर गन मुसकाहीं।।<BR>धरि नृपतनु तहँ गयउ कृपाला। कुअँरि हरषि मेलेउ जयमाला।।<BR>दुलहिनि लै गे लच्छिनिवासा। नृपसमाज सब भयउ निरासा।।<BR>मुनि अति बिकल मोंहँ मति नाठी। मनि गिरि गई छूटि जनु गाँठी।।<BR>तब हर गन बोले मुसुकाई। निज मुख मुकुर बिलोकहु जाई।।<BR>अस कहि दोउ भागे भयँ भारी। बदन दीख मुनि बारि निहारी।।<BR>बेषु बिलोकि क्रोध अति बाढ़ा। तिन्हहि सराप दीन्ह अति गाढ़ा।।<BR>दो0-होहु निसाचर जाइ तुम्ह कपटी पापी दोउ।<BR>हँसेहु हमहि सो लेहु फल बहुरि हँसेहु मुनि कोउ।।135।।<BR>–*–*–<BR>पुनि जल दीख रूप निज पावा। तदपि हृदयँ संतोष न आवा।।<BR>फरकत अधर कोप मन माहीं। सपदी चले कमलापति पाहीं।।<BR>देहउँ श्राप कि मरिहउँ जाई। जगत मोर उपहास कराई।।<BR>बीचहिं पंथ मिले दनुजारी। संग रमा सोइ राजकुमारी।।<BR>बोले मधुर बचन सुरसाईं। मुनि कहँ चले बिकल की नाईं।।<BR>सुनत बचन उपजा अति क्रोधा। माया बस न रहा मन बोधा।।<BR>पर संपदा सकहु नहिं देखी। तुम्हरें इरिषा कपट बिसेषी।।<BR>मथत सिंधु रुद्रहि बौरायहु। सुरन्ह प्रेरी बिष पान करायहु।।<BR>दो0-असुर सुरा बिष संकरहि आपु रमा मनि चारु।<BR>स्वारथ साधक कुटिल तुम्ह सदा कपट ब्यवहारु।।136।।<BR>–*–*–<BR>परम स्वतंत्र न सिर पर कोई। भावइ मनहि करहु तुम्ह सोई।।<BR>भलेहि मंद मंदेहि भल करहू। बिसमय हरष न हियँ कछु धरहू।।<BR>डहकि डहकि परिचेहु सब काहू। अति असंक मन सदा उछाहू।।<BR>करम सुभासुभ तुम्हहि न बाधा। अब लगि तुम्हहि न काहूँ साधा।।<BR>भले भवन अब बायन दीन्हा। पावहुगे फल आपन कीन्हा।।<BR>बंचेहु मोहि जवनि धरि देहा। सोइ तनु धरहु श्राप मम एहा।।<BR>कपि आकृति तुम्ह कीन्हि हमारी। करिहहिं कीस सहाय तुम्हारी।।<BR>मम अपकार कीन्ही तुम्ह भारी। नारी बिरहँ तुम्ह होब दुखारी।।<BR>दो0-श्राप सीस धरी हरषि हियँ प्रभु बहु बिनती कीन्हि।<BR>निज माया कै प्रबलता करषि कृपानिधि लीन्हि।।137।।<BR>–*–*–<BR>जब हरि माया दूरि निवारी। नहिं तहँ रमा न राजकुमारी।।<BR>तब मुनि अति सभीत हरि चरना। गहे पाहि प्रनतारति हरना।।<BR>मृषा होउ मम श्राप कृपाला। मम इच्छा कह दीनदयाला।।<BR>मैं दुर्बचन कहे बहुतेरे। कह मुनि पाप मिटिहिं किमि मेरे।।<BR>जपहु जाइ संकर सत नामा। होइहि हृदयँ तुरंत बिश्रामा।।<BR>कोउ नहिं सिव समान प्रिय मोरें। असि परतीति तजहु जनि भोरें।।<BR>जेहि पर कृपा न करहिं पुरारी। सो न पाव मुनि भगति हमारी।।<BR>अस उर धरि महि बिचरहु जाई। अब न तुम्हहि माया निअराई।।<BR>दो0-बहुबिधि मुनिहि प्रबोधि प्रभु तब भए अंतरधान।।<BR>सत्यलोक नारद चले करत राम गुन गान।।138।।<BR>–*–*–<BR>हर गन मुनिहि जात पथ देखी। बिगतमोह मन हरष बिसेषी।।<BR>अति सभीत नारद पहिं आए। गहि पद आरत बचन सुनाए।।<BR>हर गन हम न बिप्र मुनिराया। बड़ अपराध कीन्ह फल पाया।।<BR>श्राप अनुग्रह करहु कृपाला। बोले नारद दीनदयाला।।<BR>निसिचर जाइ होहु तुम्ह दोऊ। बैभव बिपुल तेज बल होऊ।।<BR>भुजबल बिस्व जितब तुम्ह जहिआ। धरिहहिं बिष्नु मनुज तनु तहिआ।<BR>समर मरन हरि हाथ तुम्हारा। होइहहु मुकुत न पुनि संसारा।।<BR>चले जुगल मुनि पद सिर नाई। भए निसाचर कालहि पाई।।<BR>दो0-एक कलप एहि हेतु प्रभु लीन्ह मनुज अवतार।<BR>सुर रंजन सज्जन सुखद हरि भंजन भुबि भार।।139।।<BR>–*–*–<BR>एहि बिधि जनम करम हरि केरे। सुंदर सुखद बिचित्र घनेरे।।<BR>कलप कलप प्रति प्रभु अवतरहीं। चारु चरित नानाबिधि करहीं।।<BR>तब तब कथा मुनीसन्ह गाई। परम पुनीत प्रबंध बनाई।।<BR>बिबिध प्रसंग अनूप बखाने। करहिं न सुनि आचरजु सयाने।।<BR>हरि अनंत हरिकथा अनंता। कहहिं सुनहिं बहुबिधि सब संता।।<BR>रामचंद्र के चरित सुहाए। कलप कोटि लगि जाहिं न गाए।।<BR>यह प्रसंग मैं कहा भवानी। हरिमायाँ मोहहिं मुनि ग्यानी।।<BR>प्रभु कौतुकी प्रनत हितकारी।।सेवत सुलभ सकल दुख हारी।।<BR>सो0-सुर नर मुनि कोउ नाहिं जेहि न मोह माया प्रबल।।<BR>अस बिचारि मन माहिं भजिअ महामाया पतिहि।।140।।<BR>अपर हेतु सुनु सैलकुमारी। कहउँ बिचित्र कथा बिस्तारी।।<BR>जेहि कारन अज अगुन अरूपा। ब्रह्म भयउ कोसलपुर भूपा।।<BR>जो प्रभु बिपिन फिरत तुम्ह देखा। बंधु समेत धरें मुनिबेषा।।<BR>जासु चरित अवलोकि भवानी। सती सरीर रहिहु बौरानी।।<BR>अजहुँ न छाया मिटति तुम्हारी। तासु चरित सुनु भ्रम रुज हारी।।<BR>लीला कीन्हि जो तेहिं अवतारा। सो सब कहिहउँ मति अनुसारा।।<BR>भरद्वाज सुनि संकर बानी। सकुचि सप्रेम उमा मुसकानी।।<BR>लगे बहुरि बरने बृषकेतू। सो अवतार भयउ जेहि हेतू।।<BR>दो0-सो मैं तुम्ह सन कहउँ सबु सुनु मुनीस मन लाई।।<BR>राम कथा कलि मल हरनि मंगल करनि सुहाइ।।141।।<BR>–*–*–<BR>स्वायंभू मनु अरु सतरूपा। जिन्ह तें भै नरसृष्टि अनूपा।।<BR>दंपति धरम आचरन नीका। अजहुँ गाव श्रुति जिन्ह कै लीका।।<BR>नृप उत्तानपाद सुत तासू। ध्रुव हरि भगत भयउ सुत जासू।।<BR>लघु सुत नाम प्रिय्रब्रत ताही। बेद पुरान प्रसंसहि जाही।।<BR>देवहूति पुनि तासु कुमारी। जो मुनि कर्दम कै प्रिय नारी।।<BR>आदिदेव प्रभु दीनदयाला। जठर धरेउ जेहिं कपिल कृपाला।।<BR>सांख्य सास्त्र जिन्ह प्रगट बखाना। तत्व बिचार निपुन भगवाना।।<BR>तेहिं मनु राज कीन्ह बहु काला। प्रभु आयसु सब बिधि प्रतिपाला।।<BR>सो0-होइ न बिषय बिराग भवन बसत भा चौथपन।<BR>हृदयँ बहुत दुख लाग जनम गयउ हरिभगति बिनु।।142।।<BR>बरबस राज सुतहि तब दीन्हा। नारि समेत गवन बन कीन्हा।।<BR>तीरथ बर नैमिष बिख्याता। अति पुनीत साधक सिधि दाता।।<BR>बसहिं तहाँ मुनि सिद्ध समाजा। तहँ हियँ हरषि चलेउ मनु राजा।।<BR>पंथ जात सोहहिं मतिधीरा। ग्यान भगति जनु धरें सरीरा।।<BR>पहुँचे जाइ धेनुमति तीरा। हरषि नहाने निरमल नीरा।।<BR>आए मिलन सिद्ध मुनि ग्यानी। धरम धुरंधर नृपरिषि जानी।।<BR>जहँ जँह तीरथ रहे सुहाए। मुनिन्ह सकल सादर करवाए।।<BR>कृस सरीर मुनिपट परिधाना। सत समाज नित सुनहिं पुराना ।<BR>दो0-द्वादस अच्छर मंत्र पुनि जपहिं सहित अनुराग।<BR>बासुदेव पद पंकरुह दंपति मन अति लाग।।143।।<BR>–*–*–<BR>करहिं अहार साक फल कंदा। सुमिरहिं ब्रह्म सच्चिदानंदा।।<BR>पुनि हरि हेतु करन तप लागे। बारि अधार मूल फल त्यागे।।<BR>उर अभिलाष निंरंतर होई। देखअ नयन परम प्रभु सोई।।<BR>अगुन अखंड अनंत अनादी। जेहि चिंतहिं परमारथबादी।।<BR>नेति नेति जेहि बेद निरूपा। निजानंद निरुपाधि अनूपा।।<BR>संभु बिरंचि बिष्नु भगवाना। उपजहिं जासु अंस तें नाना।।<BR>ऐसेउ प्रभु सेवक बस अहई। भगत हेतु लीलातनु गहई।।<BR>जौं यह बचन सत्य श्रुति भाषा। तौ हमार पूजहि अभिलाषा।।<BR>दो0-एहि बिधि बीतें बरष षट सहस बारि आहार।<BR>संबत सप्त सहस्त्र पुनि रहे समीर अधार।।144।।<BR>–*–*–<BR>बरष सहस दस त्यागेउ सोऊ। ठाढ़े रहे एक पद दोऊ।।<BR>बिधि हरि तप देखि अपारा। मनु समीप आए बहु बारा।।<BR>मागहु बर बहु भाँति लोभाए। परम धीर नहिं चलहिं चलाए।।<BR>अस्थिमात्र होइ रहे सरीरा। तदपि मनाग मनहिं नहिं पीरा।।<BR>प्रभु सर्बग्य दास निज जानी। गति अनन्य तापस नृप रानी।।<BR>मागु मागु बरु भै नभ बानी। परम गभीर कृपामृत सानी।।<BR>मृतक जिआवनि गिरा सुहाई। श्रबन रंध्र होइ उर जब आई।।<BR>ह्रष्टपुष्ट तन भए सुहाए। मानहुँ अबहिं भवन ते आए।।<BR>दो0-श्रवन सुधा सम बचन सुनि पुलक प्रफुल्लित गात।<BR>बोले मनु करि दंडवत प्रेम न हृदयँ समात।।145।।<BR>–*–*–<BR>सुनु सेवक सुरतरु सुरधेनु। बिधि हरि हर बंदित पद रेनू।।<BR>सेवत सुलभ सकल सुख दायक। प्रनतपाल सचराचर नायक।।<BR>जौं अनाथ हित हम पर नेहू। तौ प्रसन्न होइ यह बर देहू।।<BR>जो सरूप बस सिव मन माहीं। जेहि कारन मुनि जतन कराहीं।।<BR>जो भुसुंडि मन मानस हंसा। सगुन अगुन जेहि निगम प्रसंसा।।<BR>देखहिं हम सो रूप भरि लोचन। कृपा करहु प्रनतारति मोचन।।<BR>दंपति बचन परम प्रिय लागे। मुदुल बिनीत प्रेम रस पागे।।<BR>भगत बछल प्रभु कृपानिधाना। बिस्वबास प्रगटे भगवाना।।<BR>दो0-नील सरोरुह नील मनि नील नीरधर स्याम।<BR>लाजहिं तन सोभा निरखि कोटि कोटि सत काम।।146।।<BR>–*–*–<BR>सरद मयंक बदन छबि सींवा। चारु कपोल चिबुक दर ग्रीवा।।<BR>अधर अरुन रद सुंदर नासा। बिधु कर निकर बिनिंदक हासा।।<BR>नव अबुंज अंबक छबि नीकी। चितवनि ललित भावँती जी की।।<BR>भुकुटि मनोज चाप छबि हारी। तिलक ललाट पटल दुतिकारी।।<BR>कुंडल मकर मुकुट सिर भ्राजा। कुटिल केस जनु मधुप समाजा।।<BR>उर श्रीबत्स रुचिर बनमाला। पदिक हार भूषन मनिजाला।।<BR>केहरि कंधर चारु जनेउ। बाहु बिभूषन सुंदर तेऊ।।<BR>करि कर सरि सुभग भुजदंडा। कटि निषंग कर सर कोदंडा।।<BR>दो0-तडित बिनिंदक पीत पट उदर रेख बर तीनि।।<BR>नाभि मनोहर लेति जनु जमुन भवँर छबि छीनि।।147।।<BR>–*–*–<BR>पद राजीव बरनि नहि जाहीं। मुनि मन मधुप बसहिं जेन्ह माहीं।।<BR>बाम भाग सोभति अनुकूला। आदिसक्ति छबिनिधि जगमूला।।<BR>जासु अंस उपजहिं गुनखानी। अगनित लच्छि उमा ब्रह्मानी।।<BR>भृकुटि बिलास जासु जग होई। राम बाम दिसि सीता सोई।।<BR>छबिसमुद्र हरि रूप बिलोकी। एकटक रहे नयन पट रोकी।।<BR>चितवहिं सादर रूप अनूपा। तृप्ति न मानहिं मनु सतरूपा।।<BR>हरष बिबस तन दसा भुलानी। परे दंड इव गहि पद पानी।।<BR>सिर परसे प्रभु निज कर कंजा। तुरत उठाए करुनापुंजा।।<BR>दो0-बोले कृपानिधान पुनि अति प्रसन्न मोहि जानि।<BR>मागहु बर जोइ भाव मन महादानि अनुमानि।।148।।<BR>–*–*–<BR>सुनि प्रभु बचन जोरि जुग पानी। धरि धीरजु बोली मृदु बानी।।<BR>नाथ देखि पद कमल तुम्हारे। अब पूरे सब काम हमारे।।<BR>एक लालसा बड़ि उर माही। सुगम अगम कहि जात सो नाहीं।।<BR>तुम्हहि देत अति सुगम गोसाईं। अगम लाग मोहि निज कृपनाईं।।<BR>जथा दरिद्र बिबुधतरु पाई। बहु संपति मागत सकुचाई।।<BR>तासु प्रभा जान नहिं सोई। तथा हृदयँ मम संसय होई।।<BR>सो तुम्ह जानहु अंतरजामी। पुरवहु मोर मनोरथ स्वामी।।<BR>सकुच बिहाइ मागु नृप मोहि। मोरें नहिं अदेय कछु तोही।।<BR>दो0-दानि सिरोमनि कृपानिधि नाथ कहउँ सतिभाउ।।<BR>चाहउँ तुम्हहि समान सुत प्रभु सन कवन दुराउ।।149।।<BR>–*–*–<BR>देखि प्रीति सुनि बचन अमोले। एवमस्तु करुनानिधि बोले।।<BR>आपु सरिस खोजौं कहँ जाई। नृप तव तनय होब मैं आई।।<BR>सतरूपहि बिलोकि कर जोरें। देबि मागु बरु जो रुचि तोरे।।<BR>जो बरु नाथ चतुर नृप मागा। सोइ कृपाल मोहि अति प्रिय लागा।।<BR>प्रभु परंतु सुठि होति ढिठाई। जदपि भगत हित तुम्हहि सोहाई।।<BR>तुम्ह ब्रह्मादि जनक जग स्वामी। ब्रह्म सकल उर अंतरजामी।।<BR>अस समुझत मन संसय होई। कहा जो प्रभु प्रवान पुनि सोई।।<BR>जे निज भगत नाथ तव अहहीं। जो सुख पावहिं जो गति लहहीं।।<BR>दो0-सोइ सुख सोइ गति सोइ भगति सोइ निज चरन सनेहु।।<BR>सोइ बिबेक सोइ रहनि प्रभु हमहि कृपा करि देहु।।150।।<BR>–*–*–<BR>सुनु मृदु गूढ़ रुचिर बर रचना। कृपासिंधु बोले मृदु बचना।।<BR>जो कछु रुचि तुम्हेर मन माहीं। मैं सो दीन्ह सब संसय नाहीं।।<BR>मातु बिबेक अलोकिक तोरें। कबहुँ न मिटिहि अनुग्रह मोरें ।<BR>बंदि चरन मनु कहेउ बहोरी। अवर एक बिनति प्रभु मोरी।।<BR>सुत बिषइक तव पद रति होऊ। मोहि बड़ मूढ़ कहै किन कोऊ।।<BR>मनि बिनु फनि जिमि जल बिनु मीना। मम जीवन तिमि तुम्हहि अधीना।।<BR>अस बरु मागि चरन गहि रहेऊ। एवमस्तु करुनानिधि कहेऊ।।<BR>अब तुम्ह मम अनुसासन मानी। बसहु जाइ सुरपति रजधानी।।<BR>सो0-तहँ करि भोग बिसाल तात गउँ कछु काल पुनि।<BR>होइहहु अवध भुआल तब मैं होब तुम्हार सुत।।151।।<BR>इच्छामय नरबेष सँवारें। होइहउँ प्रगट निकेत तुम्हारे।।<BR>अंसन्ह सहित देह धरि ताता। करिहउँ चरित भगत सुखदाता।।<BR>जे सुनि सादर नर बड़भागी। भव तरिहहिं ममता मद त्यागी।।<BR>आदिसक्ति जेहिं जग उपजाया। सोउ अवतरिहि मोरि यह माया।।<BR>पुरउब मैं अभिलाष तुम्हारा। सत्य सत्य पन सत्य हमारा।।<BR>पुनि पुनि अस कहि कृपानिधाना। अंतरधान भए भगवाना।।<BR>दंपति उर धरि भगत कृपाला। तेहिं आश्रम निवसे कछु काला।।<BR>समय पाइ तनु तजि अनयासा। जाइ कीन्ह अमरावति बासा।।<BR>दो0-यह इतिहास पुनीत अति उमहि कही बृषकेतु।<BR>भरद्वाज सुनु अपर पुनि राम जनम कर हेतु।।152।।<BR>मासपारायण,पाँचवाँ विश्राम<BR>–*–*– </P> <P>सुनु मुनि कथा पुनीत पुरानी। जो गिरिजा प्रति संभु बखानी।।<BR>बिस्व बिदित एक कैकय देसू। सत्यकेतु तहँ बसइ नरेसू।।<BR>धरम धुरंधर नीति निधाना। तेज प्रताप सील बलवाना।।<BR>तेहि कें भए जुगल सुत बीरा। सब गुन धाम महा रनधीरा।।</P> <P>राज धनी जो जेठ सुत आही। नाम प्रतापभानु अस ताही।।<BR>अपर सुतहि अरिमर्दन नामा। भुजबल अतुल अचल संग्रामा।।<BR>भाइहि भाइहि परम समीती। सकल दोष छल बरजित प्रीती।।<BR>जेठे सुतहि राज नृप दीन्हा। हरि हित आपु गवन बन कीन्हा।।<BR>दो0-जब प्रतापरबि भयउ नृप फिरी दोहाई देस।<BR>प्रजा पाल अति बेदबिधि कतहुँ नहीं अघ लेस।।153।।<BR>–*–*–<BR>नृप हितकारक सचिव सयाना। नाम धरमरुचि सुक्र समाना।।<BR>सचिव सयान बंधु बलबीरा। आपु प्रतापपुंज रनधीरा।।<BR>सेन संग चतुरंग अपारा। अमित सुभट सब समर जुझारा।।<BR>सेन बिलोकि राउ हरषाना। अरु बाजे गहगहे निसाना।।<BR>बिजय हेतु कटकई बनाई। सुदिन साधि नृप चलेउ बजाई।।<BR>जँह तहँ परीं अनेक लराईं। जीते सकल भूप बरिआई।।<BR>सप्त दीप भुजबल बस कीन्हे। लै लै दंड छाड़ि नृप दीन्हें।।<BR>सकल अवनि मंडल तेहि काला। एक प्रतापभानु महिपाला।।<BR>दो0-स्वबस बिस्व करि बाहुबल निज पुर कीन्ह प्रबेसु।<BR>अरथ धरम कामादि सुख सेवइ समयँ नरेसु।।154।।<BR>–*–*–<BR>भूप प्रतापभानु बल पाई। कामधेनु भै भूमि सुहाई।।<BR>सब दुख बरजित प्रजा सुखारी। धरमसील सुंदर नर नारी।।<BR>सचिव धरमरुचि हरि पद प्रीती। नृप हित हेतु सिखव नित नीती।।<BR>गुर सुर संत पितर महिदेवा। करइ सदा नृप सब कै सेवा।।<BR>भूप धरम जे बेद बखाने। सकल करइ सादर सुख माने।।<BR>दिन प्रति देह बिबिध बिधि दाना। सुनहु सास्त्र बर बेद पुराना।।<BR>नाना बापीं कूप तड़ागा। सुमन बाटिका सुंदर बागा।।<BR>बिप्रभवन सुरभवन सुहाए। सब तीरथन्ह बिचित्र बनाए।।<BR>दो0-जँह लगि कहे पुरान श्रुति एक एक सब जाग।<BR>बार सहस्त्र सहस्त्र नृप किए सहित अनुराग।।155।।<BR>–*–*–<BR>हृदयँ न कछु फल अनुसंधाना। भूप बिबेकी परम सुजाना।।<BR>करइ जे धरम करम मन बानी। बासुदेव अर्पित नृप ग्यानी।।<BR>चढ़ि बर बाजि बार एक राजा। मृगया कर सब साजि समाजा।।<BR>बिंध्याचल गभीर बन गयऊ। मृग पुनीत बहु मारत भयऊ।।<BR>फिरत बिपिन नृप दीख बराहू। जनु बन दुरेउ ससिहि ग्रसि राहू।।<BR>बड़ बिधु नहि समात मुख माहीं। मनहुँ क्रोधबस उगिलत नाहीं।।<BR>कोल कराल दसन छबि गाई। तनु बिसाल पीवर अधिकाई।।<BR>घुरुघुरात हय आरौ पाएँ। चकित बिलोकत कान उठाएँ।।<BR>दो0-नील महीधर सिखर सम देखि बिसाल बराहु।<BR>चपरि चलेउ हय सुटुकि नृप हाँकि न होइ निबाहु।।156।।<BR>–*–*–<BR>आवत देखि अधिक रव बाजी। चलेउ बराह मरुत गति भाजी।।<BR>तुरत कीन्ह नृप सर संधाना। महि मिलि गयउ बिलोकत बाना।।<BR>तकि तकि तीर महीस चलावा। करि छल सुअर सरीर बचावा।।<BR>प्रगटत दुरत जाइ मृग भागा। रिस बस भूप चलेउ संग लागा।।<BR>गयउ दूरि घन गहन बराहू। जहँ नाहिन गज बाजि निबाहू।।<BR>अति अकेल बन बिपुल कलेसू। तदपि न मृग मग तजइ नरेसू।।<BR>कोल बिलोकि भूप बड़ धीरा। भागि पैठ गिरिगुहाँ गभीरा।।<BR>अगम देखि नृप अति पछिताई। फिरेउ महाबन परेउ भुलाई।।<BR>दो0-खेद खिन्न छुद्धित तृषित राजा बाजि समेत।<BR>खोजत ब्याकुल सरित सर जल बिनु भयउ अचेत।।157।।<BR>–*–*–<BR>फिरत बिपिन आश्रम एक देखा। तहँ बस नृपति कपट मुनिबेषा।।<BR>जासु देस नृप लीन्ह छड़ाई। समर सेन तजि गयउ पराई।।<BR>समय प्रतापभानु कर जानी। आपन अति असमय अनुमानी।।<BR>गयउ न गृह मन बहुत गलानी। मिला न राजहि नृप अभिमानी।।<BR>रिस उर मारि रंक जिमि राजा। बिपिन बसइ तापस कें साजा।।<BR>तासु समीप गवन नृप कीन्हा। यह प्रतापरबि तेहि तब चीन्हा।।<BR>राउ तृषित नहि सो पहिचाना। देखि सुबेष महामुनि जाना।।<BR>उतरि तुरग तें कीन्ह प्रनामा। परम चतुर न कहेउ निज नामा।।<BR>दो0 भूपति तृषित बिलोकि तेहिं सरबरु दीन्ह देखाइ।<BR>मज्जन पान समेत हय कीन्ह नृपति हरषाइ।।158।।<BR>–*–*–<BR>गै श्रम सकल सुखी नृप भयऊ। निज आश्रम तापस लै गयऊ।।<BR>आसन दीन्ह अस्त रबि जानी। पुनि तापस बोलेउ मृदु बानी।।<BR>को तुम्ह कस बन फिरहु अकेलें। सुंदर जुबा जीव परहेलें।।<BR>चक्रबर्ति के लच्छन तोरें। देखत दया लागि अति मोरें।।<BR>नाम प्रतापभानु अवनीसा। तासु सचिव मैं सुनहु मुनीसा।।<BR>फिरत अहेरें परेउँ भुलाई। बडे भाग देखउँ पद आई।।<BR>हम कहँ दुर्लभ दरस तुम्हारा। जानत हौं कछु भल होनिहारा।।<BR>कह मुनि तात भयउ अँधियारा। जोजन सत्तरि नगरु तुम्हारा।।<BR>दो0- निसा घोर गम्भीर बन पंथ न सुनहु सुजान।<BR>बसहु आजु अस जानि तुम्ह जाएहु होत बिहान।।159(क)।।<BR>तुलसी जसि भवतब्यता तैसी मिलइ सहाइ।<BR>आपुनु आवइ ताहि पहिं ताहि तहाँ लै जाइ।।159(ख)।।<BR>–*–*–<BR>भलेहिं नाथ आयसु धरि सीसा। बाँधि तुरग तरु बैठ महीसा।।<BR>नृप बहु भाति प्रसंसेउ ताही। चरन बंदि निज भाग्य सराही।।<BR>पुनि बोले मृदु गिरा सुहाई। जानि पिता प्रभु करउँ ढिठाई।।<BR>मोहि मुनिस सुत सेवक जानी। नाथ नाम निज कहहु बखानी।।<BR>तेहि न जान नृप नृपहि सो जाना। भूप सुह्रद सो कपट सयाना।।<BR>बैरी पुनि छत्री पुनि राजा। छल बल कीन्ह चहइ निज काजा।।<BR>समुझि राजसुख दुखित अराती। अवाँ अनल इव सुलगइ छाती।।<BR>सरल बचन नृप के सुनि काना। बयर सँभारि हृदयँ हरषाना।।</P> <P>दो0-कपट बोरि बानी मृदुल बोलेउ जुगुति समेत।<BR>नाम हमार भिखारि अब निर्धन रहित निकेति।।160।।<BR>–*–*–<BR>कह नृप जे बिग्यान निधाना। तुम्ह सारिखे गलित अभिमाना।।<BR>सदा रहहि अपनपौ दुराएँ। सब बिधि कुसल कुबेष बनाएँ।।<BR>तेहि तें कहहि संत श्रुति टेरें। परम अकिंचन प्रिय हरि केरें।।<BR>तुम्ह सम अधन भिखारि अगेहा। होत बिरंचि सिवहि संदेहा।।<BR>जोसि सोसि तव चरन नमामी। मो पर कृपा करिअ अब स्वामी।।<BR>सहज प्रीति भूपति कै देखी। आपु बिषय बिस्वास बिसेषी।।<BR>सब प्रकार राजहि अपनाई। बोलेउ अधिक सनेह जनाई।।<BR>सुनु सतिभाउ कहउँ महिपाला। इहाँ बसत बीते बहु काला।।<BR>दो0-अब लगि मोहि न मिलेउ कोउ मैं न जनावउँ काहु।<BR>लोकमान्यता अनल सम कर तप कानन दाहु।।161(क)।।<BR>सो0-तुलसी देखि सुबेषु भूलहिं मूढ़ न चतुर नर।<BR>सुंदर केकिहि पेखु बचन सुधा सम असन अहि।।161(ख)<BR>–*–*–<BR>तातें गुपुत रहउँ जग माहीं। हरि तजि किमपि प्रयोजन नाहीं।।<BR>प्रभु जानत सब बिनहिं जनाएँ। कहहु कवनि सिधि लोक रिझाएँ।।<BR>तुम्ह सुचि सुमति परम प्रिय मोरें। प्रीति प्रतीति मोहि पर तोरें।।<BR>अब जौं तात दुरावउँ तोही। दारुन दोष घटइ अति मोही।।<BR>जिमि जिमि तापसु कथइ उदासा। तिमि तिमि नृपहि उपज बिस्वासा।।<BR>देखा स्वबस कर्म मन बानी। तब बोला तापस बगध्यानी।।<BR>नाम हमार एकतनु भाई। सुनि नृप बोले पुनि सिरु नाई।।<BR>कहहु नाम कर अरथ बखानी। मोहि सेवक अति आपन जानी।।<BR>दो0-आदिसृष्टि उपजी जबहिं तब उतपति भै मोरि।<BR>नाम एकतनु हेतु तेहि देह न धरी बहोरि।।162।।<BR>–*–*–<BR>जनि आचरुज करहु मन माहीं। सुत तप तें दुर्लभ कछु नाहीं।।<BR>तपबल तें जग सृजइ बिधाता। तपबल बिष्नु भए परित्राता।।<BR>तपबल संभु करहिं संघारा। तप तें अगम न कछु संसारा।।<BR>भयउ नृपहि सुनि अति अनुरागा। कथा पुरातन कहै सो लागा।।<BR>करम धरम इतिहास अनेका। करइ निरूपन बिरति बिबेका।।<BR>उदभव पालन प्रलय कहानी। कहेसि अमित आचरज बखानी।।<BR>सुनि महिप तापस बस भयऊ। आपन नाम कहत तब लयऊ।।<BR>कह तापस नृप जानउँ तोही। कीन्हेहु कपट लाग भल मोही।।<BR>सो0-सुनु महीस असि नीति जहँ तहँ नाम न कहहिं नृप।<BR>मोहि तोहि पर अति प्रीति सोइ चतुरता बिचारि तव।।163।।<BR>नाम तुम्हार प्रताप दिनेसा। सत्यकेतु तव पिता नरेसा।।<BR>गुर प्रसाद सब जानिअ राजा। कहिअ न आपन जानि अकाजा।।<BR>देखि तात तव सहज सुधाई। प्रीति प्रतीति नीति निपुनाई।।<BR>उपजि परि ममता मन मोरें। कहउँ कथा निज पूछे तोरें।।<BR>अब प्रसन्न मैं संसय नाहीं। मागु जो भूप भाव मन माहीं।।<BR>सुनि सुबचन भूपति हरषाना। गहि पद बिनय कीन्हि बिधि नाना।।<BR>कृपासिंधु मुनि दरसन तोरें। चारि पदारथ करतल मोरें।।<BR>प्रभुहि तथापि प्रसन्न बिलोकी। मागि अगम बर होउँ असोकी।।<BR>दो0-जरा मरन दुख रहित तनु समर जितै जनि कोउ।<BR>एकछत्र रिपुहीन महि राज कलप सत होउ।।164।।<BR>–*–*–<BR>कह तापस नृप ऐसेइ होऊ। कारन एक कठिन सुनु सोऊ।।<BR>कालउ तुअ पद नाइहि सीसा। एक बिप्रकुल छाड़ि महीसा।।<BR>तपबल बिप्र सदा बरिआरा। तिन्ह के कोप न कोउ रखवारा।।<BR>जौं बिप्रन्ह सब करहु नरेसा। तौ तुअ बस बिधि बिष्नु महेसा।।<BR>चल न ब्रह्मकुल सन बरिआई। सत्य कहउँ दोउ भुजा उठाई।।<BR>बिप्र श्राप बिनु सुनु महिपाला। तोर नास नहि कवनेहुँ काला।।<BR>हरषेउ राउ बचन सुनि तासू। नाथ न होइ मोर अब नासू।।<BR>तव प्रसाद प्रभु कृपानिधाना। मो कहुँ सर्ब काल कल्याना।।<BR>दो0-एवमस्तु कहि कपटमुनि बोला कुटिल बहोरि।<BR>मिलब हमार भुलाब निज कहहु त हमहि न खोरि।।165।।<BR>–*–*–<BR>तातें मै तोहि बरजउँ राजा। कहें कथा तव परम अकाजा।।</P> <P>छठें श्रवन यह परत कहानी। नास तुम्हार सत्य मम बानी।।<BR>यह प्रगटें अथवा द्विजश्रापा। नास तोर सुनु भानुप्रतापा।।<BR>आन उपायँ निधन तव नाहीं। जौं हरि हर कोपहिं मन माहीं।।<BR>सत्य नाथ पद गहि नृप भाषा। द्विज गुर कोप कहहु को राखा।।<BR>राखइ गुर जौं कोप बिधाता। गुर बिरोध नहिं कोउ जग त्राता।।<BR>जौं न चलब हम कहे तुम्हारें। होउ नास नहिं सोच हमारें।।<BR>एकहिं डर डरपत मन मोरा। प्रभु महिदेव श्राप अति घोरा।।<BR>दो0-होहिं बिप्र बस कवन बिधि कहहु कृपा करि सोउ।<BR>तुम्ह तजि दीनदयाल निज हितू न देखउँ कोउँ।।166।।<BR>–*–*–<BR>सुनु नृप बिबिध जतन जग माहीं। कष्टसाध्य पुनि होहिं कि नाहीं।।<BR>अहइ एक अति सुगम उपाई। तहाँ परंतु एक कठिनाई।।<BR>मम आधीन जुगुति नृप सोई। मोर जाब तव नगर न होई।।<BR>आजु लगें अरु जब तें भयऊँ। काहू के गृह ग्राम न गयऊँ।।<BR>जौं न जाउँ तव होइ अकाजू। बना आइ असमंजस आजू।।<BR>सुनि महीस बोलेउ मृदु बानी। नाथ निगम असि नीति बखानी।।<BR>बड़े सनेह लघुन्ह पर करहीं। गिरि निज सिरनि सदा तृन धरहीं।।<BR>जलधि अगाध मौलि बह फेनू। संतत धरनि धरत सिर रेनू।।<BR>दो0- अस कहि गहे नरेस पद स्वामी होहु कृपाल।<BR>मोहि लागि दुख सहिअ प्रभु सज्जन दीनदयाल।।167।।<BR>–*–*–<BR>जानि नृपहि आपन आधीना। बोला तापस कपट प्रबीना।।<BR>सत्य कहउँ भूपति सुनु तोही। जग नाहिन दुर्लभ कछु मोही।।<BR>अवसि काज मैं करिहउँ तोरा। मन तन बचन भगत तैं मोरा।।<BR>जोग जुगुति तप मंत्र प्रभाऊ। फलइ तबहिं जब करिअ दुराऊ।।<BR>जौं नरेस मैं करौं रसोई। तुम्ह परुसहु मोहि जान न कोई।।<BR>अन्न सो जोइ जोइ भोजन करई। सोइ सोइ तव आयसु अनुसरई।।<BR>पुनि तिन्ह के गृह जेवँइ जोऊ। तव बस होइ भूप सुनु सोऊ।।<BR>जाइ उपाय रचहु नृप एहू। संबत भरि संकलप करेहू।।<BR>दो0-नित नूतन द्विज सहस सत बरेहु सहित परिवार।<BR>मैं तुम्हरे संकलप लगि दिनहिंûकरिब जेवनार।।168।।<BR>–*–*–<BR>एहि बिधि भूप कष्ट अति थोरें। होइहहिं सकल बिप्र बस तोरें।।<BR>करिहहिं बिप्र होम मख सेवा। तेहिं प्रसंग सहजेहिं बस देवा।।<BR>और एक तोहि कहऊँ लखाऊ। मैं एहि बेष न आउब काऊ।।<BR>तुम्हरे उपरोहित कहुँ राया। हरि आनब मैं करि निज माया।।<BR>तपबल तेहि करि आपु समाना। रखिहउँ इहाँ बरष परवाना।।<BR>मैं धरि तासु बेषु सुनु राजा। सब बिधि तोर सँवारब काजा।।<BR>गै निसि बहुत सयन अब कीजे। मोहि तोहि भूप भेंट दिन तीजे।।<BR>मैं तपबल तोहि तुरग समेता। पहुँचेहउँ सोवतहि निकेता।।<BR>दो0-मैं आउब सोइ बेषु धरि पहिचानेहु तब मोहि।<BR>जब एकांत बोलाइ सब कथा सुनावौं तोहि।।169।।<BR>–*–*–<BR>सयन कीन्ह नृप आयसु मानी। आसन जाइ बैठ छलग्यानी।।<BR>श्रमित भूप निद्रा अति आई। सो किमि सोव सोच अधिकाई।।<BR>कालकेतु निसिचर तहँ आवा। जेहिं सूकर होइ नृपहि भुलावा।।<BR>परम मित्र तापस नृप केरा। जानइ सो अति कपट घनेरा।।<BR>तेहि के सत सुत अरु दस भाई। खल अति अजय देव दुखदाई।।<BR>प्रथमहि भूप समर सब मारे। बिप्र संत सुर देखि दुखारे।।<BR>तेहिं खल पाछिल बयरु सँभरा। तापस नृप मिलि मंत्र बिचारा।।<BR>जेहि रिपु छय सोइ रचेन्हि उपाऊ। भावी बस न जान कछु राऊ।।<BR>दो0-रिपु तेजसी अकेल अपि लघु करि गनिअ न ताहु।<BR>अजहुँ देत दुख रबि ससिहि सिर अवसेषित राहु।।170।।<BR>–*–*–<BR>तापस नृप निज सखहि निहारी। हरषि मिलेउ उठि भयउ सुखारी।।<BR>मित्रहि कहि सब कथा सुनाई। जातुधान बोला सुख पाई।।<BR>अब साधेउँ रिपु सुनहु नरेसा। जौं तुम्ह कीन्ह मोर उपदेसा।।<BR>परिहरि सोच रहहु तुम्ह सोई। बिनु औषध बिआधि बिधि खोई।।<BR>कुल समेत रिपु मूल बहाई। चौथे दिवस मिलब मैं आई।।<BR>तापस नृपहि बहुत परितोषी। चला महाकपटी अतिरोषी।।<BR>भानुप्रतापहि बाजि समेता। पहुँचाएसि छन माझ निकेता।।<BR>नृपहि नारि पहिं सयन कराई। हयगृहँ बाँधेसि बाजि बनाई।।<BR>दो0-राजा के उपरोहितहि हरि लै गयउ बहोरि।<BR>लै राखेसि गिरि खोह महुँ मायाँ करि मति भोरि।।171।।<BR>–*–*–<BR>आपु बिरचि उपरोहित रूपा। परेउ जाइ तेहि सेज अनूपा।।<BR>जागेउ नृप अनभएँ बिहाना। देखि भवन अति अचरजु माना।।<BR>मुनि महिमा मन महुँ अनुमानी। उठेउ गवँहि जेहि जान न रानी।।<BR>कानन गयउ बाजि चढ़ि तेहीं। पुर नर नारि न जानेउ केहीं।।<BR>गएँ जाम जुग भूपति आवा। घर घर उत्सव बाज बधावा।।<BR>उपरोहितहि देख जब राजा। चकित बिलोकि सुमिरि सोइ काजा।।<BR>जुग सम नृपहि गए दिन तीनी। कपटी मुनि पद रह मति लीनी।।<BR>समय जानि उपरोहित आवा। नृपहि मते सब कहि समुझावा।।<BR>दो0-नृप हरषेउ पहिचानि गुरु भ्रम बस रहा न चेत।<BR>बरे तुरत सत सहस बर बिप्र कुटुंब समेत।।172।।<BR>–*–*–<BR>उपरोहित जेवनार बनाई। छरस चारि बिधि जसि श्रुति गाई।।<BR>मायामय तेहिं कीन्ह रसोई। बिंजन बहु गनि सकइ न कोई।।<BR>बिबिध मृगन्ह कर आमिष राँधा। तेहि महुँ बिप्र माँसु खल साँधा।।<BR>भोजन कहुँ सब बिप्र बोलाए। पद पखारि सादर बैठाए।।<BR>परुसन जबहिं लाग महिपाला। भै अकासबानी तेहि काला।।<BR>बिप्रबृंद उठि उठि गृह जाहू। है बड़ि हानि अन्न जनि खाहू।।<BR>भयउ रसोईं भूसुर माँसू। सब द्विज उठे मानि बिस्वासू।।<BR>भूप बिकल मति मोहँ भुलानी। भावी बस आव मुख बानी।।<BR>दो0-बोले बिप्र सकोप तब नहिं कछु कीन्ह बिचार।<BR>जाइ निसाचर होहु नृप मूढ़ सहित परिवार।।173।।<BR>–*–*–<BR>छत्रबंधु तैं बिप्र बोलाई। घालै लिए सहित समुदाई।।<BR>ईस्वर राखा धरम हमारा। जैहसि तैं समेत परिवारा।।<BR>संबत मध्य नास तव होऊ। जलदाता न रहिहि कुल कोऊ।।<BR>नृप सुनि श्राप बिकल अति त्रासा। भै बहोरि बर गिरा अकासा।।<BR>बिप्रहु श्राप बिचारि न दीन्हा। नहिं अपराध भूप कछु कीन्हा।।<BR>चकित बिप्र सब सुनि नभबानी। भूप गयउ जहँ भोजन खानी।।<BR>तहँ न असन नहिं बिप्र सुआरा। फिरेउ राउ मन सोच अपारा।।<BR>सब प्रसंग महिसुरन्ह सुनाई। त्रसित परेउ अवनीं अकुलाई।।<BR>दो0-भूपति भावी मिटइ नहिं जदपि न दूषन तोर।<BR>किएँ अन्यथा होइ नहिं बिप्रश्राप अति घोर।।174।।<BR>–*–*–<BR>अस कहि सब महिदेव सिधाए। समाचार पुरलोगन्ह पाए।।<BR>सोचहिं दूषन दैवहि देहीं। बिचरत हंस काग किय जेहीं।।<BR>उपरोहितहि भवन पहुँचाई। असुर तापसहि खबरि जनाई।।<BR>तेहिं खल जहँ तहँ पत्र पठाए। सजि सजि सेन भूप सब धाए।।<BR>घेरेन्हि नगर निसान बजाई। बिबिध भाँति नित होई लराई।।<BR>जूझे सकल सुभट करि करनी। बंधु समेत परेउ नृप धरनी।।<BR>सत्यकेतु कुल कोउ नहिं बाँचा। बिप्रश्राप किमि होइ असाँचा।।<BR>रिपु जिति सब नृप नगर बसाई। निज पुर गवने जय जसु पाई।।<BR>दो0-भरद्वाज सुनु जाहि जब होइ बिधाता बाम।<BR>धूरि मेरुसम जनक जम ताहि ब्यालसम दाम।।।175।।<BR>–*–*–<BR>काल पाइ मुनि सुनु सोइ राजा। भयउ निसाचर सहित समाजा।।<BR>दस सिर ताहि बीस भुजदंडा। रावन नाम बीर बरिबंडा।।<BR>भूप अनुज अरिमर्दन नामा। भयउ सो कुंभकरन बलधामा।।<BR>सचिव जो रहा धरमरुचि जासू। भयउ बिमात्र बंधु लघु तासू।।<BR>नाम बिभीषन जेहि जग जाना। बिष्नुभगत बिग्यान निधाना।।<BR>रहे जे सुत सेवक नृप केरे। भए निसाचर घोर घनेरे।।<BR>कामरूप खल जिनस अनेका। कुटिल भयंकर बिगत बिबेका।।<BR>कृपा रहित हिंसक सब पापी। बरनि न जाहिं बिस्व परितापी।।<BR>दो0-उपजे जदपि पुलस्त्यकुल पावन अमल अनूप।<BR>तदपि महीसुर श्राप बस भए सकल अघरूप।।176।।<BR>–*–*–<BR>कीन्ह बिबिध तप तीनिहुँ भाई। परम उग्र नहिं बरनि सो जाई।।<BR>गयउ निकट तप देखि बिधाता। मागहु बर प्रसन्न मैं ताता।।</P> <P>करि बिनती पद गहि दससीसा। बोलेउ बचन सुनहु जगदीसा।।<BR>हम काहू के मरहिं न मारें। बानर मनुज जाति दुइ बारें।।<BR>एवमस्तु तुम्ह बड़ तप कीन्हा। मैं ब्रह्माँ मिलि तेहि बर दीन्हा।।<BR>पुनि प्रभु कुंभकरन पहिं गयऊ। तेहि बिलोकि मन बिसमय भयऊ।।<BR>जौं एहिं खल नित करब अहारू। होइहि सब उजारि संसारू।।<BR>सारद प्रेरि तासु मति फेरी। मागेसि नीद मास षट केरी।।<BR>दो0-गए बिभीषन पास पुनि कहेउ पुत्र बर मागु।<BR>तेहिं मागेउ भगवंत पद कमल अमल अनुरागु।।177।।<BR>–*–*–<BR>तिन्हि देइ बर ब्रह्म सिधाए। हरषित ते अपने गृह आए।।<BR>मय तनुजा मंदोदरि नामा। परम सुंदरी नारि ललामा।।<BR>सोइ मयँ दीन्हि रावनहि आनी। होइहि जातुधानपति जानी।।<BR>हरषित भयउ नारि भलि पाई। पुनि दोउ बंधु बिआहेसि जाई।।<BR>गिरि त्रिकूट एक सिंधु मझारी। बिधि निर्मित दुर्गम अति भारी।।<BR>सोइ मय दानवँ बहुरि सँवारा। कनक रचित मनिभवन अपारा।।<BR>भोगावति जसि अहिकुल बासा। अमरावति जसि सक्रनिवासा।।<BR>तिन्ह तें अधिक रम्य अति बंका। जग बिख्यात नाम तेहि लंका।।<BR>दो0-खाईं सिंधु गभीर अति चारिहुँ दिसि फिरि आव।<BR>कनक कोट मनि खचित दृढ़ बरनि न जाइ बनाव।।178(क)।।<BR>हरिप्रेरित जेहिं कलप जोइ जातुधानपति होइ।<BR>सूर प्रतापी अतुलबल दल समेत बस सोइ।।178(ख)।।<BR>–*–*–<BR>रहे तहाँ निसिचर भट भारे। ते सब सुरन्ह समर संघारे।।<BR>अब तहँ रहहिं सक्र के प्रेरे। रच्छक कोटि जच्छपति केरे।।<BR>दसमुख कतहुँ खबरि असि पाई। सेन साजि गढ़ घेरेसि जाई।।<BR>देखि बिकट भट बड़ि कटकाई। जच्छ जीव लै गए पराई।।<BR>फिरि सब नगर दसानन देखा। गयउ सोच सुख भयउ बिसेषा।।<BR>सुंदर सहज अगम अनुमानी। कीन्हि तहाँ रावन रजधानी।।<BR>जेहि जस जोग बाँटि गृह दीन्हे। सुखी सकल रजनीचर कीन्हे।।<BR>एक बार कुबेर पर धावा। पुष्पक जान जीति लै आवा।।<BR>दो0-कौतुकहीं कैलास पुनि लीन्हेसि जाइ उठाइ।<BR>मनहुँ तौलि निज बाहुबल चला बहुत सुख पाइ।।179।।<BR>–*–*–<BR>सुख संपति सुत सेन सहाई। जय प्रताप बल बुद्धि बड़ाई।।<BR>नित नूतन सब बाढ़त जाई। जिमि प्रतिलाभ लोभ अधिकाई।।<BR>अतिबल कुंभकरन अस भ्राता। जेहि कहुँ नहिं प्रतिभट जग जाता।।<BR>करइ पान सोवइ षट मासा। जागत होइ तिहुँ पुर त्रासा।।<BR>जौं दिन प्रति अहार कर सोई। बिस्व बेगि सब चौपट होई।।<BR>समर धीर नहिं जाइ बखाना। तेहि सम अमित बीर बलवाना।।<BR>बारिदनाद जेठ सुत तासू। भट महुँ प्रथम लीक जग जासू।।<BR>जेहि न होइ रन सनमुख कोई। सुरपुर नितहिं परावन होई।।<BR>दो0-कुमुख अकंपन कुलिसरद धूमकेतु अतिकाय।<BR>एक एक जग जीति सक ऐसे सुभट निकाय।।180।।<BR>–*–*– </P> <P>कामरूप जानहिं सब माया। सपनेहुँ जिन्ह कें धरम न दाया।।<BR>दसमुख बैठ सभाँ एक बारा। देखि अमित आपन परिवारा।।<BR>सुत समूह जन परिजन नाती। गे को पार निसाचर जाती।।<BR>सेन बिलोकि सहज अभिमानी। बोला बचन क्रोध मद सानी।।</P> <P>सुनहु सकल रजनीचर जूथा। हमरे बैरी बिबुध बरूथा।।<BR>ते सनमुख नहिं करही लराई। देखि सबल रिपु जाहिं पराई।।<BR>तेन्ह कर मरन एक बिधि होई। कहउँ बुझाइ सुनहु अब सोई।।<BR>द्विजभोजन मख होम सराधा।।सब कै जाइ करहु तुम्ह बाधा।।<BR>दो0-छुधा छीन बलहीन सुर सहजेहिं मिलिहहिं आइ।<BR>तब मारिहउँ कि छाड़िहउँ भली भाँति अपनाइ।।181।।<BR>–*–*– </P> <P>मेघनाद कहुँ पुनि हँकरावा। दीन्ही सिख बलु बयरु बढ़ावा।।</P> <P>जे सुर समर धीर बलवाना। जिन्ह कें लरिबे कर अभिमाना।।<BR>तिन्हहि जीति रन आनेसु बाँधी। उठि सुत पितु अनुसासन काँधी।।<BR>एहि बिधि सबही अग्या दीन्ही। आपुनु चलेउ गदा कर लीन्ही।।<BR>चलत दसानन डोलति अवनी। गर्जत गर्भ स्त्रवहिं सुर रवनी।।<BR>रावन आवत सुनेउ सकोहा। देवन्ह तके मेरु गिरि खोहा।।<BR>दिगपालन्ह के लोक सुहाए। सूने सकल दसानन पाए।।<BR>पुनि पुनि सिंघनाद करि भारी। देइ देवतन्ह गारि पचारी।।<BR>रन मद मत्त फिरइ जग धावा। प्रतिभट खौजत कतहुँ न पावा।।<BR>रबि ससि पवन बरुन धनधारी। अगिनि काल जम सब अधिकारी।।<BR>किंनर सिद्ध मनुज सुर नागा। हठि सबही के पंथहिं लागा।।<BR>ब्रह्मसृष्टि जहँ लगि तनुधारी। दसमुख बसबर्ती नर नारी।।<BR>आयसु करहिं सकल भयभीता। नवहिं आइ नित चरन बिनीता।।<BR>दो0-भुजबल बिस्व बस्य करि राखेसि कोउ न सुतंत्र।<BR>मंडलीक मनि रावन राज करइ निज मंत्र।।182(ख)।।<BR>देव जच्छ गंधर्व नर किंनर नाग कुमारि।<BR>जीति बरीं निज बाहुबल बहु सुंदर बर नारि।।182ख।।<BR>–*–*– </P> <P>इंद्रजीत सन जो कछु कहेऊ। सो सब जनु पहिलेहिं करि रहेऊ।।<BR>प्रथमहिं जिन्ह कहुँ आयसु दीन्हा। तिन्ह कर चरित सुनहु जो कीन्हा।।<BR>देखत भीमरूप सब पापी। निसिचर निकर देव परितापी।।<BR>करहि उपद्रव असुर निकाया। नाना रूप धरहिं करि माया।।<BR>जेहि बिधि होइ धर्म निर्मूला। सो सब करहिं बेद प्रतिकूला।।<BR>जेहिं जेहिं देस धेनु द्विज पावहिं। नगर गाउँ पुर आगि लगावहिं।।<BR>सुभ आचरन कतहुँ नहिं होई। देव बिप्र गुरू मान न कोई।।<BR>नहिं हरिभगति जग्य तप ग्याना। सपनेहुँ सुनिअ न बेद पुराना।।<BR>छं0-जप जोग बिरागा तप मख भागा श्रवन सुनइ दससीसा।<BR>आपुनु उठि धावइ रहै न पावइ धरि सब घालइ खीसा।।<BR>अस भ्रष्ट अचारा भा संसारा धर्म सुनिअ नहि काना।<BR>तेहि बहुबिधि त्रासइ देस निकासइ जो कह बेद पुराना।।<BR>सो0-बरनि न जाइ अनीति घोर निसाचर जो करहिं।<BR>हिंसा पर अति प्रीति तिन्ह के पापहि कवनि मिति।।183।।<BR>मासपारायण, छठा विश्राम<BR>बाढ़े खल बहु चोर जुआरा। जे लंपट परधन परदारा।।<BR>मानहिं मातु पिता नहिं देवा। साधुन्ह सन करवावहिं सेवा।।<BR>जिन्ह के यह आचरन भवानी। ते जानेहु निसिचर सब प्रानी।।<BR>अतिसय देखि धर्म कै ग्लानी। परम सभीत धरा अकुलानी।।<BR>गिरि सरि सिंधु भार नहिं मोही। जस मोहि गरुअ एक परद्रोही।।<BR>सकल धर्म देखइ बिपरीता। कहि न सकइ रावन भय भीता।।<BR>धेनु रूप धरि हृदयँ बिचारी। गई तहाँ जहँ सुर मुनि झारी।।<BR>निज संताप सुनाएसि रोई। काहू तें कछु काज न होई।।<BR>छं0-सुर मुनि गंधर्बा मिलि करि सर्बा गे बिरंचि के लोका।<BR>सँग गोतनुधारी भूमि बिचारी परम बिकल भय सोका।।<BR>ब्रह्माँ सब जाना मन अनुमाना मोर कछू न बसाई।<BR>जा करि तैं दासी सो अबिनासी हमरेउ तोर सहाई।।<BR>सो0-धरनि धरहि मन धीर कह बिरंचि हरिपद सुमिरु।<BR>जानत जन की पीर प्रभु भंजिहि दारुन बिपति।।184।।<BR>बैठे सुर सब करहिं बिचारा। कहँ पाइअ प्रभु करिअ पुकारा।।<BR>पुर बैकुंठ जान कह कोई। कोउ कह पयनिधि बस प्रभु सोई।।<BR>जाके हृदयँ भगति जसि प्रीति। प्रभु तहँ प्रगट सदा तेहिं रीती।।<BR>तेहि समाज गिरिजा मैं रहेऊँ। अवसर पाइ बचन एक कहेऊँ।।<BR>हरि ब्यापक सर्बत्र समाना। प्रेम तें प्रगट होहिं मैं जाना।।<BR>देस काल दिसि बिदिसिहु माहीं। कहहु सो कहाँ जहाँ प्रभु नाहीं।।<BR>अग जगमय सब रहित बिरागी। प्रेम तें प्रभु प्रगटइ जिमि आगी।।<BR>मोर बचन सब के मन माना। साधु साधु करि ब्रह्म बखाना।।<BR>दो0-सुनि बिरंचि मन हरष तन पुलकि नयन बह नीर।<BR>अस्तुति करत जोरि कर सावधान मतिधीर।।185।।<BR>–*–*–<BR>छं0-जय जय सुरनायक जन सुखदायक प्रनतपाल भगवंता।<BR>गो द्विज हितकारी जय असुरारी सिधुंसुता प्रिय कंता।।</P> <P>पालन सुर धरनी अद्भुत करनी मरम न जानइ कोई।<BR>जो सहज कृपाला दीनदयाला करउ अनुग्रह सोई।।<BR>जय जय अबिनासी सब घट बासी ब्यापक परमानंदा।<BR>अबिगत गोतीतं चरित पुनीतं मायारहित मुकुंदा।।<BR>जेहि लागि बिरागी अति अनुरागी बिगतमोह मुनिबृंदा।<BR>निसि बासर ध्यावहिं गुन गन गावहिं जयति सच्चिदानंदा।।<BR>जेहिं सृष्टि उपाई त्रिबिध बनाई संग सहाय न दूजा।<BR>सो करउ अघारी चिंत हमारी जानिअ भगति न पूजा।।<BR>जो भव भय भंजन मुनि मन रंजन गंजन बिपति बरूथा।<BR>मन बच क्रम बानी छाड़ि सयानी सरन सकल सुर जूथा।।<BR>सारद श्रुति सेषा रिषय असेषा जा कहुँ कोउ नहि जाना।<BR>जेहि दीन पिआरे बेद पुकारे द्रवउ सो श्रीभगवाना।।<BR>भव बारिधि मंदर सब बिधि सुंदर गुनमंदिर सुखपुंजा।<BR>मुनि सिद्ध सकल सुर परम भयातुर नमत नाथ पद कंजा।।<BR>दो0-जानि सभय सुरभूमि सुनि बचन समेत सनेह।<BR>गगनगिरा गंभीर भइ हरनि सोक संदेह।।186।।<BR>–*–*–<BR>जनि डरपहु मुनि सिद्ध सुरेसा। तुम्हहि लागि धरिहउँ नर बेसा।।<BR>अंसन्ह सहित मनुज अवतारा। लेहउँ दिनकर बंस उदारा।।<BR>कस्यप अदिति महातप कीन्हा। तिन्ह कहुँ मैं पूरब बर दीन्हा।।<BR>ते दसरथ कौसल्या रूपा। कोसलपुरीं प्रगट नरभूपा।।<BR>तिन्ह के गृह अवतरिहउँ जाई। रघुकुल तिलक सो चारिउ भाई।।<BR>नारद बचन सत्य सब करिहउँ। परम सक्ति समेत अवतरिहउँ।।<BR>हरिहउँ सकल भूमि गरुआई। निर्भय होहु देव समुदाई।।<BR>गगन ब्रह्मबानी सुनी काना। तुरत फिरे सुर हृदय जुड़ाना।।<BR>तब ब्रह्मा धरनिहि समुझावा। अभय भई भरोस जियँ आवा।।<BR>दो0-निज लोकहि बिरंचि गे देवन्ह इहइ सिखाइ।<BR>बानर तनु धरि धरि महि हरि पद सेवहु जाइ।।187।।<BR>–*–*–<BR>गए देव सब निज निज धामा। भूमि सहित मन कहुँ बिश्रामा ।<BR>जो कछु आयसु ब्रह्माँ दीन्हा। हरषे देव बिलंब न कीन्हा।।<BR>बनचर देह धरि छिति माहीं। अतुलित बल प्रताप तिन्ह पाहीं।।<BR>गिरि तरु नख आयुध सब बीरा। हरि मारग चितवहिं मतिधीरा।।<BR>गिरि कानन जहँ तहँ भरि पूरी। रहे निज निज अनीक रचि रूरी।।<BR>यह सब रुचिर चरित मैं भाषा। अब सो सुनहु जो बीचहिं राखा।।<BR>अवधपुरीं रघुकुलमनि राऊ। बेद बिदित तेहि दसरथ नाऊँ।।<BR>धरम धुरंधर गुननिधि ग्यानी। हृदयँ भगति मति सारँगपानी।।<BR>दो0-कौसल्यादि नारि प्रिय सब आचरन पुनीत।<BR>पति अनुकूल प्रेम दृढ़ हरि पद कमल बिनीत।।188।।<BR>–*–*–<BR>एक बार भूपति मन माहीं। भै गलानि मोरें सुत नाहीं।।<BR>गुर गृह गयउ तुरत महिपाला। चरन लागि करि बिनय बिसाला।।<BR>निज दुख सुख सब गुरहि सुनायउ। कहि बसिष्ठ बहुबिधि समुझायउ।।<BR>धरहु धीर होइहहिं सुत चारी। त्रिभुवन बिदित भगत भय हारी।।<BR>सृंगी रिषहि बसिष्ठ बोलावा। पुत्रकाम सुभ जग्य करावा।।<BR>भगति सहित मुनि आहुति दीन्हें। प्रगटे अगिनि चरू कर लीन्हें।।<BR>जो बसिष्ठ कछु हृदयँ बिचारा। सकल काजु भा सिद्ध तुम्हारा।।<BR>यह हबि बाँटि देहु नृप जाई। जथा जोग जेहि भाग बनाई।।<BR>दो0-तब अदृस्य भए पावक सकल सभहि समुझाइ।।<BR>परमानंद मगन नृप हरष न हृदयँ समाइ।।189।।<BR>–*–*–<BR>तबहिं रायँ प्रिय नारि बोलाईं। कौसल्यादि तहाँ चलि आई।।<BR>अर्ध भाग कौसल्याहि दीन्हा। उभय भाग आधे कर कीन्हा।।<BR>कैकेई कहँ नृप सो दयऊ। रह्यो सो उभय भाग पुनि भयऊ।।<BR>कौसल्या कैकेई हाथ धरि। दीन्ह सुमित्रहि मन प्रसन्न करि।।<BR>एहि बिधि गर्भसहित सब नारी। भईं हृदयँ हरषित सुख भारी।।<BR>जा दिन तें हरि गर्भहिं आए। सकल लोक सुख संपति छाए।।<BR>मंदिर महँ सब राजहिं रानी। सोभा सील तेज की खानीं।।<BR>सुख जुत कछुक काल चलि गयऊ। जेहिं प्रभु प्रगट सो अवसर भयऊ।।<BR>दो0-जोग लगन ग्रह बार तिथि सकल भए अनुकूल।<BR>चर अरु अचर हर्षजुत राम जनम सुखमूल।।190।।<BR>–*–*–<BR>नौमी तिथि मधु मास पुनीता। सुकल पच्छ अभिजित हरिप्रीता।।<BR>मध्यदिवस अति सीत न घामा। पावन काल लोक बिश्रामा।।<BR>सीतल मंद सुरभि बह बाऊ। हरषित सुर संतन मन चाऊ।।<BR>बन कुसुमित गिरिगन मनिआरा। स्त्रवहिं सकल सरिताऽमृतधारा।।<BR>सो अवसर बिरंचि जब जाना। चले सकल सुर साजि बिमाना।।<BR>गगन बिमल सकुल सुर जूथा। गावहिं गुन गंधर्ब बरूथा।।<BR>बरषहिं सुमन सुअंजलि साजी। गहगहि गगन दुंदुभी बाजी।।<BR>अस्तुति करहिं नाग मुनि देवा। बहुबिधि लावहिं निज निज सेवा।।<BR>दो0-सुर समूह बिनती करि पहुँचे निज निज धाम।<BR>जगनिवास प्रभु प्रगटे अखिल लोक बिश्राम।।191।।<BR>–*–*–<BR>छं0-भए प्रगट कृपाला दीनदयाला कौसल्या हितकारी।<BR>हरषित महतारी मुनि मन हारी अद्भुत रूप बिचारी।।<BR>लोचन अभिरामा तनु घनस्यामा निज आयुध भुज चारी।<BR>भूषन बनमाला नयन बिसाला सोभासिंधु खरारी।।<BR>कह दुइ कर जोरी अस्तुति तोरी केहि बिधि करौं अनंता।<BR>माया गुन ग्यानातीत अमाना बेद पुरान भनंता।।<BR>करुना सुख सागर सब गुन आगर जेहि गावहिं श्रुति संता।<BR>सो मम हित लागी जन अनुरागी भयउ प्रगट श्रीकंता।।<BR>ब्रह्मांड निकाया निर्मित माया रोम रोम प्रति बेद कहै।<BR>मम उर सो बासी यह उपहासी सुनत धीर पति थिर न रहै।।<BR>उपजा जब ग्याना प्रभु मुसकाना चरित बहुत बिधि कीन्ह चहै।<BR>कहि कथा सुहाई मातु बुझाई जेहि प्रकार सुत प्रेम लहै।।<BR>माता पुनि बोली सो मति डौली तजहु तात यह रूपा।<BR>कीजै सिसुलीला अति प्रियसीला यह सुख परम अनूपा।।<BR>सुनि बचन सुजाना रोदन ठाना होइ बालक सुरभूपा।<BR>यह चरित जे गावहिं हरिपद पावहिं ते न परहिं भवकूपा।।<BR>दो0-बिप्र धेनु सुर संत हित लीन्ह मनुज अवतार।<BR>निज इच्छा निर्मित तनु माया गुन गो पार।।192।।<BR>–*–*–<BR>सुनि सिसु रुदन परम प्रिय बानी। संभ्रम चलि आई सब रानी।।<BR>हरषित जहँ तहँ धाईं दासी। आनँद मगन सकल पुरबासी।।<BR>दसरथ पुत्रजन्म सुनि काना। मानहुँ ब्रह्मानंद समाना।।<BR>परम प्रेम मन पुलक सरीरा। चाहत उठत करत मति धीरा।।<BR>जाकर नाम सुनत सुभ होई। मोरें गृह आवा प्रभु सोई।।<BR>परमानंद पूरि मन राजा। कहा बोलाइ बजावहु बाजा।।<BR>गुर बसिष्ठ कहँ गयउ हँकारा। आए द्विजन सहित नृपद्वारा।।<BR>अनुपम बालक देखेन्हि जाई। रूप रासि गुन कहि न सिराई।।<BR>दो0-नंदीमुख सराध करि जातकरम सब कीन्ह।<BR>हाटक धेनु बसन मनि नृप बिप्रन्ह कहँ दीन्ह।।193।।<BR>–*–*–<BR>ध्वज पताक तोरन पुर छावा। कहि न जाइ जेहि भाँति बनावा।।<BR>सुमनबृष्टि अकास तें होई। ब्रह्मानंद मगन सब लोई।।<BR>बृंद बृंद मिलि चलीं लोगाई। सहज संगार किएँ उठि धाई।।<BR>कनक कलस मंगल धरि थारा। गावत पैठहिं भूप दुआरा।।<BR>करि आरति नेवछावरि करहीं। बार बार सिसु चरनन्हि परहीं।।<BR>मागध सूत बंदिगन गायक। पावन गुन गावहिं रघुनायक।।<BR>सर्बस दान दीन्ह सब काहू। जेहिं पावा राखा नहिं ताहू।।<BR>मृगमद चंदन कुंकुम कीचा। मची सकल बीथिन्ह बिच बीचा।।<BR>दो0-गृह गृह बाज बधाव सुभ प्रगटे सुषमा कंद।<BR>हरषवंत सब जहँ तहँ नगर नारि नर बृंद।।194।।<BR>–*–*–<BR>कैकयसुता सुमित्रा दोऊ। सुंदर सुत जनमत भैं ओऊ।।<BR>वह सुख संपति समय समाजा। कहि न सकइ सारद अहिराजा।।<BR>अवधपुरी सोहइ एहि भाँती। प्रभुहि मिलन आई जनु राती।।<BR>देखि भानू जनु मन सकुचानी। तदपि बनी संध्या अनुमानी।।<BR>अगर धूप बहु जनु अँधिआरी। उड़इ अभीर मनहुँ अरुनारी।।<BR>मंदिर मनि समूह जनु तारा। नृप गृह कलस सो इंदु उदारा।।<BR>भवन बेदधुनि अति मृदु बानी। जनु खग मूखर समयँ जनु सानी।।<BR>कौतुक देखि पतंग भुलाना। एक मास तेइँ जात न जाना।।<BR>दो0-मास दिवस कर दिवस भा मरम न जानइ कोइ।<BR>रथ समेत रबि थाकेउ निसा कवन बिधि होइ।।195।।<BR>–*–*–<BR>यह रहस्य काहू नहिं जाना। दिन मनि चले करत गुनगाना।।<BR>देखि महोत्सव सुर मुनि नागा। चले भवन बरनत निज भागा।।<BR>औरउ एक कहउँ निज चोरी। सुनु गिरिजा अति दृढ़ मति तोरी।।<BR>काक भुसुंडि संग हम दोऊ। मनुजरूप जानइ नहिं कोऊ।।<BR>परमानंद प्रेमसुख फूले। बीथिन्ह फिरहिं मगन मन भूले।।<BR>यह सुभ चरित जान पै सोई। कृपा राम कै जापर होई।।<BR>तेहि अवसर जो जेहि बिधि आवा। दीन्ह भूप जो जेहि मन भावा।।<BR>गज रथ तुरग हेम गो हीरा। दीन्हे नृप नानाबिधि चीरा।।<BR>दो0-मन संतोषे सबन्हि के जहँ तहँ देहि असीस।<BR>सकल तनय चिर जीवहुँ तुलसिदास के ईस।।196।।<BR>–*–*– </P> <P>कछुक दिवस बीते एहि भाँती। जात न जानिअ दिन अरु राती।।<BR>नामकरन कर अवसरु जानी। भूप बोलि पठए मुनि ग्यानी।।<BR>करि पूजा भूपति अस भाषा। धरिअ नाम जो मुनि गुनि राखा।।<BR>इन्ह के नाम अनेक अनूपा। मैं नृप कहब स्वमति अनुरूपा।।<BR>जो आनंद सिंधु सुखरासी। सीकर तें त्रैलोक सुपासी।।<BR>सो सुख धाम राम अस नामा। अखिल लोक दायक बिश्रामा।।<BR>बिस्व भरन पोषन कर जोई। ताकर नाम भरत अस होई।।<BR>जाके सुमिरन तें रिपु नासा। नाम सत्रुहन बेद प्रकासा।।<BR>दो0-लच्छन धाम राम प्रिय सकल जगत आधार।<BR>गुरु बसिष्ट तेहि राखा लछिमन नाम उदार।।197।।<BR>–*–*–<BR>धरे नाम गुर हृदयँ बिचारी। बेद तत्व नृप तव सुत चारी।।<BR>मुनि धन जन सरबस सिव प्राना। बाल केलि तेहिं सुख माना।।<BR>बारेहि ते निज हित पति जानी। लछिमन राम चरन रति मानी।।<BR>भरत सत्रुहन दूनउ भाई। प्रभु सेवक जसि प्रीति बड़ाई।।<BR>स्याम गौर सुंदर दोउ जोरी। निरखहिं छबि जननीं तृन तोरी।।<BR>चारिउ सील रूप गुन धामा। तदपि अधिक सुखसागर रामा।।<BR>हृदयँ अनुग्रह इंदु प्रकासा। सूचत किरन मनोहर हासा।।<BR>कबहुँ उछंग कबहुँ बर पलना। मातु दुलारइ कहि प्रिय ललना।।<BR>दो0-ब्यापक ब्रह्म निरंजन निर्गुन बिगत बिनोद।<BR>सो अज प्रेम भगति बस कौसल्या के गोद।।198।।<BR>–*–*–<BR>काम कोटि छबि स्याम सरीरा। नील कंज बारिद गंभीरा।।<BR>अरुन चरन पकंज नख जोती। कमल दलन्हि बैठे जनु मोती।।<BR>रेख कुलिस धवज अंकुर सोहे। नूपुर धुनि सुनि मुनि मन मोहे।।<BR>कटि किंकिनी उदर त्रय रेखा। नाभि गभीर जान जेहि देखा।।<BR>भुज बिसाल भूषन जुत भूरी। हियँ हरि नख अति सोभा रूरी।।<BR>उर मनिहार पदिक की सोभा। बिप्र चरन देखत मन लोभा।।<BR>कंबु कंठ अति चिबुक सुहाई। आनन अमित मदन छबि छाई।।<BR>दुइ दुइ दसन अधर अरुनारे। नासा तिलक को बरनै पारे।।<BR>सुंदर श्रवन सुचारु कपोला। अति प्रिय मधुर तोतरे बोला।।<BR>चिक्कन कच कुंचित गभुआरे। बहु प्रकार रचि मातु सँवारे।।<BR>पीत झगुलिआ तनु पहिराई। जानु पानि बिचरनि मोहि भाई।।<BR>रूप सकहिं नहिं कहि श्रुति सेषा। सो जानइ सपनेहुँ जेहि देखा।।<BR>दो0-सुख संदोह मोहपर ग्यान गिरा गोतीत।<BR>दंपति परम प्रेम बस कर सिसुचरित पुनीत।।199।।<BR>–*–*–<BR>एहि बिधि राम जगत पितु माता। कोसलपुर बासिन्ह सुखदाता।।<BR>जिन्ह रघुनाथ चरन रति मानी। तिन्ह की यह गति प्रगट भवानी।।<BR>रघुपति बिमुख जतन कर कोरी। कवन सकइ भव बंधन छोरी।।<BR>जीव चराचर बस कै राखे। सो माया प्रभु सों भय भाखे।।<BR>भृकुटि बिलास नचावइ ताही। अस प्रभु छाड़ि भजिअ कहु काही।।<BR>मन क्रम बचन छाड़ि चतुराई। भजत कृपा करिहहिं रघुराई।।<BR>एहि बिधि सिसुबिनोद प्रभु कीन्हा। सकल नगरबासिन्ह सुख दीन्हा।।<BR>लै उछंग कबहुँक हलरावै। कबहुँ पालनें घालि झुलावै।।<BR>दो0-प्रेम मगन कौसल्या निसि दिन जात न जान।<BR>सुत सनेह बस माता बालचरित कर गान।।200।।<BR>–*–*–<BR>एक बार जननीं अन्हवाए। करि सिंगार पलनाँ पौढ़ाए।।</P> <P>निज कुल इष्टदेव भगवाना। पूजा हेतु कीन्ह अस्नाना।।<BR>करि पूजा नैबेद्य चढ़ावा। आपु गई जहँ पाक बनावा।।<BR>बहुरि मातु तहवाँ चलि आई। भोजन करत देख सुत जाई।।<BR>गै जननी सिसु पहिं भयभीता। देखा बाल तहाँ पुनि सूता।।<BR>बहुरि आइ देखा सुत सोई। हृदयँ कंप मन धीर न होई।।<BR>इहाँ उहाँ दुइ बालक देखा। मतिभ्रम मोर कि आन बिसेषा।।<BR>देखि राम जननी अकुलानी। प्रभु हँसि दीन्ह मधुर मुसुकानी।।<BR>दो0-देखरावा मातहि निज अदभुत रुप अखंड।<BR>रोम रोम प्रति लागे कोटि कोटि ब्रह्मंड।। 201।।<BR>–*–*–<BR>अगनित रबि ससि सिव चतुरानन। बहु गिरि सरित सिंधु महि कानन।।<BR>काल कर्म गुन ग्यान सुभाऊ। सोउ देखा जो सुना न काऊ।।<BR>देखी माया सब बिधि गाढ़ी। अति सभीत जोरें कर ठाढ़ी।।<BR>देखा जीव नचावइ जाही। देखी भगति जो छोरइ ताही।।<BR>तन पुलकित मुख बचन न आवा। नयन मूदि चरननि सिरु नावा।।<BR>बिसमयवंत देखि महतारी। भए बहुरि सिसुरूप खरारी।।<BR>अस्तुति करि न जाइ भय माना। जगत पिता मैं सुत करि जाना।।<BR>हरि जननि बहुबिधि समुझाई। यह जनि कतहुँ कहसि सुनु माई।।<BR>दो0-बार बार कौसल्या बिनय करइ कर जोरि।।<BR>अब जनि कबहूँ ब्यापै प्रभु मोहि माया तोरि।। 202।।<BR>–*–*–<BR>बालचरित हरि बहुबिधि कीन्हा। अति अनंद दासन्ह कहँ दीन्हा।।<BR>कछुक काल बीतें सब भाई। बड़े भए परिजन सुखदाई।।<BR>चूड़ाकरन कीन्ह गुरु जाई। बिप्रन्ह पुनि दछिना बहु पाई।।<BR>परम मनोहर चरित अपारा। करत फिरत चारिउ सुकुमारा।।<BR>मन क्रम बचन अगोचर जोई। दसरथ अजिर बिचर प्रभु सोई।।<BR>भोजन करत बोल जब राजा। नहिं आवत तजि बाल समाजा।।<BR>कौसल्या जब बोलन जाई। ठुमकु ठुमकु प्रभु चलहिं पराई।।<BR>निगम नेति सिव अंत न पावा। ताहि धरै जननी हठि धावा।।<BR>धूरस धूरि भरें तनु आए। भूपति बिहसि गोद बैठाए।।<BR>दो0-भोजन करत चपल चित इत उत अवसरु पाइ।<BR>भाजि चले किलकत मुख दधि ओदन लपटाइ।।203।।<BR>–*–*–<BR>बालचरित अति सरल सुहाए। सारद सेष संभु श्रुति गाए।।<BR>जिन कर मन इन्ह सन नहिं राता। ते जन बंचित किए बिधाता।।<BR>भए कुमार जबहिं सब भ्राता। दीन्ह जनेऊ गुरु पितु माता।।<BR>गुरगृहँ गए पढ़न रघुराई। अलप काल बिद्या सब आई।।<BR>जाकी सहज स्वास श्रुति चारी। सो हरि पढ़ यह कौतुक भारी।।<BR>बिद्या बिनय निपुन गुन सीला। खेलहिं खेल सकल नृपलीला।।<BR>करतल बान धनुष अति सोहा। देखत रूप चराचर मोहा।।<BR>जिन्ह बीथिन्ह बिहरहिं सब भाई। थकित होहिं सब लोग लुगाई।।<BR>दो0- कोसलपुर बासी नर नारि बृद्ध अरु बाल।<BR>प्रानहु ते प्रिय लागत सब कहुँ राम कृपाल।।204।।<BR>–*–*–<BR>बंधु सखा संग लेहिं बोलाई। बन मृगया नित खेलहिं जाई।।<BR>पावन मृग मारहिं जियँ जानी। दिन प्रति नृपहि देखावहिं आनी।।<BR>जे मृग राम बान के मारे। ते तनु तजि सुरलोक सिधारे।।<BR>अनुज सखा सँग भोजन करहीं। मातु पिता अग्या अनुसरहीं।।<BR>जेहि बिधि सुखी होहिं पुर लोगा। करहिं कृपानिधि सोइ संजोगा।।<BR>बेद पुरान सुनहिं मन लाई। आपु कहहिं अनुजन्ह समुझाई।।<BR>प्रातकाल उठि कै रघुनाथा। मातु पिता गुरु नावहिं माथा।।<BR>आयसु मागि करहिं पुर काजा। देखि चरित हरषइ मन राजा।।<BR>दो0-ब्यापक अकल अनीह अज निर्गुन नाम न रूप।<BR>भगत हेतु नाना बिधि करत चरित्र अनूप।।205।।<BR>–*–*–<BR>यह सब चरित कहा मैं गाई। आगिलि कथा सुनहु मन लाई।।<BR>बिस्वामित्र महामुनि ग्यानी। बसहि बिपिन सुभ आश्रम जानी।।<BR>जहँ जप जग्य मुनि करही। अति मारीच सुबाहुहि डरहीं।।<BR>देखत जग्य निसाचर धावहि। करहि उपद्रव मुनि दुख पावहिं।।<BR>गाधितनय मन चिंता ब्यापी। हरि बिनु मरहि न निसिचर पापी।।<BR>तब मुनिवर मन कीन्ह बिचारा। प्रभु अवतरेउ हरन महि भारा।।<BR>एहुँ मिस देखौं पद जाई। करि बिनती आनौ दोउ भाई।।<BR>ग्यान बिराग सकल गुन अयना। सो प्रभु मै देखब भरि नयना।।<BR>दो0-बहुबिधि करत मनोरथ जात लागि नहिं बार।<BR>करि मज्जन सरऊ जल गए भूप दरबार।।206।।<BR>–*–*–<BR>मुनि आगमन सुना जब राजा। मिलन गयऊ लै बिप्र समाजा।।<BR>करि दंडवत मुनिहि सनमानी। निज आसन बैठारेन्हि आनी।।<BR>चरन पखारि कीन्हि अति पूजा। मो सम आजु धन्य नहिं दूजा।।<BR>बिबिध भाँति भोजन करवावा। मुनिवर हृदयँ हरष अति पावा।।<BR>पुनि चरननि मेले सुत चारी। राम देखि मुनि देह बिसारी।।<BR>भए मगन देखत मुख सोभा। जनु चकोर पूरन ससि लोभा।।<BR>तब मन हरषि बचन कह राऊ। मुनि अस कृपा न कीन्हिहु काऊ।।<BR>केहि कारन आगमन तुम्हारा। कहहु सो करत न लावउँ बारा।।<BR>असुर समूह सतावहिं मोही। मै जाचन आयउँ नृप तोही।।<BR>अनुज समेत देहु रघुनाथा। निसिचर बध मैं होब सनाथा।।<BR>दो0-देहु भूप मन हरषित तजहु मोह अग्यान।<BR>धर्म सुजस प्रभु तुम्ह कौं इन्ह कहँ अति कल्यान।।207।।<BR>–*–*–<BR>सुनि राजा अति अप्रिय बानी। हृदय कंप मुख दुति कुमुलानी।।<BR>चौथेंपन पायउँ सुत चारी। बिप्र बचन नहिं कहेहु बिचारी।।<BR>मागहु भूमि धेनु धन कोसा। सर्बस देउँ आजु सहरोसा।।<BR>देह प्रान तें प्रिय कछु नाही। सोउ मुनि देउँ निमिष एक माही।।<BR>सब सुत प्रिय मोहि प्रान कि नाईं। राम देत नहिं बनइ गोसाई।।<BR>कहँ निसिचर अति घोर कठोरा। कहँ सुंदर सुत परम किसोरा।।<BR>सुनि नृप गिरा प्रेम रस सानी। हृदयँ हरष माना मुनि ग्यानी।।<BR>तब बसिष्ट बहु निधि समुझावा। नृप संदेह नास कहँ पावा।।<BR>अति आदर दोउ तनय बोलाए। हृदयँ लाइ बहु भाँति सिखाए।।<BR>मेरे प्रान नाथ सुत दोऊ। तुम्ह मुनि पिता आन नहिं कोऊ।।<BR>दो0-सौंपे भूप रिषिहि सुत बहु बिधि देइ असीस।<BR>जननी भवन गए प्रभु चले नाइ पद सीस।।208(क)।।<BR>सो0-पुरुषसिंह दोउ बीर हरषि चले मुनि भय हरन।।<BR>कृपासिंधु मतिधीर अखिल बिस्व कारन करन।।208(ख)<BR>–*–*–<BR>अरुन नयन उर बाहु बिसाला। नील जलज तनु स्याम तमाला।।<BR>कटि पट पीत कसें बर भाथा। रुचिर चाप सायक दुहुँ हाथा।।<BR>स्याम गौर सुंदर दोउ भाई। बिस्बामित्र महानिधि पाई।।<BR>प्रभु ब्रह्मन्यदेव मै जाना। मोहि निति पिता तजेहु भगवाना।।<BR>चले जात मुनि दीन्हि दिखाई। सुनि ताड़का क्रोध करि धाई।।<BR>एकहिं बान प्रान हरि लीन्हा। दीन जानि तेहि निज पद दीन्हा।।<BR>तब रिषि निज नाथहि जियँ चीन्ही। बिद्यानिधि कहुँ बिद्या दीन्ही।।<BR>जाते लाग न छुधा पिपासा। अतुलित बल तनु तेज प्रकासा।।<BR>दो0-आयुष सब समर्पि कै प्रभु निज आश्रम आनि।<BR>कंद मूल फल भोजन दीन्ह भगति हित जानि।।209।।<BR>–*–*–<BR>प्रात कहा मुनि सन रघुराई। निर्भय जग्य करहु तुम्ह जाई।।<BR>होम करन लागे मुनि झारी। आपु रहे मख कीं रखवारी।।<BR>सुनि मारीच निसाचर क्रोही। लै सहाय धावा मुनिद्रोही।।<BR>बिनु फर बान राम तेहि मारा। सत जोजन गा सागर पारा।।<BR>पावक सर सुबाहु पुनि मारा। अनुज निसाचर कटकु सँघारा।।<BR>मारि असुर द्विज निर्मयकारी। अस्तुति करहिं देव मुनि झारी।।<BR>तहँ पुनि कछुक दिवस रघुराया। रहे कीन्हि बिप्रन्ह पर दाया।।<BR>भगति हेतु बहु कथा पुराना। कहे बिप्र जद्यपि प्रभु जाना।।<BR>तब मुनि सादर कहा बुझाई। चरित एक प्रभु देखिअ जाई।।<BR>धनुषजग्य मुनि रघुकुल नाथा। हरषि चले मुनिबर के साथा।।<BR>आश्रम एक दीख मग माहीं। खग मृग जीव जंतु तहँ नाहीं।।<BR>पूछा मुनिहि सिला प्रभु देखी। सकल कथा मुनि कहा बिसेषी।।<BR>दो0-गौतम नारि श्राप बस उपल देह धरि धीर।<BR>चरन कमल रज चाहति कृपा करहु रघुबीर।।210।।<BR>–*–*–<BR>छं0-परसत पद पावन सोक नसावन प्रगट भई तपपुंज सही।<BR>देखत रघुनायक जन सुख दायक सनमुख होइ कर जोरि रही।।<BR>अति प्रेम अधीरा पुलक सरीरा मुख नहिं आवइ बचन कही।<BR>अतिसय बड़भागी चरनन्हि लागी जुगल नयन जलधार बही।।<BR>धीरजु मन कीन्हा प्रभु कहुँ चीन्हा रघुपति कृपाँ भगति पाई।<BR>अति निर्मल बानीं अस्तुति ठानी ग्यानगम्य जय रघुराई।।<BR>मै नारि अपावन प्रभु जग पावन रावन रिपु जन सुखदाई।<BR>राजीव बिलोचन भव भय मोचन पाहि पाहि सरनहिं आई।।<BR>मुनि श्राप जो दीन्हा अति भल कीन्हा परम अनुग्रह मैं माना।<BR>देखेउँ भरि लोचन हरि भवमोचन इहइ लाभ संकर जाना।।<BR>बिनती प्रभु मोरी मैं मति भोरी नाथ न मागउँ बर आना।<BR>पद कमल परागा रस अनुरागा मम मन मधुप करै पाना।।<BR>जेहिं पद सुरसरिता परम पुनीता प्रगट भई सिव सीस धरी।<BR>सोइ पद पंकज जेहि पूजत अज मम सिर धरेउ कृपाल हरी।।<BR>एहि भाँति सिधारी गौतम नारी बार बार हरि चरन परी।<BR>जो अति मन भावा सो बरु पावा गै पतिलोक अनंद भरी।।<BR>दो0-अस प्रभु दीनबंधु हरि कारन रहित दयाल।<BR>तुलसिदास सठ तेहि भजु छाड़ि कपट जंजाल।।211।।<BR>मासपारायण, सातवाँ विश्राम<BR>–*–*–<BR>चले राम लछिमन मुनि संगा। गए जहाँ जग पावनि गंगा।।<BR>गाधिसूनु सब कथा सुनाई। जेहि प्रकार सुरसरि महि आई।।<BR>तब प्रभु रिषिन्ह समेत नहाए। बिबिध दान महिदेवन्हि पाए।।<BR>हरषि चले मुनि बृंद सहाया। बेगि बिदेह नगर निअराया।।<BR>पुर रम्यता राम जब देखी। हरषे अनुज समेत बिसेषी।।<BR>बापीं कूप सरित सर नाना। सलिल सुधासम मनि सोपाना।।<BR>गुंजत मंजु मत्त रस भृंगा। कूजत कल बहुबरन बिहंगा।।<BR>बरन बरन बिकसे बन जाता। त्रिबिध समीर सदा सुखदाता।।<BR>दो0-सुमन बाटिका बाग बन बिपुल बिहंग निवास।<BR>फूलत फलत सुपल्लवत सोहत पुर चहुँ पास।।212।।<BR>–*–*–<BR>बनइ न बरनत नगर निकाई। जहाँ जाइ मन तहँइँ लोभाई।।<BR>चारु बजारु बिचित्र अँबारी। मनिमय बिधि जनु स्वकर सँवारी।।<BR>धनिक बनिक बर धनद समाना। बैठ सकल बस्तु लै नाना।।<BR>चौहट सुंदर गलीं सुहाई। संतत रहहिं सुगंध सिंचाई।।<BR>मंगलमय मंदिर सब केरें। चित्रित जनु रतिनाथ चितेरें।।<BR>पुर नर नारि सुभग सुचि संता। धरमसील ग्यानी गुनवंता।।<BR>अति अनूप जहँ जनक निवासू। बिथकहिं बिबुध बिलोकि बिलासू।।<BR>होत चकित चित कोट बिलोकी। सकल भुवन सोभा जनु रोकी।।<BR>दो0-धवल धाम मनि पुरट पट सुघटित नाना भाँति।<BR>सिय निवास सुंदर सदन सोभा किमि कहि जाति।।213।।<BR>–*–*–<BR>सुभग द्वार सब कुलिस कपाटा। भूप भीर नट मागध भाटा।।<BR>बनी बिसाल बाजि गज साला। हय गय रथ संकुल सब काला।।<BR>सूर सचिव सेनप बहुतेरे। नृपगृह सरिस सदन सब केरे।।<BR>पुर बाहेर सर सारित समीपा। उतरे जहँ तहँ बिपुल महीपा।।<BR>देखि अनूप एक अँवराई। सब सुपास सब भाँति सुहाई।।<BR>कौसिक कहेउ मोर मनु माना। इहाँ रहिअ रघुबीर सुजाना।।<BR>भलेहिं नाथ कहि कृपानिकेता। उतरे तहँ मुनिबृंद समेता।।<BR>बिस्वामित्र महामुनि आए। समाचार मिथिलापति पाए।।<BR>दो0-संग सचिव सुचि भूरि भट भूसुर बर गुर ग्याति।<BR>चले मिलन मुनिनायकहि मुदित राउ एहि भाँति।।214।।<BR>–*–*–<BR>कीन्ह प्रनामु चरन धरि माथा। दीन्हि असीस मुदित मुनिनाथा।।<BR>बिप्रबृंद सब सादर बंदे। जानि भाग्य बड़ राउ अनंदे।।<BR>कुसल प्रस्न कहि बारहिं बारा। बिस्वामित्र नृपहि बैठारा।।<BR>तेहि अवसर आए दोउ भाई। गए रहे देखन फुलवाई।।<BR>स्याम गौर मृदु बयस किसोरा। लोचन सुखद बिस्व चित चोरा।।<BR>उठे सकल जब रघुपति आए। बिस्वामित्र निकट बैठाए।।<BR>भए सब सुखी देखि दोउ भ्राता। बारि बिलोचन पुलकित गाता।।<BR>मूरति मधुर मनोहर देखी। भयउ बिदेहु बिदेहु बिसेषी।।<BR>दो0-प्रेम मगन मनु जानि नृपु करि बिबेकु धरि धीर।<BR>बोलेउ मुनि पद नाइ सिरु गदगद गिरा गभीर।।215।।<BR>–*–*–<BR>कहहु नाथ सुंदर दोउ बालक। मुनिकुल तिलक कि नृपकुल पालक।।<BR>ब्रह्म जो निगम नेति कहि गावा। उभय बेष धरि की सोइ आवा।।<BR>सहज बिरागरुप मनु मोरा। थकित होत जिमि चंद चकोरा।।<BR>ताते प्रभु पूछउँ सतिभाऊ। कहहु नाथ जनि करहु दुराऊ।।<BR>इन्हहि बिलोकत अति अनुरागा। बरबस ब्रह्मसुखहि मन त्यागा।।<BR>कह मुनि बिहसि कहेहु नृप नीका। बचन तुम्हार न होइ अलीका।।<BR>ए प्रिय सबहि जहाँ लगि प्रानी। मन मुसुकाहिं रामु सुनि बानी।।<BR>रघुकुल मनि दसरथ के जाए। मम हित लागि नरेस पठाए।।<BR>दो0-रामु लखनु दोउ बंधुबर रूप सील बल धाम।<BR>मख राखेउ सबु साखि जगु जिते असुर संग्राम।।216।।<BR>–*–*– </P> <P>मुनि तव चरन देखि कह राऊ। कहि न सकउँ निज पुन्य प्राभाऊ।।<BR>सुंदर स्याम गौर दोउ भ्राता। आनँदहू के आनँद दाता।।<BR>इन्ह कै प्रीति परसपर पावनि। कहि न जाइ मन भाव सुहावनि।।<BR>सुनहु नाथ कह मुदित बिदेहू। ब्रह्म जीव इव सहज सनेहू।।<BR>पुनि पुनि प्रभुहि चितव नरनाहू। पुलक गात उर अधिक उछाहू।।<BR>म्रुनिहि प्रसंसि नाइ पद सीसू। चलेउ लवाइ नगर अवनीसू।।<BR>सुंदर सदनु सुखद सब काला। तहाँ बासु लै दीन्ह भुआला।।<BR>करि पूजा सब बिधि सेवकाई। गयउ राउ गृह बिदा कराई।।<BR>दो0-रिषय संग रघुबंस मनि करि भोजनु बिश्रामु।<BR>बैठे प्रभु भ्राता सहित दिवसु रहा भरि जामु।।217।।<BR>–*–*–<BR>लखन हृदयँ लालसा बिसेषी। जाइ जनकपुर आइअ देखी।।<BR>प्रभु भय बहुरि मुनिहि सकुचाहीं। प्रगट न कहहिं मनहिं मुसुकाहीं।।<BR>राम अनुज मन की गति जानी। भगत बछलता हिंयँ हुलसानी।।<BR>परम बिनीत सकुचि मुसुकाई। बोले गुर अनुसासन पाई।।<BR>नाथ लखनु पुरु देखन चहहीं। प्रभु सकोच डर प्रगट न कहहीं।।<BR>जौं राउर आयसु मैं पावौं। नगर देखाइ तुरत लै आवौ।।<BR>सुनि मुनीसु कह बचन सप्रीती। कस न राम तुम्ह राखहु नीती।।<BR>धरम सेतु पालक तुम्ह ताता। प्रेम बिबस सेवक सुखदाता।।<BR>दो0-जाइ देखी आवहु नगरु सुख निधान दोउ भाइ।<BR>करहु सुफल सब के नयन सुंदर बदन देखाइ।।218।।<BR>मासपारायण, आठवाँ विश्राम<BR>नवान्हपारायण, दूसरा विश्राम<BR>–*–*–<BR>मुनि पद कमल बंदि दोउ भ्राता। चले लोक लोचन सुख दाता।।<BR>बालक बृंदि देखि अति सोभा। लगे संग लोचन मनु लोभा।।<BR>पीत बसन परिकर कटि भाथा। चारु चाप सर सोहत हाथा।।<BR>तन अनुहरत सुचंदन खोरी। स्यामल गौर मनोहर जोरी।।<BR>केहरि कंधर बाहु बिसाला। उर अति रुचिर नागमनि माला।।<BR>सुभग सोन सरसीरुह लोचन। बदन मयंक तापत्रय मोचन।।<BR>कानन्हि कनक फूल छबि देहीं। चितवत चितहि चोरि जनु लेहीं।।<BR>चितवनि चारु भृकुटि बर बाँकी। तिलक रेखा सोभा जनु चाँकी।।<BR>दो0-रुचिर चौतनीं सुभग सिर मेचक कुंचित केस।<BR>नख सिख सुंदर बंधु दोउ सोभा सकल सुदेस।।219।।<BR>–*–*–<BR>देखन नगरु भूपसुत आए। समाचार पुरबासिन्ह पाए।।<BR>धाए धाम काम सब त्यागी। मनहु रंक निधि लूटन लागी।।<BR>निरखि सहज सुंदर दोउ भाई। होहिं सुखी लोचन फल पाई।।<BR>जुबतीं भवन झरोखन्हि लागीं। निरखहिं राम रूप अनुरागीं।।<BR>कहहिं परसपर बचन सप्रीती। सखि इन्ह कोटि काम छबि जीती।।<BR>सुर नर असुर नाग मुनि माहीं। सोभा असि कहुँ सुनिअति नाहीं।।<BR>बिष्नु चारि भुज बिघि मुख चारी। बिकट बेष मुख पंच पुरारी।।<BR>अपर देउ अस कोउ न आही। यह छबि सखि पटतरिअ जाही।।<BR>दो0-बय किसोर सुषमा सदन स्याम गौर सुख घाम ।<BR>अंग अंग पर वारिअहिं कोटि कोटि सत काम।।220।।<BR>–*–*–<BR>कहहु सखी अस को तनुधारी। जो न मोह यह रूप निहारी।।<BR>कोउ सप्रेम बोली मृदु बानी। जो मैं सुना सो सुनहु सयानी।।<BR>ए दोऊ दसरथ के ढोटा। बाल मरालन्हि के कल जोटा।।<BR>मुनि कौसिक मख के रखवारे। जिन्ह रन अजिर निसाचर मारे।।<BR>स्याम गात कल कंज बिलोचन। जो मारीच सुभुज मदु मोचन।।<BR>कौसल्या सुत सो सुख खानी। नामु रामु धनु सायक पानी।।<BR>गौर किसोर बेषु बर काछें। कर सर चाप राम के पाछें।।<BR>लछिमनु नामु राम लघु भ्राता। सुनु सखि तासु सुमित्रा माता।।<BR>दो0-बिप्रकाजु करि बंधु दोउ मग मुनिबधू उधारि।<BR>आए देखन चापमख सुनि हरषीं सब नारि।।221।।<BR>–*–*–<BR>देखि राम छबि कोउ एक कहई। जोगु जानकिहि यह बरु अहई।।<BR>जौ सखि इन्हहि देख नरनाहू। पन परिहरि हठि करइ बिबाहू।।<BR>कोउ कह ए भूपति पहिचाने। मुनि समेत सादर सनमाने।।<BR>सखि परंतु पनु राउ न तजई। बिधि बस हठि अबिबेकहि भजई।।<BR>कोउ कह जौं भल अहइ बिधाता। सब कहँ सुनिअ उचित फलदाता।।<BR>तौ जानकिहि मिलिहि बरु एहू। नाहिन आलि इहाँ संदेहू।।<BR>जौ बिधि बस अस बनै सँजोगू। तौ कृतकृत्य होइ सब लोगू।।<BR>सखि हमरें आरति अति तातें। कबहुँक ए आवहिं एहि नातें।।<BR>दो0-नाहिं त हम कहुँ सुनहु सखि इन्ह कर दरसनु दूरि।<BR>यह संघटु तब होइ जब पुन्य पुराकृत भूरि।।222।।<BR>–*–*–<BR>बोली अपर कहेहु सखि नीका। एहिं बिआह अति हित सबहीं का।।<BR>कोउ कह संकर चाप कठोरा। ए स्यामल मृदुगात किसोरा।।<BR>सबु असमंजस अहइ सयानी। यह सुनि अपर कहइ मृदु बानी।।<BR>सखि इन्ह कहँ कोउ कोउ अस कहहीं। बड़ प्रभाउ देखत लघु अहहीं।।<BR>परसि जासु पद पंकज धूरी। तरी अहल्या कृत अघ भूरी।।<BR>सो कि रहिहि बिनु सिवधनु तोरें। यह प्रतीति परिहरिअ न भोरें।।<BR>जेहिं बिरंचि रचि सीय सँवारी। तेहिं स्यामल बरु रचेउ बिचारी।।<BR>तासु बचन सुनि सब हरषानीं। ऐसेइ होउ कहहिं मुदु बानी।।<BR>दो0-हियँ हरषहिं बरषहिं सुमन सुमुखि सुलोचनि बृंद।<BR>जाहिं जहाँ जहँ बंधु दोउ तहँ तहँ परमानंद।।223।।<BR>–*–*–<BR>पुर पूरब दिसि गे दोउ भाई। जहँ धनुमख हित भूमि बनाई।।<BR>अति बिस्तार चारु गच ढारी। बिमल बेदिका रुचिर सँवारी।।<BR>चहुँ दिसि कंचन मंच बिसाला। रचे जहाँ बेठहिं महिपाला।।<BR>तेहि पाछें समीप चहुँ पासा। अपर मंच मंडली बिलासा।।<BR>कछुक ऊँचि सब भाँति सुहाई। बैठहिं नगर लोग जहँ जाई।।<BR>तिन्ह के निकट बिसाल सुहाए। धवल धाम बहुबरन बनाए।।<BR>जहँ बैंठैं देखहिं सब नारी। जथा जोगु निज कुल अनुहारी।।<BR>पुर बालक कहि कहि मृदु बचना। सादर प्रभुहि देखावहिं रचना।।<BR>दो0-सब सिसु एहि मिस प्रेमबस परसि मनोहर गात।<BR>तन पुलकहिं अति हरषु हियँ देखि देखि दोउ भ्रात।।224।।<BR>–*–*–<BR>सिसु सब राम प्रेमबस जाने। प्रीति समेत निकेत बखाने।।<BR>निज निज रुचि सब लेंहिं बोलाई। सहित सनेह जाहिं दोउ भाई।।<BR>राम देखावहिं अनुजहि रचना। कहि मृदु मधुर मनोहर बचना।।<BR>लव निमेष महँ भुवन निकाया। रचइ जासु अनुसासन माया।।<BR>भगति हेतु सोइ दीनदयाला। चितवत चकित धनुष मखसाला।।<BR>कौतुक देखि चले गुरु पाहीं। जानि बिलंबु त्रास मन माहीं।।<BR>जासु त्रास डर कहुँ डर होई। भजन प्रभाउ देखावत सोई।।<BR>कहि बातें मृदु मधुर सुहाईं। किए बिदा बालक बरिआई।।<BR>दो0-सभय सप्रेम बिनीत अति सकुच सहित दोउ भाइ।<BR>गुर पद पंकज नाइ सिर बैठे आयसु पाइ।।225।।<BR>–*–*–<BR>निसि प्रबेस मुनि आयसु दीन्हा। सबहीं संध्याबंदनु कीन्हा।।<BR>कहत कथा इतिहास पुरानी। रुचिर रजनि जुग जाम सिरानी।।<BR>मुनिबर सयन कीन्हि तब जाई। लगे चरन चापन दोउ भाई।।<BR>जिन्ह के चरन सरोरुह लागी। करत बिबिध जप जोग बिरागी।।<BR>तेइ दोउ बंधु प्रेम जनु जीते। गुर पद कमल पलोटत प्रीते।।<BR>बारबार मुनि अग्या दीन्ही। रघुबर जाइ सयन तब कीन्ही।।<BR>चापत चरन लखनु उर लाएँ। सभय सप्रेम परम सचु पाएँ।।<BR>पुनि पुनि प्रभु कह सोवहु ताता। पौढ़े धरि उर पद जलजाता।।<BR>दो0-उठे लखन निसि बिगत सुनि अरुनसिखा धुनि कान।।<BR>गुर तें पहिलेहिं जगतपति जागे रामु सुजान।।226।।<BR>–*–*–<BR>सकल सौच करि जाइ नहाए। नित्य निबाहि मुनिहि सिर नाए।।<BR>समय जानि गुर आयसु पाई। लेन प्रसून चले दोउ भाई।।<BR>भूप बागु बर देखेउ जाई। जहँ बसंत रितु रही लोभाई।।<BR>लागे बिटप मनोहर नाना। बरन बरन बर बेलि बिताना।।<BR>नव पल्लव फल सुमान सुहाए। निज संपति सुर रूख लजाए।।<BR>चातक कोकिल कीर चकोरा। कूजत बिहग नटत कल मोरा।।<BR>मध्य बाग सरु सोह सुहावा। मनि सोपान बिचित्र बनावा।।<BR>बिमल सलिलु सरसिज बहुरंगा। जलखग कूजत गुंजत भृंगा।।<BR>दो0-बागु तड़ागु बिलोकि प्रभु हरषे बंधु समेत।<BR>परम रम्य आरामु यहु जो रामहि सुख देत।।227।।<BR>–*–*–<BR>चहुँ दिसि चितइ पूँछि मालिगन। लगे लेन दल फूल मुदित मन।।<BR>तेहि अवसर सीता तहँ आई। गिरिजा पूजन जननि पठाई।।<BR>संग सखीं सब सुभग सयानी। गावहिं गीत मनोहर बानी।।<BR>सर समीप गिरिजा गृह सोहा। बरनि न जाइ देखि मनु मोहा।।<BR>मज्जनु करि सर सखिन्ह समेता। गई मुदित मन गौरि निकेता।।<BR>पूजा कीन्हि अधिक अनुरागा। निज अनुरूप सुभग बरु मागा।।<BR>एक सखी सिय संगु बिहाई। गई रही देखन फुलवाई।।<BR>तेहि दोउ बंधु बिलोके जाई। प्रेम बिबस सीता पहिं आई।।<BR>दो0-तासु दसा देखि सखिन्ह पुलक गात जलु नैन।<BR>कहु कारनु निज हरष कर पूछहि सब मृदु बैन।।228।।<BR>–*–*–<BR>देखन बागु कुअँर दुइ आए। बय किसोर सब भाँति सुहाए।।<BR>स्याम गौर किमि कहौं बखानी। गिरा अनयन नयन बिनु बानी।।<BR>सुनि हरषीँ सब सखीं सयानी। सिय हियँ अति उतकंठा जानी।।<BR>एक कहइ नृपसुत तेइ आली। सुने जे मुनि सँग आए काली।।<BR>जिन्ह निज रूप मोहनी डारी। कीन्ह स्वबस नगर नर नारी।।<BR>बरनत छबि जहँ तहँ सब लोगू। अवसि देखिअहिं देखन जोगू।।<BR>तासु वचन अति सियहि सुहाने। दरस लागि लोचन अकुलाने।।<BR>चली अग्र करि प्रिय सखि सोई। प्रीति पुरातन लखइ न कोई।।<BR>दो0-सुमिरि सीय नारद बचन उपजी प्रीति पुनीत।।<BR>चकित बिलोकति सकल दिसि जनु सिसु मृगी सभीत।।229।।<BR>–*–*–<BR>कंकन किंकिनि नूपुर धुनि सुनि। कहत लखन सन रामु हृदयँ गुनि।।<BR>मानहुँ मदन दुंदुभी दीन्ही।।मनसा बिस्व बिजय कहँ कीन्ही।।<BR>अस कहि फिरि चितए तेहि ओरा। सिय मुख ससि भए नयन चकोरा।।<BR>भए बिलोचन चारु अचंचल। मनहुँ सकुचि निमि तजे दिगंचल।।<BR>देखि सीय सोभा सुखु पावा। हृदयँ सराहत बचनु न आवा।।<BR>जनु बिरंचि सब निज निपुनाई। बिरचि बिस्व कहँ प्रगटि देखाई।।<BR>सुंदरता कहुँ सुंदर करई। छबिगृहँ दीपसिखा जनु बरई।।<BR>सब उपमा कबि रहे जुठारी। केहिं पटतरौं बिदेहकुमारी।।<BR>दो0-सिय सोभा हियँ बरनि प्रभु आपनि दसा बिचारि।<BR>बोले सुचि मन अनुज सन बचन समय अनुहारि।।230।।<BR>–*–*–<BR>तात जनकतनया यह सोई। धनुषजग्य जेहि कारन होई।।<BR>पूजन गौरि सखीं लै आई। करत प्रकासु फिरइ फुलवाई।।<BR>जासु बिलोकि अलोकिक सोभा। सहज पुनीत मोर मनु छोभा।।<BR>सो सबु कारन जान बिधाता। फरकहिं सुभद अंग सुनु भ्राता।।<BR>रघुबंसिन्ह कर सहज सुभाऊ। मनु कुपंथ पगु धरइ न काऊ।।<BR>मोहि अतिसय प्रतीति मन केरी। जेहिं सपनेहुँ परनारि न हेरी।।<BR>जिन्ह कै लहहिं न रिपु रन पीठी। नहिं पावहिं परतिय मनु डीठी।।<BR>मंगन लहहि न जिन्ह कै नाहीं। ते नरबर थोरे जग माहीं।।<BR>दो0-करत बतकहि अनुज सन मन सिय रूप लोभान।<BR>मुख सरोज मकरंद छबि करइ मधुप इव पान।।231।।<BR>–*–*–<BR>चितवहि चकित चहूँ दिसि सीता। कहँ गए नृपकिसोर मनु चिंता।।<BR>जहँ बिलोक मृग सावक नैनी। जनु तहँ बरिस कमल सित श्रेनी।।<BR>लता ओट तब सखिन्ह लखाए। स्यामल गौर किसोर सुहाए।।<BR>देखि रूप लोचन ललचाने। हरषे जनु निज निधि पहिचाने।।<BR>थके नयन रघुपति छबि देखें। पलकन्हिहूँ परिहरीं निमेषें।।<BR>अधिक सनेहँ देह भै भोरी। सरद ससिहि जनु चितव चकोरी।।<BR>लोचन मग रामहि उर आनी। दीन्हे पलक कपाट सयानी।।<BR>जब सिय सखिन्ह प्रेमबस जानी। कहि न सकहिं कछु मन सकुचानी।।<BR>दो0-लताभवन तें प्रगट भे तेहि अवसर दोउ भाइ।<BR>निकसे जनु जुग बिमल बिधु जलद पटल बिलगाइ।।232।।<BR>–*–*–<BR>सोभा सीवँ सुभग दोउ बीरा। नील पीत जलजाभ सरीरा।।<BR>मोरपंख सिर सोहत नीके। गुच्छ बीच बिच कुसुम कली के।।<BR>भाल तिलक श्रमबिंदु सुहाए। श्रवन सुभग भूषन छबि छाए।।<BR>बिकट भृकुटि कच घूघरवारे। नव सरोज लोचन रतनारे।।<BR>चारु चिबुक नासिका कपोला। हास बिलास लेत मनु मोला।।<BR>मुखछबि कहि न जाइ मोहि पाहीं। जो बिलोकि बहु काम लजाहीं।।<BR>उर मनि माल कंबु कल गीवा। काम कलभ कर भुज बलसींवा।।<BR>सुमन समेत बाम कर दोना। सावँर कुअँर सखी सुठि लोना।।<BR>दो0-केहरि कटि पट पीत धर सुषमा सील निधान।<BR>देखि भानुकुलभूषनहि बिसरा सखिन्ह अपान।।233।।<BR>–*–*–<BR>धरि धीरजु एक आलि सयानी। सीता सन बोली गहि पानी।।<BR>बहुरि गौरि कर ध्यान करेहू। भूपकिसोर देखि किन लेहू।।<BR>सकुचि सीयँ तब नयन उघारे। सनमुख दोउ रघुसिंघ निहारे।।<BR>नख सिख देखि राम कै सोभा। सुमिरि पिता पनु मनु अति छोभा।।<BR>परबस सखिन्ह लखी जब सीता। भयउ गहरु सब कहहि सभीता।।<BR>पुनि आउब एहि बेरिआँ काली। अस कहि मन बिहसी एक आली।।<BR>गूढ़ गिरा सुनि सिय सकुचानी। भयउ बिलंबु मातु भय मानी।।<BR>धरि बड़ि धीर रामु उर आने। फिरि अपनपउ पितुबस जाने।।<BR>दो0-देखन मिस मृग बिहग तरु फिरइ बहोरि बहोरि।<BR>निरखि निरखि रघुबीर छबि बाढ़इ प्रीति न थोरि।। 234।।<BR>–*–*–<BR>जानि कठिन सिवचाप बिसूरति। चली राखि उर स्यामल मूरति।।<BR>प्रभु जब जात जानकी जानी। सुख सनेह सोभा गुन खानी।।<BR>परम प्रेममय मृदु मसि कीन्ही। चारु चित भीतीं लिख लीन्ही।।<BR>गई भवानी भवन बहोरी। बंदि चरन बोली कर जोरी।।<BR>जय जय गिरिबरराज किसोरी। जय महेस मुख चंद चकोरी।।<BR>जय गज बदन षड़ानन माता। जगत जननि दामिनि दुति गाता।।<BR>नहिं तव आदि मध्य अवसाना। अमित प्रभाउ बेदु नहिं जाना।।<BR>भव भव बिभव पराभव कारिनि। बिस्व बिमोहनि स्वबस बिहारिनि।।<BR>दो0-पतिदेवता सुतीय महुँ मातु प्रथम तव रेख।<BR>महिमा अमित न सकहिं कहि सहस सारदा सेष।।235।।<BR>–*–*– </P> <P>सेवत तोहि सुलभ फल चारी। बरदायनी पुरारि पिआरी।।<BR>देबि पूजि पद कमल तुम्हारे। सुर नर मुनि सब होहिं सुखारे।।<BR>मोर मनोरथु जानहु नीकें। बसहु सदा उर पुर सबही कें।।<BR>कीन्हेउँ प्रगट न कारन तेहीं। अस कहि चरन गहे बैदेहीं।।<BR>बिनय प्रेम बस भई भवानी। खसी माल मूरति मुसुकानी।।<BR>सादर सियँ प्रसादु सिर धरेऊ। बोली गौरि हरषु हियँ भरेऊ।।<BR>सुनु सिय सत्य असीस हमारी। पूजिहि मन कामना तुम्हारी।।<BR>नारद बचन सदा सुचि साचा। सो बरु मिलिहि जाहिं मनु राचा।।<BR>छं0-मनु जाहिं राचेउ मिलिहि सो बरु सहज सुंदर साँवरो।<BR>करुना निधान सुजान सीलु सनेहु जानत रावरो।।<BR>एहि भाँति गौरि असीस सुनि सिय सहित हियँ हरषीं अली।<BR>तुलसी भवानिहि पूजि पुनि पुनि मुदित मन मंदिर चली।।<BR>सो0-जानि गौरि अनुकूल सिय हिय हरषु न जाइ कहि।<BR>मंजुल मंगल मूल बाम अंग फरकन लगे।।236।।<BR>हृदयँ सराहत सीय लोनाई। गुर समीप गवने दोउ भाई।।<BR>राम कहा सबु कौसिक पाहीं। सरल सुभाउ छुअत छल नाहीं।।<BR>सुमन पाइ मुनि पूजा कीन्ही। पुनि असीस दुहु भाइन्ह दीन्ही।।<BR>सुफल मनोरथ होहुँ तुम्हारे। रामु लखनु सुनि भए सुखारे।।<BR>करि भोजनु मुनिबर बिग्यानी। लगे कहन कछु कथा पुरानी।।<BR>बिगत दिवसु गुरु आयसु पाई। संध्या करन चले दोउ भाई।।<BR>प्राची दिसि ससि उयउ सुहावा। सिय मुख सरिस देखि सुखु पावा।।<BR>बहुरि बिचारु कीन्ह मन माहीं। सीय बदन सम हिमकर नाहीं।।<BR>दो0-जनमु सिंधु पुनि बंधु बिषु दिन मलीन सकलंक।<BR>सिय मुख समता पाव किमि चंदु बापुरो रंक।।237।।<BR>–*–*–<BR>घटइ बढ़इ बिरहनि दुखदाई। ग्रसइ राहु निज संधिहिं पाई।।<BR>कोक सिकप्रद पंकज द्रोही। अवगुन बहुत चंद्रमा तोही।।<BR>बैदेही मुख पटतर दीन्हे। होइ दोष बड़ अनुचित कीन्हे।।<BR>सिय मुख छबि बिधु ब्याज बखानी। गुरु पहिं चले निसा बड़ि जानी।।<BR>करि मुनि चरन सरोज प्रनामा। आयसु पाइ कीन्ह बिश्रामा।।<BR>बिगत निसा रघुनायक जागे। बंधु बिलोकि कहन अस लागे।।<BR>उदउ अरुन अवलोकहु ताता। पंकज कोक लोक सुखदाता।।<BR>बोले लखनु जोरि जुग पानी। प्रभु प्रभाउ सूचक मृदु बानी।।<BR>दो0-अरुनोदयँ सकुचे कुमुद उडगन जोति मलीन।<BR>जिमि तुम्हार आगमन सुनि भए नृपति बलहीन।।238।।<BR>–*–*–<BR>नृप सब नखत करहिं उजिआरी। टारि न सकहिं चाप तम भारी।।<BR>कमल कोक मधुकर खग नाना। हरषे सकल निसा अवसाना।।<BR>ऐसेहिं प्रभु सब भगत तुम्हारे। होइहहिं टूटें धनुष सुखारे।।<BR>उयउ भानु बिनु श्रम तम नासा। दुरे नखत जग तेजु प्रकासा।।<BR>रबि निज उदय ब्याज रघुराया। प्रभु प्रतापु सब नृपन्ह दिखाया।।<BR>तव भुज बल महिमा उदघाटी। प्रगटी धनु बिघटन परिपाटी।।<BR>बंधु बचन सुनि प्रभु मुसुकाने। होइ सुचि सहज पुनीत नहाने।।<BR>नित्यक्रिया करि गुरु पहिं आए। चरन सरोज सुभग सिर नाए।।<BR>सतानंदु तब जनक बोलाए। कौसिक मुनि पहिं तुरत पठाए।।<BR>जनक बिनय तिन्ह आइ सुनाई। हरषे बोलि लिए दोउ भाई।।<BR>दो0-सतानंदûपद बंदि प्रभु बैठे गुर पहिं जाइ।<BR>चलहु तात मुनि कहेउ तब पठवा जनक बोलाइ।।239।।<BR>–*–*–<BR>सीय स्वयंबरु देखिअ जाई। ईसु काहि धौं देइ बड़ाई।।<BR>लखन कहा जस भाजनु सोई। नाथ कृपा तव जापर होई।।<BR>हरषे मुनि सब सुनि बर बानी। दीन्हि असीस सबहिं सुखु मानी।।<BR>पुनि मुनिबृंद समेत कृपाला। देखन चले धनुषमख साला।।<BR>रंगभूमि आए दोउ भाई। असि सुधि सब पुरबासिन्ह पाई।।<BR>चले सकल गृह काज बिसारी। बाल जुबान जरठ नर नारी।।<BR>देखी जनक भीर भै भारी। सुचि सेवक सब लिए हँकारी।।<BR>तुरत सकल लोगन्ह पहिं जाहू। आसन उचित देहू सब काहू।।<BR>दो0-कहि मृदु बचन बिनीत तिन्ह बैठारे नर नारि।<BR>उत्तम मध्यम नीच लघु निज निज थल अनुहारि।।240।।<BR>–*–*–<BR>राजकुअँर तेहि अवसर आए। मनहुँ मनोहरता तन छाए।।<BR>गुन सागर नागर बर बीरा। सुंदर स्यामल गौर सरीरा।।<BR>राज समाज बिराजत रूरे। उडगन महुँ जनु जुग बिधु पूरे।।<BR>जिन्ह कें रही भावना जैसी। प्रभु मूरति तिन्ह देखी तैसी।।<BR>देखहिं रूप महा रनधीरा। मनहुँ बीर रसु धरें सरीरा।।<BR>डरे कुटिल नृप प्रभुहि निहारी। मनहुँ भयानक मूरति भारी।।<BR>रहे असुर छल छोनिप बेषा। तिन्ह प्रभु प्रगट कालसम देखा।।<BR>पुरबासिन्ह देखे दोउ भाई। नरभूषन लोचन सुखदाई।।<BR>दो0-नारि बिलोकहिं हरषि हियँ निज निज रुचि अनुरूप।<BR>जनु सोहत सिंगार धरि मूरति परम अनूप।।241।।<BR>–*–*–<BR>बिदुषन्ह प्रभु बिराटमय दीसा। बहु मुख कर पग लोचन सीसा।।<BR>जनक जाति अवलोकहिं कैसैं। सजन सगे प्रिय लागहिं जैसें।।<BR>सहित बिदेह बिलोकहिं रानी। सिसु सम प्रीति न जाति बखानी।।<BR>जोगिन्ह परम तत्वमय भासा। सांत सुद्ध सम सहज प्रकासा।।<BR>हरिभगतन्ह देखे दोउ भ्राता। इष्टदेव इव सब सुख दाता।।<BR>रामहि चितव भायँ जेहि सीया। सो सनेहु सुखु नहिं कथनीया।।<BR>उर अनुभवति न कहि सक सोऊ। कवन प्रकार कहै कबि कोऊ।।<BR>एहि बिधि रहा जाहि जस भाऊ। तेहिं तस देखेउ कोसलराऊ।।<BR>दो0-राजत राज समाज महुँ कोसलराज किसोर।<BR>सुंदर स्यामल गौर तन बिस्व बिलोचन चोर।।242।।<BR>–*–*–<BR>सहज मनोहर मूरति दोऊ। कोटि काम उपमा लघु सोऊ।।<BR>सरद चंद निंदक मुख नीके। नीरज नयन भावते जी के।।<BR>चितवत चारु मार मनु हरनी। भावति हृदय जाति नहीं बरनी।।<BR>कल कपोल श्रुति कुंडल लोला। चिबुक अधर सुंदर मृदु बोला।।<BR>कुमुदबंधु कर निंदक हाँसा। भृकुटी बिकट मनोहर नासा।।<BR>भाल बिसाल तिलक झलकाहीं। कच बिलोकि अलि अवलि लजाहीं।।<BR>पीत चौतनीं सिरन्हि सुहाई। कुसुम कलीं बिच बीच बनाईं।।<BR>रेखें रुचिर कंबु कल गीवाँ। जनु त्रिभुवन सुषमा की सीवाँ।।<BR>दो0-कुंजर मनि कंठा कलित उरन्हि तुलसिका माल।<BR>बृषभ कंध केहरि ठवनि बल निधि बाहु बिसाल।।243।।<BR>–*–*–<BR>कटि तूनीर पीत पट बाँधे। कर सर धनुष बाम बर काँधे।।<BR>पीत जग्य उपबीत सुहाए। नख सिख मंजु महाछबि छाए।।<BR>देखि लोग सब भए सुखारे। एकटक लोचन चलत न तारे।।<BR>हरषे जनकु देखि दोउ भाई। मुनि पद कमल गहे तब जाई।।<BR>करि बिनती निज कथा सुनाई। रंग अवनि सब मुनिहि देखाई।।<BR>जहँ जहँ जाहि कुअँर बर दोऊ। तहँ तहँ चकित चितव सबु कोऊ।।<BR>निज निज रुख रामहि सबु देखा। कोउ न जान कछु मरमु बिसेषा।।<BR>भलि रचना मुनि नृप सन कहेऊ। राजाँ मुदित महासुख लहेऊ।।<BR>दो0-सब मंचन्ह ते मंचु एक सुंदर बिसद बिसाल।<BR>मुनि समेत दोउ बंधु तहँ बैठारे महिपाल।।244।।<BR>–*–*–<BR>प्रभुहि देखि सब नृप हिँयँ हारे। जनु राकेस उदय भएँ तारे।।<BR>असि प्रतीति सब के मन माहीं। राम चाप तोरब सक नाहीं।।<BR>बिनु भंजेहुँ भव धनुषु बिसाला। मेलिहि सीय राम उर माला।।<BR>अस बिचारि गवनहु घर भाई। जसु प्रतापु बलु तेजु गवाँई।।<BR>बिहसे अपर भूप सुनि बानी। जे अबिबेक अंध अभिमानी।।<BR>तोरेहुँ धनुषु ब्याहु अवगाहा। बिनु तोरें को कुअँरि बिआहा।।<BR>एक बार कालउ किन होऊ। सिय हित समर जितब हम सोऊ।।<BR>यह सुनि अवर महिप मुसकाने। धरमसील हरिभगत सयाने।।<BR>सो0-सीय बिआहबि राम गरब दूरि करि नृपन्ह के।।<BR>जीति को सक संग्राम दसरथ के रन बाँकुरे।।245।।<BR>ब्यर्थ मरहु जनि गाल बजाई। मन मोदकन्हि कि भूख बुताई।।<BR>सिख हमारि सुनि परम पुनीता। जगदंबा जानहु जियँ सीता।।<BR>जगत पिता रघुपतिहि बिचारी। भरि लोचन छबि लेहु निहारी।।<BR>सुंदर सुखद सकल गुन रासी। ए दोउ बंधु संभु उर बासी।।<BR>सुधा समुद्र समीप बिहाई। मृगजलु निरखि मरहु कत धाई।।<BR>करहु जाइ जा कहुँ जोई भावा। हम तौ आजु जनम फलु पावा।।<BR>अस कहि भले भूप अनुरागे। रूप अनूप बिलोकन लागे।।<BR>देखहिं सुर नभ चढ़े बिमाना। बरषहिं सुमन करहिं कल गाना।।<BR>दो0-जानि सुअवसरु सीय तब पठई जनक बोलाई।<BR>चतुर सखीं सुंदर सकल सादर चलीं लवाईं।।246।।<BR>–*–*–<BR>सिय सोभा नहिं जाइ बखानी। जगदंबिका रूप गुन खानी।।<BR>उपमा सकल मोहि लघु लागीं। प्राकृत नारि अंग अनुरागीं।।<BR>सिय बरनिअ तेइ उपमा देई। कुकबि कहाइ अजसु को लेई।।<BR>जौ पटतरिअ तीय सम सीया। जग असि जुबति कहाँ कमनीया।।<BR>गिरा मुखर तन अरध भवानी। रति अति दुखित अतनु पति जानी।।<BR>बिष बारुनी बंधु प्रिय जेही। कहिअ रमासम किमि बैदेही।।<BR>जौ छबि सुधा पयोनिधि होई। परम रूपमय कच्छप सोई।।<BR>सोभा रजु मंदरु सिंगारू। मथै पानि पंकज निज मारू।।<BR>दो0-एहि बिधि उपजै लच्छि जब सुंदरता सुख मूल।<BR>तदपि सकोच समेत कबि कहहिं सीय समतूल।।247।।<BR>–*–*–<BR>चलिं संग लै सखीं सयानी। गावत गीत मनोहर बानी।।<BR>सोह नवल तनु सुंदर सारी। जगत जननि अतुलित छबि भारी।।<BR>भूषन सकल सुदेस सुहाए। अंग अंग रचि सखिन्ह बनाए।।<BR>रंगभूमि जब सिय पगु धारी। देखि रूप मोहे नर नारी।।<BR>हरषि सुरन्ह दुंदुभीं बजाई। बरषि प्रसून अपछरा गाई।।<BR>पानि सरोज सोह जयमाला। अवचट चितए सकल भुआला।।<BR>सीय चकित चित रामहि चाहा। भए मोहबस सब नरनाहा।।<BR>मुनि समीप देखे दोउ भाई। लगे ललकि लोचन निधि पाई।।<BR>दो0-गुरजन लाज समाजु बड़ देखि सीय सकुचानि।।<BR>लागि बिलोकन सखिन्ह तन रघुबीरहि उर आनि।।248।।<BR>–*–*–<BR>राम रूपु अरु सिय छबि देखें। नर नारिन्ह परिहरीं निमेषें।।<BR>सोचहिं सकल कहत सकुचाहीं। बिधि सन बिनय करहिं मन माहीं।।<BR>हरु बिधि बेगि जनक जड़ताई। मति हमारि असि देहि सुहाई।।<BR>बिनु बिचार पनु तजि नरनाहु। सीय राम कर करै बिबाहू।।<BR>जग भल कहहि भाव सब काहू। हठ कीन्हे अंतहुँ उर दाहू।।<BR>एहिं लालसाँ मगन सब लोगू। बरु साँवरो जानकी जोगू।।<BR>तब बंदीजन जनक बौलाए। बिरिदावली कहत चलि आए।।<BR>कह नृप जाइ कहहु पन मोरा। चले भाट हियँ हरषु न थोरा।।<BR>दो0-बोले बंदी बचन बर सुनहु सकल महिपाल।<BR>पन बिदेह कर कहहिं हम भुजा उठाइ बिसाल।।249।।<BR>–*–*–<BR>नृप भुजबल बिधु सिवधनु राहू। गरुअ कठोर बिदित सब काहू।।<BR>रावनु बानु महाभट भारे। देखि सरासन गवँहिं सिधारे।।<BR>सोइ पुरारि कोदंडु कठोरा। राज समाज आजु जोइ तोरा।।<BR>त्रिभुवन जय समेत बैदेही।।बिनहिं बिचार बरइ हठि तेही।।<BR>सुनि पन सकल भूप अभिलाषे। भटमानी अतिसय मन माखे।।<BR>परिकर बाँधि उठे अकुलाई। चले इष्टदेवन्ह सिर नाई।।<BR>तमकि ताकि तकि सिवधनु धरहीं। उठइ न कोटि भाँति बलु करहीं।।<BR>जिन्ह के कछु बिचारु मन माहीं। चाप समीप महीप न जाहीं।।<BR>दो0-तमकि धरहिं धनु मूढ़ नृप उठइ न चलहिं लजाइ।<BR>मनहुँ पाइ भट बाहुबलु अधिकु अधिकु गरुआइ।।250।।<BR>–*–*–<BR>भूप सहस दस एकहि बारा। लगे उठावन टरइ न टारा।।<BR>डगइ न संभु सरासन कैसें। कामी बचन सती मनु जैसें।।<BR>सब नृप भए जोगु उपहासी। जैसें बिनु बिराग संन्यासी।।<BR>कीरति बिजय बीरता भारी। चले चाप कर बरबस हारी।।<BR>श्रीहत भए हारि हियँ राजा। बैठे निज निज जाइ समाजा।।<BR>नृपन्ह बिलोकि जनकु अकुलाने। बोले बचन रोष जनु साने।।<BR>दीप दीप के भूपति नाना। आए सुनि हम जो पनु ठाना।।<BR>देव दनुज धरि मनुज सरीरा। बिपुल बीर आए रनधीरा।।<BR>दो0-कुअँरि मनोहर बिजय बड़ि कीरति अति कमनीय।<BR>पावनिहार बिरंचि जनु रचेउ न धनु दमनीय।।251।।<BR>–*–*–<BR>कहहु काहि यहु लाभु न भावा। काहुँ न संकर चाप चढ़ावा।।<BR>रहउ चढ़ाउब तोरब भाई। तिलु भरि भूमि न सके छड़ाई।।<BR>अब जनि कोउ माखै भट मानी। बीर बिहीन मही मैं जानी।।<BR>तजहु आस निज निज गृह जाहू। लिखा न बिधि बैदेहि बिबाहू।।<BR>सुकृत जाइ जौं पनु परिहरऊँ। कुअँरि कुआरि रहउ का करऊँ।।<BR>जो जनतेउँ बिनु भट भुबि भाई। तौ पनु करि होतेउँ न हँसाई।।<BR>जनक बचन सुनि सब नर नारी। देखि जानकिहि भए दुखारी।।<BR>माखे लखनु कुटिल भइँ भौंहें। रदपट फरकत नयन रिसौंहें।।<BR>दो0-कहि न सकत रघुबीर डर लगे बचन जनु बान।<BR>नाइ राम पद कमल सिरु बोले गिरा प्रमान।।252।।<BR>–*–*–<BR>रघुबंसिन्ह महुँ जहँ कोउ होई। तेहिं समाज अस कहइ न कोई।।<BR>कही जनक जसि अनुचित बानी। बिद्यमान रघुकुल मनि जानी।।<BR>सुनहु भानुकुल पंकज भानू। कहउँ सुभाउ न कछु अभिमानू।।<BR>जौ तुम्हारि अनुसासन पावौं। कंदुक इव ब्रह्मांड उठावौं।।<BR>काचे घट जिमि डारौं फोरी। सकउँ मेरु मूलक जिमि तोरी।।<BR>तव प्रताप महिमा भगवाना। को बापुरो पिनाक पुराना।।<BR>नाथ जानि अस आयसु होऊ। कौतुकु करौं बिलोकिअ सोऊ।।<BR>कमल नाल जिमि चाफ चढ़ावौं। जोजन सत प्रमान लै धावौं।।<BR>दो0-तोरौं छत्रक दंड जिमि तव प्रताप बल नाथ।<BR>जौं न करौं प्रभु पद सपथ कर न धरौं धनु भाथ।।253।।<BR>–*–*–<BR>लखन सकोप बचन जे बोले। डगमगानि महि दिग्गज डोले।।<BR>सकल लोक सब भूप डेराने। सिय हियँ हरषु जनकु सकुचाने।।<BR>गुर रघुपति सब मुनि मन माहीं। मुदित भए पुनि पुनि पुलकाहीं।।<BR>सयनहिं रघुपति लखनु नेवारे। प्रेम समेत निकट बैठारे।।<BR>बिस्वामित्र समय सुभ जानी। बोले अति सनेहमय बानी।।<BR>उठहु राम भंजहु भवचापा। मेटहु तात जनक परितापा।।<BR>सुनि गुरु बचन चरन सिरु नावा। हरषु बिषादु न कछु उर आवा।।<BR>ठाढ़े भए उठि सहज सुभाएँ। ठवनि जुबा मृगराजु लजाएँ।।<BR>दो0-उदित उदयगिरि मंच पर रघुबर बालपतंग।<BR>बिकसे संत सरोज सब हरषे लोचन भृंग।।254।।<BR>–*–*–<BR>नृपन्ह केरि आसा निसि नासी। बचन नखत अवली न प्रकासी।।<BR>मानी महिप कुमुद सकुचाने। कपटी भूप उलूक लुकाने।।<BR>भए बिसोक कोक मुनि देवा। बरिसहिं सुमन जनावहिं सेवा।।<BR>गुर पद बंदि सहित अनुरागा। राम मुनिन्ह सन आयसु मागा।।<BR>सहजहिं चले सकल जग स्वामी। मत्त मंजु बर कुंजर गामी।।<BR>चलत राम सब पुर नर नारी। पुलक पूरि तन भए सुखारी।।<BR>बंदि पितर सुर सुकृत सँभारे। जौं कछु पुन्य प्रभाउ हमारे।।<BR>तौ सिवधनु मृनाल की नाईं। तोरहुँ राम गनेस गोसाईं।।<BR>दो0-रामहि प्रेम समेत लखि सखिन्ह समीप बोलाइ।<BR>सीता मातु सनेह बस बचन कहइ बिलखाइ।।255।।<BR>–*–*–<BR>सखि सब कौतुक देखनिहारे। जेठ कहावत हितू हमारे।।<BR>कोउ न बुझाइ कहइ गुर पाहीं। ए बालक असि हठ भलि नाहीं।।<BR>रावन बान छुआ नहिं चापा। हारे सकल भूप करि दापा।।<BR>सो धनु राजकुअँर कर देहीं। बाल मराल कि मंदर लेहीं।।<BR>भूप सयानप सकल सिरानी। सखि बिधि गति कछु जाति न जानी।।<BR>बोली चतुर सखी मृदु बानी। तेजवंत लघु गनिअ न रानी।।<BR>कहँ कुंभज कहँ सिंधु अपारा। सोषेउ सुजसु सकल संसारा।।<BR>रबि मंडल देखत लघु लागा। उदयँ तासु तिभुवन तम भागा।।<BR>दो0-मंत्र परम लघु जासु बस बिधि हरि हर सुर सर्ब।<BR>महामत्त गजराज कहुँ बस कर अंकुस खर्ब।।256।।<BR>–*–*–<BR>काम कुसुम धनु सायक लीन्हे। सकल भुवन अपने बस कीन्हे।।<BR>देबि तजिअ संसउ अस जानी। भंजब धनुष रामु सुनु रानी।।<BR>सखी बचन सुनि भै परतीती। मिटा बिषादु बढ़ी अति प्रीती।।<BR>तब रामहि बिलोकि बैदेही। सभय हृदयँ बिनवति जेहि तेही।।<BR>मनहीं मन मनाव अकुलानी। होहु प्रसन्न महेस भवानी।।<BR>करहु सफल आपनि सेवकाई। करि हितु हरहु चाप गरुआई।।<BR>गननायक बरदायक देवा। आजु लगें कीन्हिउँ तुअ सेवा।।<BR>बार बार बिनती सुनि मोरी। करहु चाप गुरुता अति थोरी।।<BR>दो0-देखि देखि रघुबीर तन सुर मनाव धरि धीर।।<BR>भरे बिलोचन प्रेम जल पुलकावली सरीर।।257।।<BR>–*–*–<BR>नीकें निरखि नयन भरि सोभा। पितु पनु सुमिरि बहुरि मनु छोभा।।<BR>अहह तात दारुनि हठ ठानी। समुझत नहिं कछु लाभु न हानी।।<BR>सचिव सभय सिख देइ न कोई। बुध समाज बड़ अनुचित होई।।<BR>कहँ धनु कुलिसहु चाहि कठोरा। कहँ स्यामल मृदुगात किसोरा।।<BR>बिधि केहि भाँति धरौं उर धीरा। सिरस सुमन कन बेधिअ हीरा।।<BR>सकल सभा कै मति भै भोरी। अब मोहि संभुचाप गति तोरी।।<BR>निज जड़ता लोगन्ह पर डारी। होहि हरुअ रघुपतिहि निहारी।।<BR>अति परिताप सीय मन माही। लव निमेष जुग सब सय जाहीं।।<BR>दो0-प्रभुहि चितइ पुनि चितव महि राजत लोचन लोल।<BR>खेलत मनसिज मीन जुग जनु बिधु मंडल डोल।।258।।<BR>–*–*–<BR>गिरा अलिनि मुख पंकज रोकी। प्रगट न लाज निसा अवलोकी।।<BR>लोचन जलु रह लोचन कोना। जैसे परम कृपन कर सोना।।<BR>सकुची ब्याकुलता बड़ि जानी। धरि धीरजु प्रतीति उर आनी।।<BR>तन मन बचन मोर पनु साचा। रघुपति पद सरोज चितु राचा।।<BR>तौ भगवानु सकल उर बासी। करिहिं मोहि रघुबर कै दासी।।<BR>जेहि कें जेहि पर सत्य सनेहू। सो तेहि मिलइ न कछु संहेहू।।<BR>प्रभु तन चितइ प्रेम तन ठाना। कृपानिधान राम सबु जाना।।<BR>सियहि बिलोकि तकेउ धनु कैसे। चितव गरुरु लघु ब्यालहि जैसे।।<BR>दो0-लखन लखेउ रघुबंसमनि ताकेउ हर कोदंडु।<BR>पुलकि गात बोले बचन चरन चापि ब्रह्मांडु।।259।।<BR>–*–*–<BR>दिसकुंजरहु कमठ अहि कोला। धरहु धरनि धरि धीर न डोला।।<BR>रामु चहहिं संकर धनु तोरा। होहु सजग सुनि आयसु मोरा।।<BR>चाप सपीप रामु जब आए। नर नारिन्ह सुर सुकृत मनाए।।<BR>सब कर संसउ अरु अग्यानू। मंद महीपन्ह कर अभिमानू।।<BR>भृगुपति केरि गरब गरुआई। सुर मुनिबरन्ह केरि कदराई।।<BR>सिय कर सोचु जनक पछितावा। रानिन्ह कर दारुन दुख दावा।।<BR>संभुचाप बड बोहितु पाई। चढे जाइ सब संगु बनाई।।<BR>राम बाहुबल सिंधु अपारू। चहत पारु नहि कोउ कड़हारू।।<BR>दो0-राम बिलोके लोग सब चित्र लिखे से देखि।<BR>चितई सीय कृपायतन जानी बिकल बिसेषि।।260।।<BR>–*–*–<BR>देखी बिपुल बिकल बैदेही। निमिष बिहात कलप सम तेही।।<BR>तृषित बारि बिनु जो तनु त्यागा। मुएँ करइ का सुधा तड़ागा।।<BR>का बरषा सब कृषी सुखानें। समय चुकें पुनि का पछितानें।।<BR>अस जियँ जानि जानकी देखी। प्रभु पुलके लखि प्रीति बिसेषी।।<BR>गुरहि प्रनामु मनहि मन कीन्हा। अति लाघवँ उठाइ धनु लीन्हा।।<BR>दमकेउ दामिनि जिमि जब लयऊ। पुनि नभ धनु मंडल सम भयऊ।।<BR>लेत चढ़ावत खैंचत गाढ़ें। काहुँ न लखा देख सबु ठाढ़ें।।<BR>तेहि छन राम मध्य धनु तोरा। भरे भुवन धुनि घोर कठोरा।।<BR>छं0-भरे भुवन घोर कठोर रव रबि बाजि तजि मारगु चले।<BR>चिक्करहिं दिग्गज डोल महि अहि कोल कूरुम कलमले।।<BR>सुर असुर मुनि कर कान दीन्हें सकल बिकल बिचारहीं।<BR>कोदंड खंडेउ राम तुलसी जयति बचन उचारही।।<BR>सो0-संकर चापु जहाजु सागरु रघुबर बाहुबलु।<BR>बूड़ सो सकल समाजु चढ़ा जो प्रथमहिं मोह बस।।261।।<BR>प्रभु दोउ चापखंड महि डारे। देखि लोग सब भए सुखारे।।</P> <P>कोसिकरुप पयोनिधि पावन। प्रेम बारि अवगाहु सुहावन।।<BR>रामरूप राकेसु निहारी। बढ़त बीचि पुलकावलि भारी।।<BR>बाजे नभ गहगहे निसाना। देवबधू नाचहिं करि गाना।।<BR>ब्रह्मादिक सुर सिद्ध मुनीसा। प्रभुहि प्रसंसहि देहिं असीसा।।<BR>बरिसहिं सुमन रंग बहु माला। गावहिं किंनर गीत रसाला।।<BR>रही भुवन भरि जय जय बानी। धनुषभंग धुनि जात न जानी।।<BR>मुदित कहहिं जहँ तहँ नर नारी। भंजेउ राम संभुधनु भारी।।<BR>दो0-बंदी मागध सूतगन बिरुद बदहिं मतिधीर।<BR>करहिं निछावरि लोग सब हय गय धन मनि चीर।।262।।<BR>–*–*–<BR>झाँझि मृदंग संख सहनाई। भेरि ढोल दुंदुभी सुहाई।।<BR>बाजहिं बहु बाजने सुहाए। जहँ तहँ जुबतिन्ह मंगल गाए।।<BR>सखिन्ह सहित हरषी अति रानी। सूखत धान परा जनु पानी।।<BR>जनक लहेउ सुखु सोचु बिहाई। पैरत थकें थाह जनु पाई।।<BR>श्रीहत भए भूप धनु टूटे। जैसें दिवस दीप छबि छूटे।।<BR>सीय सुखहि बरनिअ केहि भाँती। जनु चातकी पाइ जलु स्वाती।।<BR>रामहि लखनु बिलोकत कैसें। ससिहि चकोर किसोरकु जैसें।।<BR>सतानंद तब आयसु दीन्हा। सीताँ गमनु राम पहिं कीन्हा।।<BR>दो0-संग सखीं सुदंर चतुर गावहिं मंगलचार।<BR>गवनी बाल मराल गति सुषमा अंग अपार।।263।।<BR>–*–*–<BR>सखिन्ह मध्य सिय सोहति कैसे। छबिगन मध्य महाछबि जैसें।।<BR>कर सरोज जयमाल सुहाई। बिस्व बिजय सोभा जेहिं छाई।।<BR>तन सकोचु मन परम उछाहू। गूढ़ प्रेमु लखि परइ न काहू।।<BR>जाइ समीप राम छबि देखी। रहि जनु कुँअरि चित्र अवरेखी।।<BR>चतुर सखीं लखि कहा बुझाई। पहिरावहु जयमाल सुहाई।।<BR>सुनत जुगल कर माल उठाई। प्रेम बिबस पहिराइ न जाई।।<BR>सोहत जनु जुग जलज सनाला। ससिहि सभीत देत जयमाला।।<BR>गावहिं छबि अवलोकि सहेली। सियँ जयमाल राम उर मेली।।<BR>सो0-रघुबर उर जयमाल देखि देव बरिसहिं सुमन।<BR>सकुचे सकल भुआल जनु बिलोकि रबि कुमुदगन।।264।।<BR>पुर अरु ब्योम बाजने बाजे। खल भए मलिन साधु सब राजे।।<BR>सुर किंनर नर नाग मुनीसा। जय जय जय कहि देहिं असीसा।।<BR>नाचहिं गावहिं बिबुध बधूटीं। बार बार कुसुमांजलि छूटीं।।<BR>जहँ तहँ बिप्र बेदधुनि करहीं। बंदी बिरदावलि उच्चरहीं।।<BR>महि पाताल नाक जसु ब्यापा। राम बरी सिय भंजेउ चापा।।<BR>करहिं आरती पुर नर नारी। देहिं निछावरि बित्त बिसारी।।<BR>सोहति सीय राम कै जौरी। छबि सिंगारु मनहुँ एक ठोरी।।<BR>सखीं कहहिं प्रभुपद गहु सीता। करति न चरन परस अति भीता।।<BR>दो0-गौतम तिय गति सुरति करि नहिं परसति पग पानि।<BR>मन बिहसे रघुबंसमनि प्रीति अलौकिक जानि।।265।।<BR>–*–*–<BR>तब सिय देखि भूप अभिलाषे। कूर कपूत मूढ़ मन माखे।।<BR>उठि उठि पहिरि सनाह अभागे। जहँ तहँ गाल बजावन लागे।।<BR>लेहु छड़ाइ सीय कह कोऊ। धरि बाँधहु नृप बालक दोऊ।।<BR>तोरें धनुषु चाड़ नहिं सरई। जीवत हमहि कुअँरि को बरई।।<BR>जौं बिदेहु कछु करै सहाई। जीतहु समर सहित दोउ भाई।।<BR>साधु भूप बोले सुनि बानी। राजसमाजहि लाज लजानी।।<BR>बलु प्रतापु बीरता बड़ाई। नाक पिनाकहि संग सिधाई।।<BR>सोइ सूरता कि अब कहुँ पाई। असि बुधि तौ बिधि मुहँ मसि लाई।।<BR>दो0-देखहु रामहि नयन भरि तजि इरिषा मदु कोहु।<BR>लखन रोषु पावकु प्रबल जानि सलभ जनि होहु।।266।।<BR>–*–*–<BR>बैनतेय बलि जिमि चह कागू। जिमि ससु चहै नाग अरि भागू।।<BR>जिमि चह कुसल अकारन कोही। सब संपदा चहै सिवद्रोही।।<BR>लोभी लोलुप कल कीरति चहई। अकलंकता कि कामी लहई।।<BR>हरि पद बिमुख परम गति चाहा। तस तुम्हार लालचु नरनाहा।।<BR>कोलाहलु सुनि सीय सकानी। सखीं लवाइ गईं जहँ रानी।।<BR>रामु सुभायँ चले गुरु पाहीं। सिय सनेहु बरनत मन माहीं।।<BR>रानिन्ह सहित सोचबस सीया। अब धौं बिधिहि काह करनीया।।<BR>भूप बचन सुनि इत उत तकहीं। लखनु राम डर बोलि न सकहीं।।<BR>दो0-अरुन नयन भृकुटी कुटिल चितवत नृपन्ह सकोप।<BR>मनहुँ मत्त गजगन निरखि सिंघकिसोरहि चोप।।267।।<BR>–*–*–<BR>खरभरु देखि बिकल पुर नारीं। सब मिलि देहिं महीपन्ह गारीं।।<BR>तेहिं अवसर सुनि सिव धनु भंगा। आयसु भृगुकुल कमल पतंगा।।<BR>देखि महीप सकल सकुचाने। बाज झपट जनु लवा लुकाने।।<BR>गौरि सरीर भूति भल भ्राजा। भाल बिसाल त्रिपुंड बिराजा।।<BR>सीस जटा ससिबदनु सुहावा। रिसबस कछुक अरुन होइ आवा।।<BR>भृकुटी कुटिल नयन रिस राते। सहजहुँ चितवत मनहुँ रिसाते।।<BR>बृषभ कंध उर बाहु बिसाला। चारु जनेउ माल मृगछाला।।<BR>कटि मुनि बसन तून दुइ बाँधें। धनु सर कर कुठारु कल काँधें।।<BR>दो0-सांत बेषु करनी कठिन बरनि न जाइ सरुप।<BR>धरि मुनितनु जनु बीर रसु आयउ जहँ सब भूप।।268।।<BR>–*–*–<BR>देखत भृगुपति बेषु कराला। उठे सकल भय बिकल भुआला।।<BR>पितु समेत कहि कहि निज नामा। लगे करन सब दंड प्रनामा।।<BR>जेहि सुभायँ चितवहिं हितु जानी। सो जानइ जनु आइ खुटानी।।<BR>जनक बहोरि आइ सिरु नावा। सीय बोलाइ प्रनामु करावा।।<BR>आसिष दीन्हि सखीं हरषानीं। निज समाज लै गई सयानीं।।<BR>बिस्वामित्रु मिले पुनि आई। पद सरोज मेले दोउ भाई।।<BR>रामु लखनु दसरथ के ढोटा। दीन्हि असीस देखि भल जोटा।।<BR>रामहि चितइ रहे थकि लोचन। रूप अपार मार मद मोचन।।<BR>दो0-बहुरि बिलोकि बिदेह सन कहहु काह अति भीर।।<BR>पूछत जानि अजान जिमि ब्यापेउ कोपु सरीर।।269।।<BR>–*–*–<BR>समाचार कहि जनक सुनाए। जेहि कारन महीप सब आए।।<BR>सुनत बचन फिरि अनत निहारे। देखे चापखंड महि डारे।।<BR>अति रिस बोले बचन कठोरा। कहु जड़ जनक धनुष कै तोरा।।<BR>बेगि देखाउ मूढ़ न त आजू। उलटउँ महि जहँ लहि तव राजू।।<BR>अति डरु उतरु देत नृपु नाहीं। कुटिल भूप हरषे मन माहीं।।<BR>सुर मुनि नाग नगर नर नारी।।सोचहिं सकल त्रास उर भारी।।<BR>मन पछिताति सीय महतारी। बिधि अब सँवरी बात बिगारी।।<BR>भृगुपति कर सुभाउ सुनि सीता। अरध निमेष कलप सम बीता।।<BR>दो0-सभय बिलोके लोग सब जानि जानकी भीरु।<BR>हृदयँ न हरषु बिषादु कछु बोले श्रीरघुबीरु।।270।।<BR>मासपारायण, नवाँ विश्राम<BR>–*–*–<BR>नाथ संभुधनु भंजनिहारा। होइहि केउ एक दास तुम्हारा।।<BR>आयसु काह कहिअ किन मोही। सुनि रिसाइ बोले मुनि कोही।।<BR>सेवकु सो जो करै सेवकाई। अरि करनी करि करिअ लराई।।<BR>सुनहु राम जेहिं सिवधनु तोरा। सहसबाहु सम सो रिपु मोरा।।<BR>सो बिलगाउ बिहाइ समाजा। न त मारे जैहहिं सब राजा।।<BR>सुनि मुनि बचन लखन मुसुकाने। बोले परसुधरहि अपमाने।।<BR>बहु धनुहीं तोरीं लरिकाईं। कबहुँ न असि रिस कीन्हि गोसाईं।।<BR>एहि धनु पर ममता केहि हेतू। सुनि रिसाइ कह भृगुकुलकेतू।।<BR>दो0-रे नृप बालक कालबस बोलत तोहि न सँमार।।<BR>धनुही सम तिपुरारि धनु बिदित सकल संसार।।271।।<BR>–*–*–<BR>लखन कहा हँसि हमरें जाना। सुनहु देव सब धनुष समाना।।<BR>का छति लाभु जून धनु तौरें। देखा राम नयन के भोरें।।<BR>छुअत टूट रघुपतिहु न दोसू। मुनि बिनु काज करिअ कत रोसू ।<BR>बोले चितइ परसु की ओरा। रे सठ सुनेहि सुभाउ न मोरा।।<BR>बालकु बोलि बधउँ नहिं तोही। केवल मुनि जड़ जानहि मोही।।<BR>बाल ब्रह्मचारी अति कोही। बिस्व बिदित छत्रियकुल द्रोही।।<BR>भुजबल भूमि भूप बिनु कीन्ही। बिपुल बार महिदेवन्ह दीन्ही।।<BR>सहसबाहु भुज छेदनिहारा। परसु बिलोकु महीपकुमारा।।<BR>दो0-मातु पितहि जनि सोचबस करसि महीसकिसोर।<BR>गर्भन्ह के अर्भक दलन परसु मोर अति घोर।।272।।<BR>–*–*–<BR>बिहसि लखनु बोले मृदु बानी। अहो मुनीसु महा भटमानी।।<BR>पुनि पुनि मोहि देखाव कुठारू। चहत उड़ावन फूँकि पहारू।।<BR>इहाँ कुम्हड़बतिया कोउ नाहीं। जे तरजनी देखि मरि जाहीं।।<BR>देखि कुठारु सरासन बाना। मैं कछु कहा सहित अभिमाना।।<BR>भृगुसुत समुझि जनेउ बिलोकी। जो कछु कहहु सहउँ रिस रोकी।।<BR>सुर महिसुर हरिजन अरु गाई। हमरें कुल इन्ह पर न सुराई।।<BR>बधें पापु अपकीरति हारें। मारतहूँ पा परिअ तुम्हारें।।<BR>कोटि कुलिस सम बचनु तुम्हारा। ब्यर्थ धरहु धनु बान कुठारा।।<BR>दो0-जो बिलोकि अनुचित कहेउँ छमहु महामुनि धीर।<BR>सुनि सरोष भृगुबंसमनि बोले गिरा गभीर।।273।।<BR>–*–*–<BR>कौसिक सुनहु मंद यहु बालकु। कुटिल कालबस निज कुल घालकु।।<BR>भानु बंस राकेस कलंकू। निपट निरंकुस अबुध असंकू।।<BR>काल कवलु होइहि छन माहीं। कहउँ पुकारि खोरि मोहि नाहीं।।<BR>तुम्ह हटकउ जौं चहहु उबारा। कहि प्रतापु बलु रोषु हमारा।।<BR>लखन कहेउ मुनि सुजस तुम्हारा। तुम्हहि अछत को बरनै पारा।।<BR>अपने मुँह तुम्ह आपनि करनी। बार अनेक भाँति बहु बरनी।।<BR>नहिं संतोषु त पुनि कछु कहहू। जनि रिस रोकि दुसह दुख सहहू।।<BR>बीरब्रती तुम्ह धीर अछोभा। गारी देत न पावहु सोभा।।<BR>दो0-सूर समर करनी करहिं कहि न जनावहिं आपु।<BR>बिद्यमान रन पाइ रिपु कायर कथहिं प्रतापु।।274।।<BR>–*–*–<BR>तुम्ह तौ कालु हाँक जनु लावा। बार बार मोहि लागि बोलावा।।<BR>सुनत लखन के बचन कठोरा। परसु सुधारि धरेउ कर घोरा।।<BR>अब जनि देइ दोसु मोहि लोगू। कटुबादी बालकु बधजोगू।।<BR>बाल बिलोकि बहुत मैं बाँचा। अब यहु मरनिहार भा साँचा।।<BR>कौसिक कहा छमिअ अपराधू। बाल दोष गुन गनहिं न साधू।।<BR>खर कुठार मैं अकरुन कोही। आगें अपराधी गुरुद्रोही।।<BR>उतर देत छोड़उँ बिनु मारें। केवल कौसिक सील तुम्हारें।।<BR>न त एहि काटि कुठार कठोरें। गुरहि उरिन होतेउँ श्रम थोरें।।<BR>दो0-गाधिसूनु कह हृदयँ हँसि मुनिहि हरिअरइ सूझ।<BR>अयमय खाँड न ऊखमय अजहुँ न बूझ अबूझ।।275।।<BR>–*–*–<BR>कहेउ लखन मुनि सीलु तुम्हारा। को नहि जान बिदित संसारा।।<BR>माता पितहि उरिन भए नीकें। गुर रिनु रहा सोचु बड़ जीकें।।<BR>सो जनु हमरेहि माथे काढ़ा। दिन चलि गए ब्याज बड़ बाढ़ा।।<BR>अब आनिअ ब्यवहरिआ बोली। तुरत देउँ मैं थैली खोली।।<BR>सुनि कटु बचन कुठार सुधारा। हाय हाय सब सभा पुकारा।।<BR>भृगुबर परसु देखावहु मोही। बिप्र बिचारि बचउँ नृपद्रोही।।<BR>मिले न कबहुँ सुभट रन गाढ़े। द्विज देवता घरहि के बाढ़े।।<BR>अनुचित कहि सब लोग पुकारे। रघुपति सयनहिं लखनु नेवारे।।<BR>दो0-लखन उतर आहुति सरिस भृगुबर कोपु कृसानु।<BR>बढ़त देखि जल सम बचन बोले रघुकुलभानु।।276।।<BR>–*–*–<BR>नाथ करहु बालक पर छोहू। सूध दूधमुख करिअ न कोहू।।<BR>जौं पै प्रभु प्रभाउ कछु जाना। तौ कि बराबरि करत अयाना।।<BR>जौं लरिका कछु अचगरि करहीं। गुर पितु मातु मोद मन भरहीं।।<BR>करिअ कृपा सिसु सेवक जानी। तुम्ह सम सील धीर मुनि ग्यानी।।<BR>राम बचन सुनि कछुक जुड़ाने। कहि कछु लखनु बहुरि मुसकाने।।<BR>हँसत देखि नख सिख रिस ब्यापी। राम तोर भ्राता बड़ पापी।।<BR>गौर सरीर स्याम मन माहीं। कालकूटमुख पयमुख नाहीं।।<BR>सहज टेढ़ अनुहरइ न तोही। नीचु मीचु सम देख न मौहीं।।<BR>दो0-लखन कहेउ हँसि सुनहु मुनि क्रोधु पाप कर मूल।<BR>जेहि बस जन अनुचित करहिं चरहिं बिस्व प्रतिकूल।।277।।<BR>–*–*–<BR>मैं तुम्हार अनुचर मुनिराया। परिहरि कोपु करिअ अब दाया।।<BR>टूट चाप नहिं जुरहि रिसाने। बैठिअ होइहिं पाय पिराने।।<BR>जौ अति प्रिय तौ करिअ उपाई। जोरिअ कोउ बड़ गुनी बोलाई।।<BR>बोलत लखनहिं जनकु डेराहीं। मष्ट करहु अनुचित भल नाहीं।।<BR>थर थर कापहिं पुर नर नारी। छोट कुमार खोट बड़ भारी।।<BR>भृगुपति सुनि सुनि निरभय बानी। रिस तन जरइ होइ बल हानी।।<BR>बोले रामहि देइ निहोरा। बचउँ बिचारि बंधु लघु तोरा।।<BR>मनु मलीन तनु सुंदर कैसें। बिष रस भरा कनक घटु जैसैं।।<BR>दो0- सुनि लछिमन बिहसे बहुरि नयन तरेरे राम।<BR>गुर समीप गवने सकुचि परिहरि बानी बाम।।278।।<BR>–*–*–<BR>अति बिनीत मृदु सीतल बानी। बोले रामु जोरि जुग पानी।।<BR>सुनहु नाथ तुम्ह सहज सुजाना। बालक बचनु करिअ नहिं काना।।<BR>बररै बालक एकु सुभाऊ। इन्हहि न संत बिदूषहिं काऊ।।<BR>तेहिं नाहीं कछु काज बिगारा। अपराधी में नाथ तुम्हारा।।<BR>कृपा कोपु बधु बँधब गोसाईं। मो पर करिअ दास की नाई।।<BR>कहिअ बेगि जेहि बिधि रिस जाई। मुनिनायक सोइ करौं उपाई।।<BR>कह मुनि राम जाइ रिस कैसें। अजहुँ अनुज तव चितव अनैसें।।<BR>एहि के कंठ कुठारु न दीन्हा। तौ मैं काह कोपु करि कीन्हा।।<BR>दो0-गर्भ स्त्रवहिं अवनिप रवनि सुनि कुठार गति घोर।<BR>परसु अछत देखउँ जिअत बैरी भूपकिसोर।।279।।<BR>–*–*–<BR>बहइ न हाथु दहइ रिस छाती। भा कुठारु कुंठित नृपघाती।।<BR>भयउ बाम बिधि फिरेउ सुभाऊ। मोरे हृदयँ कृपा कसि काऊ।।<BR>आजु दया दुखु दुसह सहावा। सुनि सौमित्र बिहसि सिरु नावा।।<BR>बाउ कृपा मूरति अनुकूला। बोलत बचन झरत जनु फूला।।<BR>जौं पै कृपाँ जरिहिं मुनि गाता। क्रोध भएँ तनु राख बिधाता।।<BR>देखु जनक हठि बालक एहू। कीन्ह चहत जड़ जमपुर गेहू।।<BR>बेगि करहु किन आँखिन्ह ओटा। देखत छोट खोट नृप ढोटा।।<BR>बिहसे लखनु कहा मन माहीं। मूदें आँखि कतहुँ कोउ नाहीं।।<BR>दो0-परसुरामु तब राम प्रति बोले उर अति क्रोधु।<BR>संभु सरासनु तोरि सठ करसि हमार प्रबोधु।।280।।<BR>–*–*–<BR>बंधु कहइ कटु संमत तोरें। तू छल बिनय करसि कर जोरें।।<BR>करु परितोषु मोर संग्रामा। नाहिं त छाड़ कहाउब रामा।।<BR>छलु तजि करहि समरु सिवद्रोही। बंधु सहित न त मारउँ तोही।।<BR>भृगुपति बकहिं कुठार उठाएँ। मन मुसकाहिं रामु सिर नाएँ।।<BR>गुनह लखन कर हम पर रोषू। कतहुँ सुधाइहु ते बड़ दोषू।।<BR>टेढ़ जानि सब बंदइ काहू। बक्र चंद्रमहि ग्रसइ न राहू।।<BR>राम कहेउ रिस तजिअ मुनीसा। कर कुठारु आगें यह सीसा।।<BR>जेंहिं रिस जाइ करिअ सोइ स्वामी। मोहि जानि आपन अनुगामी।।<BR>दो0-प्रभुहि सेवकहि समरु कस तजहु बिप्रबर रोसु।<BR>बेषु बिलोकें कहेसि कछु बालकहू नहिं दोसु।।281।।<BR>–*–*–<BR>देखि कुठार बान धनु धारी। भै लरिकहि रिस बीरु बिचारी।।<BR>नामु जान पै तुम्हहि न चीन्हा। बंस सुभायँ उतरु तेंहिं दीन्हा।।<BR>जौं तुम्ह औतेहु मुनि की नाईं। पद रज सिर सिसु धरत गोसाईं।।<BR>छमहु चूक अनजानत केरी। चहिअ बिप्र उर कृपा घनेरी।।<BR>हमहि तुम्हहि सरिबरि कसि नाथा।।कहहु न कहाँ चरन कहँ माथा।।<BR>राम मात्र लघु नाम हमारा। परसु सहित बड़ नाम तोहारा।।<BR>देव एकु गुनु धनुष हमारें। नव गुन परम पुनीत तुम्हारें।।<BR>सब प्रकार हम तुम्ह सन हारे। छमहु बिप्र अपराध हमारे।।<BR>दो0-बार बार मुनि बिप्रबर कहा राम सन राम।<BR>बोले भृगुपति सरुष हसि तहूँ बंधु सम बाम।।282।।<BR>–*–*–<BR>निपटहिं द्विज करि जानहि मोही। मैं जस बिप्र सुनावउँ तोही।।<BR>चाप स्त्रुवा सर आहुति जानू। कोप मोर अति घोर कृसानु।।<BR>समिधि सेन चतुरंग सुहाई। महा महीप भए पसु आई।।<BR>मै एहि परसु काटि बलि दीन्हे। समर जग्य जप कोटिन्ह कीन्हे।।<BR>मोर प्रभाउ बिदित नहिं तोरें। बोलसि निदरि बिप्र के भोरें।।<BR>भंजेउ चापु दापु बड़ बाढ़ा। अहमिति मनहुँ जीति जगु ठाढ़ा।।<BR>राम कहा मुनि कहहु बिचारी। रिस अति बड़ि लघु चूक हमारी।।<BR>छुअतहिं टूट पिनाक पुराना। मैं कहि हेतु करौं अभिमाना।।<BR>दो0-जौं हम निदरहिं बिप्र बदि सत्य सुनहु भृगुनाथ।<BR>तौ अस को जग सुभटु जेहि भय बस नावहिं माथ।।283।।<BR>–*–*–<BR>देव दनुज भूपति भट नाना। समबल अधिक होउ बलवाना।।<BR>जौं रन हमहि पचारै कोऊ। लरहिं सुखेन कालु किन होऊ।।<BR>छत्रिय तनु धरि समर सकाना। कुल कलंकु तेहिं पावँर आना।।<BR>कहउँ सुभाउ न कुलहि प्रसंसी। कालहु डरहिं न रन रघुबंसी।।<BR>बिप्रबंस कै असि प्रभुताई। अभय होइ जो तुम्हहि डेराई।।<BR>सुनु मृदु गूढ़ बचन रघुपति के। उघरे पटल परसुधर मति के।।<BR>राम रमापति कर धनु लेहू। खैंचहु मिटै मोर संदेहू।।<BR>देत चापु आपुहिं चलि गयऊ। परसुराम मन बिसमय भयऊ।।<BR>दो0-जाना राम प्रभाउ तब पुलक प्रफुल्लित गात।<BR>जोरि पानि बोले बचन ह्दयँ न प्रेमु अमात।।284।।<BR>–*–*–<BR>जय रघुबंस बनज बन भानू। गहन दनुज कुल दहन कृसानु।।<BR>जय सुर बिप्र धेनु हितकारी। जय मद मोह कोह भ्रम हारी।।<BR>बिनय सील करुना गुन सागर। जयति बचन रचना अति नागर।।<BR>सेवक सुखद सुभग सब अंगा। जय सरीर छबि कोटि अनंगा।।<BR>करौं काह मुख एक प्रसंसा। जय महेस मन मानस हंसा।।<BR>अनुचित बहुत कहेउँ अग्याता। छमहु छमामंदिर दोउ भ्राता।।<BR>कहि जय जय जय रघुकुलकेतू। भृगुपति गए बनहि तप हेतू।।<BR>अपभयँ कुटिल महीप डेराने। जहँ तहँ कायर गवँहिं पराने।।<BR>दो0-देवन्ह दीन्हीं दुंदुभीं प्रभु पर बरषहिं फूल।<BR>हरषे पुर नर नारि सब मिटी मोहमय सूल।।285।।<BR>–*–*–<BR>अति गहगहे बाजने बाजे। सबहिं मनोहर मंगल साजे।।<BR>जूथ जूथ मिलि सुमुख सुनयनीं। करहिं गान कल कोकिलबयनी।।<BR>सुखु बिदेह कर बरनि न जाई। जन्मदरिद्र मनहुँ निधि पाई।।<BR>गत त्रास भइ सीय सुखारी। जनु बिधु उदयँ चकोरकुमारी।।<BR>जनक कीन्ह कौसिकहि प्रनामा। प्रभु प्रसाद धनु भंजेउ रामा।।<BR>मोहि कृतकृत्य कीन्ह दुहुँ भाईं। अब जो उचित सो कहिअ गोसाई।।<BR>कह मुनि सुनु नरनाथ प्रबीना। रहा बिबाहु चाप आधीना।।<BR>टूटतहीं धनु भयउ बिबाहू। सुर नर नाग बिदित सब काहु।।<BR>दो0-तदपि जाइ तुम्ह करहु अब जथा बंस ब्यवहारु।<BR>बूझि बिप्र कुलबृद्ध गुर बेद बिदित आचारु।।286।।<BR>–*–*–<BR>दूत अवधपुर पठवहु जाई। आनहिं नृप दसरथहि बोलाई।।<BR>मुदित राउ कहि भलेहिं कृपाला। पठए दूत बोलि तेहि काला।।<BR>बहुरि महाजन सकल बोलाए। आइ सबन्हि सादर सिर नाए।।<BR>हाट बाट मंदिर सुरबासा। नगरु सँवारहु चारिहुँ पासा।।<BR>हरषि चले निज निज गृह आए। पुनि परिचारक बोलि पठाए।।<BR>रचहु बिचित्र बितान बनाई। सिर धरि बचन चले सचु पाई।।<BR>पठए बोलि गुनी तिन्ह नाना। जे बितान बिधि कुसल सुजाना।।<BR>बिधिहि बंदि तिन्ह कीन्ह अरंभा। बिरचे कनक कदलि के खंभा।।<BR>दो0-हरित मनिन्ह के पत्र फल पदुमराग के फूल।<BR>रचना देखि बिचित्र अति मनु बिरंचि कर भूल।।287।।<BR>–*–*–<BR>बेनि हरित मनिमय सब कीन्हे। सरल सपरब परहिं नहिं चीन्हे।।<BR>कनक कलित अहिबेल बनाई। लखि नहि परइ सपरन सुहाई।।<BR>तेहि के रचि पचि बंध बनाए। बिच बिच मुकता दाम सुहाए।।<BR>मानिक मरकत कुलिस पिरोजा। चीरि कोरि पचि रचे सरोजा।।<BR>किए भृंग बहुरंग बिहंगा। गुंजहिं कूजहिं पवन प्रसंगा।।<BR>सुर प्रतिमा खंभन गढ़ी काढ़ी। मंगल द्रब्य लिएँ सब ठाढ़ी।।<BR>चौंकें भाँति अनेक पुराईं। सिंधुर मनिमय सहज सुहाई।।<BR>दो0-सौरभ पल्लव सुभग सुठि किए नीलमनि कोरि।।<BR>हेम बौर मरकत घवरि लसत पाटमय डोरि।।288।।<BR>–*–*–<BR>रचे रुचिर बर बंदनिबारे। मनहुँ मनोभवँ फंद सँवारे।।<BR>मंगल कलस अनेक बनाए। ध्वज पताक पट चमर सुहाए।।<BR>दीप मनोहर मनिमय नाना। जाइ न बरनि बिचित्र बिताना।।<BR>जेहिं मंडप दुलहिनि बैदेही। सो बरनै असि मति कबि केही।।<BR>दूलहु रामु रूप गुन सागर। सो बितानु तिहुँ लोक उजागर।।<BR>जनक भवन कै सौभा जैसी। गृह गृह प्रति पुर देखिअ तैसी।।<BR>जेहिं तेरहुति तेहि समय निहारी। तेहि लघु लगहिं भुवन दस चारी।।<BR>जो संपदा नीच गृह सोहा। सो बिलोकि सुरनायक मोहा।।<BR>दो0-बसइ नगर जेहि लच्छ करि कपट नारि बर बेषु।।<BR>तेहि पुर कै सोभा कहत सकुचहिं सारद सेषु।।289।।<BR>–*–*–<BR>पहुँचे दूत राम पुर पावन। हरषे नगर बिलोकि सुहावन।।<BR>भूप द्वार तिन्ह खबरि जनाई। दसरथ नृप सुनि लिए बोलाई।।<BR>करि प्रनामु तिन्ह पाती दीन्ही। मुदित महीप आपु उठि लीन्ही।।<BR>बारि बिलोचन बाचत पाँती। पुलक गात आई भरि छाती।।<BR>रामु लखनु उर कर बर चीठी। रहि गए कहत न खाटी मीठी।।<BR>पुनि धरि धीर पत्रिका बाँची। हरषी सभा बात सुनि साँची।।<BR>खेलत रहे तहाँ सुधि पाई। आए भरतु सहित हित भाई।।<BR>पूछत अति सनेहँ सकुचाई। तात कहाँ तें पाती आई।।<BR>दो0-कुसल प्रानप्रिय बंधु दोउ अहहिं कहहु केहिं देस।<BR>सुनि सनेह साने बचन बाची बहुरि नरेस।।290।।<BR>–*–*–<BR>सुनि पाती पुलके दोउ भ्राता। अधिक सनेहु समात न गाता।।<BR>प्रीति पुनीत भरत कै देखी। सकल सभाँ सुखु लहेउ बिसेषी।।<BR>तब नृप दूत निकट बैठारे। मधुर मनोहर बचन उचारे।।<BR>भैया कहहु कुसल दोउ बारे। तुम्ह नीकें निज नयन निहारे।।<BR>स्यामल गौर धरें धनु भाथा। बय किसोर कौसिक मुनि साथा।।<BR>पहिचानहु तुम्ह कहहु सुभाऊ। प्रेम बिबस पुनि पुनि कह राऊ।।<BR>जा दिन तें मुनि गए लवाई। तब तें आजु साँचि सुधि पाई।।<BR>कहहु बिदेह कवन बिधि जाने। सुनि प्रिय बचन दूत मुसकाने।।<BR>दो0-सुनहु महीपति मुकुट मनि तुम्ह सम धन्य न कोउ।<BR>रामु लखनु जिन्ह के तनय बिस्व बिभूषन दोउ।।291।।<BR>–*–*–<BR>पूछन जोगु न तनय तुम्हारे। पुरुषसिंघ तिहु पुर उजिआरे।।<BR>जिन्ह के जस प्रताप कें आगे। ससि मलीन रबि सीतल लागे।।<BR>तिन्ह कहँ कहिअ नाथ किमि चीन्हे। देखिअ रबि कि दीप कर लीन्हे।।<BR>सीय स्वयंबर भूप अनेका। समिटे सुभट एक तें एका।।<BR>संभु सरासनु काहुँ न टारा। हारे सकल बीर बरिआरा।।<BR>तीनि लोक महँ जे भटमानी। सभ कै सकति संभु धनु भानी।।<BR>सकइ उठाइ सरासुर मेरू। सोउ हियँ हारि गयउ करि फेरू।।<BR>जेहि कौतुक सिवसैलु उठावा। सोउ तेहि सभाँ पराभउ पावा।।<BR>दो0-तहाँ राम रघुबंस मनि सुनिअ महा महिपाल।<BR>भंजेउ चाप प्रयास बिनु जिमि गज पंकज नाल।।292।।<BR>–*–*–<BR>सुनि सरोष भृगुनायकु आए। बहुत भाँति तिन्ह आँखि देखाए।।<BR>देखि राम बलु निज धनु दीन्हा। करि बहु बिनय गवनु बन कीन्हा।।<BR>राजन रामु अतुलबल जैसें। तेज निधान लखनु पुनि तैसें।।<BR>कंपहि भूप बिलोकत जाकें। जिमि गज हरि किसोर के ताकें।।<BR>देव देखि तव बालक दोऊ। अब न आँखि तर आवत कोऊ।।<BR>दूत बचन रचना प्रिय लागी। प्रेम प्रताप बीर रस पागी।।<BR>सभा समेत राउ अनुरागे। दूतन्ह देन निछावरि लागे।।<BR>कहि अनीति ते मूदहिं काना। धरमु बिचारि सबहिं सुख माना।।<BR>दो0-तब उठि भूप बसिष्ठ कहुँ दीन्हि पत्रिका जाइ।<BR>कथा सुनाई गुरहि सब सादर दूत बोलाइ।।293।।<BR>–*–*–<BR>सुनि बोले गुर अति सुखु पाई। पुन्य पुरुष कहुँ महि सुख छाई।।<BR>जिमि सरिता सागर महुँ जाहीं। जद्यपि ताहि कामना नाहीं।।<BR>तिमि सुख संपति बिनहिं बोलाएँ। धरमसील पहिं जाहिं सुभाएँ।।<BR>तुम्ह गुर बिप्र धेनु सुर सेबी। तसि पुनीत कौसल्या देबी।।<BR>सुकृती तुम्ह समान जग माहीं। भयउ न है कोउ होनेउ नाहीं।।<BR>तुम्ह ते अधिक पुन्य बड़ काकें। राजन राम सरिस सुत जाकें।।<BR>बीर बिनीत धरम ब्रत धारी। गुन सागर बर बालक चारी।।<BR>तुम्ह कहुँ सर्ब काल कल्याना। सजहु बरात बजाइ निसाना।।<BR>दो0-चलहु बेगि सुनि गुर बचन भलेहिं नाथ सिरु नाइ।<BR>भूपति गवने भवन तब दूतन्ह बासु देवाइ।।294।।<BR>–*–*–<BR>राजा सबु रनिवास बोलाई। जनक पत्रिका बाचि सुनाई।।<BR>सुनि संदेसु सकल हरषानीं। अपर कथा सब भूप बखानीं।।<BR>प्रेम प्रफुल्लित राजहिं रानी। मनहुँ सिखिनि सुनि बारिद बनी।।<BR>मुदित असीस देहिं गुरु नारीं। अति आनंद मगन महतारीं।।<BR>लेहिं परस्पर अति प्रिय पाती। हृदयँ लगाइ जुड़ावहिं छाती।।<BR>राम लखन कै कीरति करनी। बारहिं बार भूपबर बरनी।।<BR>मुनि प्रसादु कहि द्वार सिधाए। रानिन्ह तब महिदेव बोलाए।।<BR>दिए दान आनंद समेता। चले बिप्रबर आसिष देता।।<BR>सो0-जाचक लिए हँकारि दीन्हि निछावरि कोटि बिधि।<BR>चिरु जीवहुँ सुत चारि चक्रबर्ति दसरत्थ के।।295।।<BR>कहत चले पहिरें पट नाना। हरषि हने गहगहे निसाना।।<BR>समाचार सब लोगन्ह पाए। लागे घर घर होने बधाए।।<BR>भुवन चारि दस भरा उछाहू। जनकसुता रघुबीर बिआहू।।<BR>सुनि सुभ कथा लोग अनुरागे। मग गृह गलीं सँवारन लागे।।<BR>जद्यपि अवध सदैव सुहावनि। राम पुरी मंगलमय पावनि।।<BR>तदपि प्रीति कै प्रीति सुहाई। मंगल रचना रची बनाई।।<BR>ध्वज पताक पट चामर चारु। छावा परम बिचित्र बजारू।।<BR>कनक कलस तोरन मनि जाला। हरद दूब दधि अच्छत माला।।<BR>दो0-मंगलमय निज निज भवन लोगन्ह रचे बनाइ।<BR>बीथीं सीचीं चतुरसम चौकें चारु पुराइ।।296।।<BR>–*–*–<BR>जहँ तहँ जूथ जूथ मिलि भामिनि। सजि नव सप्त सकल दुति दामिनि।।<BR>बिधुबदनीं मृग सावक लोचनि। निज सरुप रति मानु बिमोचनि।।<BR>गावहिं मंगल मंजुल बानीं। सुनिकल रव कलकंठि लजानीं।।<BR>भूप भवन किमि जाइ बखाना। बिस्व बिमोहन रचेउ बिताना।।<BR>मंगल द्रब्य मनोहर नाना। राजत बाजत बिपुल निसाना।।<BR>कतहुँ बिरिद बंदी उच्चरहीं। कतहुँ बेद धुनि भूसुर करहीं।।<BR>गावहिं सुंदरि मंगल गीता। लै लै नामु रामु अरु सीता।।<BR>बहुत उछाहु भवनु अति थोरा। मानहुँ उमगि चला चहु ओरा।।<BR>दो0-सोभा दसरथ भवन कइ को कबि बरनै पार।<BR>जहाँ सकल सुर सीस मनि राम लीन्ह अवतार।।297।।<BR>–*–*–<BR>भूप भरत पुनि लिए बोलाई। हय गय स्यंदन साजहु जाई।।<BR>चलहु बेगि रघुबीर बराता। सुनत पुलक पूरे दोउ भ्राता।।<BR>भरत सकल साहनी बोलाए। आयसु दीन्ह मुदित उठि धाए।।<BR>रचि रुचि जीन तुरग तिन्ह साजे। बरन बरन बर बाजि बिराजे।।<BR>सुभग सकल सुठि चंचल करनी। अय इव जरत धरत पग धरनी।।<BR>नाना जाति न जाहिं बखाने। निदरि पवनु जनु चहत उड़ाने।।<BR>तिन्ह सब छयल भए असवारा। भरत सरिस बय राजकुमारा।।<BR>सब सुंदर सब भूषनधारी। कर सर चाप तून कटि भारी।।<BR>दो0- छरे छबीले छयल सब सूर सुजान नबीन।<BR>जुग पदचर असवार प्रति जे असिकला प्रबीन।।298।।<BR>–*–*–<BR>बाँधे बिरद बीर रन गाढ़े। निकसि भए पुर बाहेर ठाढ़े।।<BR>फेरहिं चतुर तुरग गति नाना। हरषहिं सुनि सुनि पवन निसाना।।<BR>रथ सारथिन्ह बिचित्र बनाए। ध्वज पताक मनि भूषन लाए।।<BR>चवँर चारु किंकिन धुनि करही। भानु जान सोभा अपहरहीं।।<BR>सावँकरन अगनित हय होते। ते तिन्ह रथन्ह सारथिन्ह जोते।।<BR>सुंदर सकल अलंकृत सोहे। जिन्हहि बिलोकत मुनि मन मोहे।।<BR>जे जल चलहिं थलहि की नाई। टाप न बूड़ बेग अधिकाई।।<BR>अस्त्र सस्त्र सबु साजु बनाई। रथी सारथिन्ह लिए बोलाई।।<BR>दो0-चढ़ि चढ़ि रथ बाहेर नगर लागी जुरन बरात।<BR>होत सगुन सुन्दर सबहि जो जेहि कारज जात।।299।।<BR>–*–*–<BR>कलित करिबरन्हि परीं अँबारीं। कहि न जाहिं जेहि भाँति सँवारीं।।<BR>चले मत्तगज घंट बिराजी। मनहुँ सुभग सावन घन राजी।।<BR>बाहन अपर अनेक बिधाना। सिबिका सुभग सुखासन जाना।।<BR>तिन्ह चढ़ि चले बिप्रबर बृन्दा। जनु तनु धरें सकल श्रुति छंदा।।<BR>मागध सूत बंदि गुनगायक। चले जान चढ़ि जो जेहि लायक।।<BR>बेसर ऊँट बृषभ बहु जाती। चले बस्तु भरि अगनित भाँती।।<BR>कोटिन्ह काँवरि चले कहारा। बिबिध बस्तु को बरनै पारा।।<BR>चले सकल सेवक समुदाई। निज निज साजु समाजु बनाई।।<BR>दो0-सब कें उर निर्भर हरषु पूरित पुलक सरीर।<BR>कबहिं देखिबे नयन भरि रामु लखनू दोउ बीर।।300।।<BR>–*–*–<BR>गरजहिं गज घंटा धुनि घोरा। रथ रव बाजि हिंस चहु ओरा।।<BR>निदरि घनहि घुर्म्मरहिं निसाना। निज पराइ कछु सुनिअ न काना।।<BR>महा भीर भूपति के द्वारें। रज होइ जाइ पषान पबारें।।<BR>चढ़ी अटारिन्ह देखहिं नारीं। लिँएँ आरती मंगल थारी।।<BR>गावहिं गीत मनोहर नाना। अति आनंदु न जाइ बखाना।।<BR>तब सुमंत्र दुइ स्पंदन साजी। जोते रबि हय निंदक बाजी।।<BR>दोउ रथ रुचिर भूप पहिं आने। नहिं सारद पहिं जाहिं बखाने।।<BR>राज समाजु एक रथ साजा। दूसर तेज पुंज अति भ्राजा।।<BR>दो0-तेहिं रथ रुचिर बसिष्ठ कहुँ हरषि चढ़ाइ नरेसु।<BR>आपु चढ़ेउ स्पंदन सुमिरि हर गुर गौरि गनेसु।।301।।<BR>–*–*–<BR>सहित बसिष्ठ सोह नृप कैसें। सुर गुर संग पुरंदर जैसें।।<BR>करि कुल रीति बेद बिधि राऊ। देखि सबहि सब भाँति बनाऊ।।<BR>सुमिरि रामु गुर आयसु पाई। चले महीपति संख बजाई।।<BR>हरषे बिबुध बिलोकि बराता। बरषहिं सुमन सुमंगल दाता।।<BR>भयउ कोलाहल हय गय गाजे। ब्योम बरात बाजने बाजे।।<BR>सुर नर नारि सुमंगल गाई। सरस राग बाजहिं सहनाई।।<BR>घंट घंटि धुनि बरनि न जाहीं। सरव करहिं पाइक फहराहीं।।<BR>करहिं बिदूषक कौतुक नाना। हास कुसल कल गान सुजाना ।<BR>दो0-तुरग नचावहिं कुँअर बर अकनि मृदंग निसान।।<BR>नागर नट चितवहिं चकित डगहिं न ताल बँधान।।302।।<BR>–*–*–<BR>बनइ न बरनत बनी बराता। होहिं सगुन सुंदर सुभदाता।।<BR>चारा चाषु बाम दिसि लेई। मनहुँ सकल मंगल कहि देई।।<BR>दाहिन काग सुखेत सुहावा। नकुल दरसु सब काहूँ पावा।।<BR>सानुकूल बह त्रिबिध बयारी। सघट सवाल आव बर नारी।।<BR>लोवा फिरि फिरि दरसु देखावा। सुरभी सनमुख सिसुहि पिआवा।।<BR>मृगमाला फिरि दाहिनि आई। मंगल गन जनु दीन्हि देखाई।।<BR>छेमकरी कह छेम बिसेषी। स्यामा बाम सुतरु पर देखी।।<BR>सनमुख आयउ दधि अरु मीना। कर पुस्तक दुइ बिप्र प्रबीना।।<BR>दो0-मंगलमय कल्यानमय अभिमत फल दातार।<BR>जनु सब साचे होन हित भए सगुन एक बार।।303।।<BR>–*–*–<BR>मंगल सगुन सुगम सब ताकें। सगुन ब्रह्म सुंदर सुत जाकें।।<BR>राम सरिस बरु दुलहिनि सीता। समधी दसरथु जनकु पुनीता।।<BR>सुनि अस ब्याहु सगुन सब नाचे। अब कीन्हे बिरंचि हम साँचे।।<BR>एहि बिधि कीन्ह बरात पयाना। हय गय गाजहिं हने निसाना।।<BR>आवत जानि भानुकुल केतू। सरितन्हि जनक बँधाए सेतू।।<BR>बीच बीच बर बास बनाए। सुरपुर सरिस संपदा छाए।।<BR>असन सयन बर बसन सुहाए। पावहिं सब निज निज मन भाए।।<BR>नित नूतन सुख लखि अनुकूले। सकल बरातिन्ह मंदिर भूले।।<BR>दो0-आवत जानि बरात बर सुनि गहगहे निसान।<BR>सजि गज रथ पदचर तुरग लेन चले अगवान।।304।।<BR>मासपारायण,दसवाँ विश्राम<BR>–*–*–<BR>कनक कलस भरि कोपर थारा। भाजन ललित अनेक प्रकारा।।<BR>भरे सुधासम सब पकवाने। नाना भाँति न जाहिं बखाने।।<BR>फल अनेक बर बस्तु सुहाईं। हरषि भेंट हित भूप पठाईं।।<BR>भूषन बसन महामनि नाना। खग मृग हय गय बहुबिधि जाना।।<BR>मंगल सगुन सुगंध सुहाए। बहुत भाँति महिपाल पठाए।।<BR>दधि चिउरा उपहार अपारा। भरि भरि काँवरि चले कहारा।।<BR>अगवानन्ह जब दीखि बराता।उर आनंदु पुलक भर गाता।।<BR>देखि बनाव सहित अगवाना। मुदित बरातिन्ह हने निसाना।।<BR>दो0-हरषि परसपर मिलन हित कछुक चले बगमेल।<BR>जनु आनंद समुद्र दुइ मिलत बिहाइ सुबेल।।305।।<BR>–*–*–<BR>बरषि सुमन सुर सुंदरि गावहिं। मुदित देव दुंदुभीं बजावहिं।।<BR>बस्तु सकल राखीं नृप आगें। बिनय कीन्ह तिन्ह अति अनुरागें।।<BR>प्रेम समेत रायँ सबु लीन्हा। भै बकसीस जाचकन्हि दीन्हा।।<BR>करि पूजा मान्यता बड़ाई। जनवासे कहुँ चले लवाई।।<BR>बसन बिचित्र पाँवड़े परहीं। देखि धनहु धन मदु परिहरहीं।।<BR>अति सुंदर दीन्हेउ जनवासा। जहँ सब कहुँ सब भाँति सुपासा।।<BR>जानी सियँ बरात पुर आई। कछु निज महिमा प्रगटि जनाई।।<BR>हृदयँ सुमिरि सब सिद्धि बोलाई। भूप पहुनई करन पठाई।।<BR>दो0-सिधि सब सिय आयसु अकनि गईं जहाँ जनवास।<BR>लिएँ संपदा सकल सुख सुरपुर भोग बिलास।।306।।<BR>–*–*–<BR>निज निज बास बिलोकि बराती। सुर सुख सकल सुलभ सब भाँती।।<BR>बिभव भेद कछु कोउ न जाना। सकल जनक कर करहिं बखाना।।<BR>सिय महिमा रघुनायक जानी। हरषे हृदयँ हेतु पहिचानी।।<BR>पितु आगमनु सुनत दोउ भाई। हृदयँ न अति आनंदु अमाई।।<BR>सकुचन्ह कहि न सकत गुरु पाहीं। पितु दरसन लालचु मन माहीं।।<BR>बिस्वामित्र बिनय बड़ि देखी। उपजा उर संतोषु बिसेषी।।<BR>हरषि बंधु दोउ हृदयँ लगाए। पुलक अंग अंबक जल छाए।।<BR>चले जहाँ दसरथु जनवासे। मनहुँ सरोबर तकेउ पिआसे।।<BR>दो0- भूप बिलोके जबहिं मुनि आवत सुतन्ह समेत।<BR>उठे हरषि सुखसिंधु महुँ चले थाह सी लेत।।307।।<BR>–*–*–<BR>मुनिहि दंडवत कीन्ह महीसा। बार बार पद रज धरि सीसा।।<BR>कौसिक राउ लिये उर लाई। कहि असीस पूछी कुसलाई।।<BR>पुनि दंडवत करत दोउ भाई। देखि नृपति उर सुखु न समाई।।<BR>सुत हियँ लाइ दुसह दुख मेटे। मृतक सरीर प्रान जनु भेंटे।।<BR>पुनि बसिष्ठ पद सिर तिन्ह नाए। प्रेम मुदित मुनिबर उर लाए।।<BR>बिप्र बृंद बंदे दुहुँ भाईं। मन भावती असीसें पाईं।।<BR>भरत सहानुज कीन्ह प्रनामा। लिए उठाइ लाइ उर रामा।।<BR>हरषे लखन देखि दोउ भ्राता। मिले प्रेम परिपूरित गाता।।<BR>दो0-पुरजन परिजन जातिजन जाचक मंत्री मीत।<BR>मिले जथाबिधि सबहि प्रभु परम कृपाल बिनीत।।308।।<BR>–*–*–<BR>रामहि देखि बरात जुड़ानी। प्रीति कि रीति न जाति बखानी।।<BR>नृप समीप सोहहिं सुत चारी। जनु धन धरमादिक तनुधारी।।<BR>सुतन्ह समेत दसरथहि देखी। मुदित नगर नर नारि बिसेषी।।<BR>सुमन बरिसि सुर हनहिं निसाना। नाकनटीं नाचहिं करि गाना।।<BR>सतानंद अरु बिप्र सचिव गन। मागध सूत बिदुष बंदीजन।।<BR>सहित बरात राउ सनमाना। आयसु मागि फिरे अगवाना।।<BR>प्रथम बरात लगन तें आई। तातें पुर प्रमोदु अधिकाई।।<BR>ब्रह्मानंदु लोग सब लहहीं। बढ़हुँ दिवस निसि बिधि सन कहहीं।।<BR>दो0-रामु सीय सोभा अवधि सुकृत अवधि दोउ राज।<BR>जहँ जहँ पुरजन कहहिं अस मिलि नर नारि समाज।।।309।।<BR>–*–*–<BR>जनक सुकृत मूरति बैदेही। दसरथ सुकृत रामु धरें देही।।<BR>इन्ह सम काँहु न सिव अवराधे। काहिँ न इन्ह समान फल लाधे।।<BR>इन्ह सम कोउ न भयउ जग माहीं। है नहिं कतहूँ होनेउ नाहीं।।<BR>हम सब सकल सुकृत कै रासी। भए जग जनमि जनकपुर बासी।।<BR>जिन्ह जानकी राम छबि देखी। को सुकृती हम सरिस बिसेषी।।<BR>पुनि देखब रघुबीर बिआहू। लेब भली बिधि लोचन लाहू।।<BR>कहहिं परसपर कोकिलबयनीं। एहि बिआहँ बड़ लाभु सुनयनीं।।<BR>बड़ें भाग बिधि बात बनाई। नयन अतिथि होइहहिं दोउ भाई।।<BR>दो0-बारहिं बार सनेह बस जनक बोलाउब सीय।<BR>लेन आइहहिं बंधु दोउ कोटि काम कमनीय।।310।।<BR>–*–*–<BR>बिबिध भाँति होइहि पहुनाई। प्रिय न काहि अस सासुर माई।।<BR>तब तब राम लखनहि निहारी। होइहहिं सब पुर लोग सुखारी।।<BR>सखि जस राम लखनकर जोटा। तैसेइ भूप संग दुइ ढोटा।।<BR>स्याम गौर सब अंग सुहाए। ते सब कहहिं देखि जे आए।।<BR>कहा एक मैं आजु निहारे। जनु बिरंचि निज हाथ सँवारे।।<BR>भरतु रामही की अनुहारी। सहसा लखि न सकहिं नर नारी।।<BR>लखनु सत्रुसूदनु एकरूपा। नख सिख ते सब अंग अनूपा।।<BR>मन भावहिं मुख बरनि न जाहीं। उपमा कहुँ त्रिभुवन कोउ नाहीं।।<BR>छं0-उपमा न कोउ कह दास तुलसी कतहुँ कबि कोबिद कहैं।<BR>बल बिनय बिद्या सील सोभा सिंधु इन्ह से एइ अहैं।।<BR>पुर नारि सकल पसारि अंचल बिधिहि बचन सुनावहीं।।<BR>ब्याहिअहुँ चारिउ भाइ एहिं पुर हम सुमंगल गावहीं।।<BR>सो0-कहहिं परस्पर नारि बारि बिलोचन पुलक तन।<BR>सखि सबु करब पुरारि पुन्य पयोनिधि भूप दोउ।।311।।<BR>एहि बिधि सकल मनोरथ करहीं। आनँद उमगि उमगि उर भरहीं।।<BR>जे नृप सीय स्वयंबर आए। देखि बंधु सब तिन्ह सुख पाए।।<BR>कहत राम जसु बिसद बिसाला। निज निज भवन गए महिपाला।।<BR>गए बीति कुछ दिन एहि भाँती। प्रमुदित पुरजन सकल बराती।।<BR>मंगल मूल लगन दिनु आवा। हिम रितु अगहनु मासु सुहावा।।<BR>ग्रह तिथि नखतु जोगु बर बारू। लगन सोधि बिधि कीन्ह बिचारू।।<BR>पठै दीन्हि नारद सन सोई। गनी जनक के गनकन्ह जोई।।<BR>सुनी सकल लोगन्ह यह बाता। कहहिं जोतिषी आहिं बिधाता।।<BR>दो0-धेनुधूरि बेला बिमल सकल सुमंगल मूल।<BR>बिप्रन्ह कहेउ बिदेह सन जानि सगुन अनुकुल।।312।।<BR>–*–*–<BR>उपरोहितहि कहेउ नरनाहा। अब बिलंब कर कारनु काहा।।<BR>सतानंद तब सचिव बोलाए। मंगल सकल साजि सब ल्याए।।<BR>संख निसान पनव बहु बाजे। मंगल कलस सगुन सुभ साजे।।<BR>सुभग सुआसिनि गावहिं गीता। करहिं बेद धुनि बिप्र पुनीता।।<BR>लेन चले सादर एहि भाँती। गए जहाँ जनवास बराती।।<BR>कोसलपति कर देखि समाजू। अति लघु लाग तिन्हहि सुरराजू।।<BR>भयउ समउ अब धारिअ पाऊ। यह सुनि परा निसानहिं घाऊ।।<BR>गुरहि पूछि करि कुल बिधि राजा। चले संग मुनि साधु समाजा।।<BR>दो0-भाग्य बिभव अवधेस कर देखि देव ब्रह्मादि।<BR>लगे सराहन सहस मुख जानि जनम निज बादि।।313।।<BR>–*–*–<BR>सुरन्ह सुमंगल अवसरु जाना। बरषहिं सुमन बजाइ निसाना।।<BR>सिव ब्रह्मादिक बिबुध बरूथा। चढ़े बिमानन्हि नाना जूथा।।<BR>प्रेम पुलक तन हृदयँ उछाहू। चले बिलोकन राम बिआहू।।<BR>देखि जनकपुरु सुर अनुरागे। निज निज लोक सबहिं लघु लागे।।<BR>चितवहिं चकित बिचित्र बिताना। रचना सकल अलौकिक नाना।।<BR>नगर नारि नर रूप निधाना। सुघर सुधरम सुसील सुजाना।।<BR>तिन्हहि देखि सब सुर सुरनारीं। भए नखत जनु बिधु उजिआरीं।।<BR>बिधिहि भयह आचरजु बिसेषी। निज करनी कछु कतहुँ न देखी।।<BR>दो0-सिवँ समुझाए देव सब जनि आचरज भुलाहु।<BR>हृदयँ बिचारहु धीर धरि सिय रघुबीर बिआहु।।314।।<BR>–*–*–<BR>जिन्ह कर नामु लेत जग माहीं। सकल अमंगल मूल नसाहीं।।<BR>करतल होहिं पदारथ चारी। तेइ सिय रामु कहेउ कामारी।।<BR>एहि बिधि संभु सुरन्ह समुझावा। पुनि आगें बर बसह चलावा।।<BR>देवन्ह देखे दसरथु जाता। महामोद मन पुलकित गाता।।<BR>साधु समाज संग महिदेवा। जनु तनु धरें करहिं सुख सेवा।।<BR>सोहत साथ सुभग सुत चारी। जनु अपबरग सकल तनुधारी।।<BR>मरकत कनक बरन बर जोरी। देखि सुरन्ह भै प्रीति न थोरी।।<BR>पुनि रामहि बिलोकि हियँ हरषे। नृपहि सराहि सुमन तिन्ह बरषे।।<BR>दो0-राम रूपु नख सिख सुभग बारहिं बार निहारि।<BR>पुलक गात लोचन सजल उमा समेत पुरारि।।315।।<BR>–*–*–<BR>केकि कंठ दुति स्यामल अंगा। तड़ित बिनिंदक बसन सुरंगा।।<BR>ब्याह बिभूषन बिबिध बनाए। मंगल सब सब भाँति सुहाए।।<BR>सरद बिमल बिधु बदनु सुहावन। नयन नवल राजीव लजावन।।<BR>सकल अलौकिक सुंदरताई। कहि न जाइ मनहीं मन भाई।।<BR>बंधु मनोहर सोहहिं संगा। जात नचावत चपल तुरंगा।।<BR>राजकुअँर बर बाजि देखावहिं। बंस प्रसंसक बिरिद सुनावहिं।।<BR>जेहि तुरंग पर रामु बिराजे। गति बिलोकि खगनायकु लाजे।।<BR>कहि न जाइ सब भाँति सुहावा। बाजि बेषु जनु काम बनावा।।<BR>छं0-जनु बाजि बेषु बनाइ मनसिजु राम हित अति सोहई।<BR>आपनें बय बल रूप गुन गति सकल भुवन बिमोहई।।<BR>जगमगत जीनु जराव जोति सुमोति मनि मानिक लगे।<BR>किंकिनि ललाम लगामु ललित बिलोकि सुर नर मुनि ठगे।।<BR>दो0-प्रभु मनसहिं लयलीन मनु चलत बाजि छबि पाव।<BR>भूषित उड़गन तड़ित घनु जनु बर बरहि नचाव।।316।।<BR>–*–*–<BR>जेहिं बर बाजि रामु असवारा। तेहि सारदउ न बरनै पारा।।<BR>संकरु राम रूप अनुरागे। नयन पंचदस अति प्रिय लागे।।<BR>हरि हित सहित रामु जब जोहे। रमा समेत रमापति मोहे।।<BR>निरखि राम छबि बिधि हरषाने। आठइ नयन जानि पछिताने।।<BR>सुर सेनप उर बहुत उछाहू। बिधि ते डेवढ़ लोचन लाहू।।<BR>रामहि चितव सुरेस सुजाना। गौतम श्रापु परम हित माना।।<BR>देव सकल सुरपतिहि सिहाहीं। आजु पुरंदर सम कोउ नाहीं।।<BR>मुदित देवगन रामहि देखी। नृपसमाज दुहुँ हरषु बिसेषी।।<BR>छं0-अति हरषु राजसमाज दुहु दिसि दुंदुभीं बाजहिं घनी।<BR>बरषहिं सुमन सुर हरषि कहि जय जयति जय रघुकुलमनी।।<BR>एहि भाँति जानि बरात आवत बाजने बहु बाजहीं।<BR>रानि सुआसिनि बोलि परिछनि हेतु मंगल साजहीं।।<BR>दो0-सजि आरती अनेक बिधि मंगल सकल सँवारि।<BR>चलीं मुदित परिछनि करन गजगामिनि बर नारि।।317।।<BR>–*–*–<BR>बिधुबदनीं सब सब मृगलोचनि। सब निज तन छबि रति मदु मोचनि।।<BR>पहिरें बरन बरन बर चीरा। सकल बिभूषन सजें सरीरा।।<BR>सकल सुमंगल अंग बनाएँ। करहिं गान कलकंठि लजाएँ।।<BR>कंकन किंकिनि नूपुर बाजहिं। चालि बिलोकि काम गज लाजहिं।।<BR>बाजहिं बाजने बिबिध प्रकारा। नभ अरु नगर सुमंगलचारा।।<BR>सची सारदा रमा भवानी। जे सुरतिय सुचि सहज सयानी।।<BR>कपट नारि बर बेष बनाई। मिलीं सकल रनिवासहिं जाई।।<BR>करहिं गान कल मंगल बानीं। हरष बिबस सब काहुँ न जानी।।<BR>छं0-को जान केहि आनंद बस सब ब्रह्मु बर परिछन चली।<BR>कल गान मधुर निसान बरषहिं सुमन सुर सोभा भली।।<BR>आनंदकंदु बिलोकि दूलहु सकल हियँ हरषित भई।।<BR>अंभोज अंबक अंबु उमगि सुअंग पुलकावलि छई।।<BR>दो0-जो सुख भा सिय मातु मन देखि राम बर बेषु।<BR>सो न सकहिं कहि कलप सत सहस सारदा सेषु।।318।।<BR>–*–*– </P> <P>नयन नीरु हटि मंगल जानी। परिछनि करहिं मुदित मन रानी।।<BR>बेद बिहित अरु कुल आचारू। कीन्ह भली बिधि सब ब्यवहारू।।<BR>पंच सबद धुनि मंगल गाना। पट पाँवड़े परहिं बिधि नाना।।<BR>करि आरती अरघु तिन्ह दीन्हा। राम गमनु मंडप तब कीन्हा।।<BR>दसरथु सहित समाज बिराजे। बिभव बिलोकि लोकपति लाजे।।<BR>समयँ समयँ सुर बरषहिं फूला। सांति पढ़हिं महिसुर अनुकूला।।<BR>नभ अरु नगर कोलाहल होई। आपनि पर कछु सुनइ न कोई।।<BR>एहि बिधि रामु मंडपहिं आए। अरघु देइ आसन बैठाए।।<BR>छं0-बैठारि आसन आरती करि निरखि बरु सुखु पावहीं।।<BR>मनि बसन भूषन भूरि वारहिं नारि मंगल गावहीं।।<BR>ब्रह्मादि सुरबर बिप्र बेष बनाइ कौतुक देखहीं।<BR>अवलोकि रघुकुल कमल रबि छबि सुफल जीवन लेखहीं।।<BR>दो0-नाऊ बारी भाट नट राम निछावरि पाइ।<BR>मुदित असीसहिं नाइ सिर हरषु न हृदयँ समाइ।।319।।<BR>–*–*–<BR>मिले जनकु दसरथु अति प्रीतीं। करि बैदिक लौकिक सब रीतीं।।<BR>मिलत महा दोउ राज बिराजे। उपमा खोजि खोजि कबि लाजे।।<BR>लही न कतहुँ हारि हियँ मानी। इन्ह सम एइ उपमा उर आनी।।<BR>सामध देखि देव अनुरागे। सुमन बरषि जसु गावन लागे।।<BR>जगु बिरंचि उपजावा जब तें। देखे सुने ब्याह बहु तब तें।।<BR>सकल भाँति सम साजु समाजू। सम समधी देखे हम आजू।।<BR>देव गिरा सुनि सुंदर साँची। प्रीति अलौकिक दुहु दिसि माची।।<BR>देत पाँवड़े अरघु सुहाए। सादर जनकु मंडपहिं ल्याए।।<BR>छं0-मंडपु बिलोकि बिचीत्र रचनाँ रुचिरताँ मुनि मन हरे।।<BR>निज पानि जनक सुजान सब कहुँ आनि सिंघासन धरे।।<BR>कुल इष्ट सरिस बसिष्ट पूजे बिनय करि आसिष लही।<BR>कौसिकहि पूजत परम प्रीति कि रीति तौ न परै कही।।<BR>दो0-बामदेव आदिक रिषय पूजे मुदित महीस।<BR>दिए दिब्य आसन सबहि सब सन लही असीस।।320।।<BR>–*–*–<BR>बहुरि कीन्ह कोसलपति पूजा। जानि ईस सम भाउ न दूजा।।<BR>कीन्ह जोरि कर बिनय बड़ाई। कहि निज भाग्य बिभव बहुताई।।<BR>पूजे भूपति सकल बराती। समधि सम सादर सब भाँती।।<BR>आसन उचित दिए सब काहू। कहौं काह मूख एक उछाहू।।<BR>सकल बरात जनक सनमानी। दान मान बिनती बर बानी।।<BR>बिधि हरि हरु दिसिपति दिनराऊ। जे जानहिं रघुबीर प्रभाऊ।।<BR>कपट बिप्र बर बेष बनाएँ। कौतुक देखहिं अति सचु पाएँ।।<BR>पूजे जनक देव सम जानें। दिए सुआसन बिनु पहिचानें।।<BR>छं0-पहिचान को केहि जान सबहिं अपान सुधि भोरी भई।<BR>आनंद कंदु बिलोकि दूलहु उभय दिसि आनँद मई।।<BR>सुर लखे राम सुजान पूजे मानसिक आसन दए।<BR>अवलोकि सीलु सुभाउ प्रभु को बिबुध मन प्रमुदित भए।।<BR>दो0-रामचंद्र मुख चंद्र छबि लोचन चारु चकोर।<BR>करत पान सादर सकल प्रेमु प्रमोदु न थोर।।321।।<BR>–*–*–<BR>समउ बिलोकि बसिष्ठ बोलाए। सादर सतानंदु सुनि आए।।<BR>बेगि कुअँरि अब आनहु जाई। चले मुदित मुनि आयसु पाई।।<BR>रानी सुनि उपरोहित बानी। प्रमुदित सखिन्ह समेत सयानी।।<BR>बिप्र बधू कुलबृद्ध बोलाईं। करि कुल रीति सुमंगल गाईं।।<BR>नारि बेष जे सुर बर बामा। सकल सुभायँ सुंदरी स्यामा।।<BR>तिन्हहि देखि सुखु पावहिं नारीं। बिनु पहिचानि प्रानहु ते प्यारीं।।<BR>बार बार सनमानहिं रानी। उमा रमा सारद सम जानी।।<BR>सीय सँवारि समाजु बनाई। मुदित मंडपहिं चलीं लवाई।।<BR>छं0-चलि ल्याइ सीतहि सखीं सादर सजि सुमंगल भामिनीं।<BR>नवसप्त साजें सुंदरी सब मत्त कुंजर गामिनीं।।<BR>कल गान सुनि मुनि ध्यान त्यागहिं काम कोकिल लाजहीं।<BR>मंजीर नूपुर कलित कंकन ताल गती बर बाजहीं।।<BR>दो0-सोहति बनिता बृंद महुँ सहज सुहावनि सीय।<BR>छबि ललना गन मध्य जनु सुषमा तिय कमनीय।।322।।<BR>–*–*–<BR>सिय सुंदरता बरनि न जाई। लघु मति बहुत मनोहरताई।।<BR>आवत दीखि बरातिन्ह सीता।।रूप रासि सब भाँति पुनीता।।<BR>सबहि मनहिं मन किए प्रनामा। देखि राम भए पूरनकामा।।<BR>हरषे दसरथ सुतन्ह समेता। कहि न जाइ उर आनँदु जेता।।<BR>सुर प्रनामु करि बरसहिं फूला। मुनि असीस धुनि मंगल मूला।।<BR>गान निसान कोलाहलु भारी। प्रेम प्रमोद मगन नर नारी।।<BR>एहि बिधि सीय मंडपहिं आई। प्रमुदित सांति पढ़हिं मुनिराई।।<BR>तेहि अवसर कर बिधि ब्यवहारू। दुहुँ कुलगुर सब कीन्ह अचारू।।<BR>छं0-आचारु करि गुर गौरि गनपति मुदित बिप्र पुजावहीं।<BR>सुर प्रगटि पूजा लेहिं देहिं असीस अति सुखु पावहीं।।<BR>मधुपर्क मंगल द्रब्य जो जेहि समय मुनि मन महुँ चहैं।<BR>भरे कनक कोपर कलस सो सब लिएहिं परिचारक रहैं।।1।।</P> <P>कुल रीति प्रीति समेत रबि कहि देत सबु सादर कियो। </P> <P>एहि भाँति देव पुजाइ सीतहि सुभग सिंघासनु दियो।।</P> <P>सिय राम अवलोकनि परसपर प्रेम काहु न लखि परै।।</P> <P>मन बुद्धि बर बानी अगोचर प्रगट कबि कैसें करै।।2।।<BR>दो0-होम समय तनु धरि अनलु अति सुख आहुति लेहिं।<BR>बिप्र बेष धरि बेद सब कहि बिबाह बिधि देहिं।।323।।<BR>–*–*–<BR>जनक पाटमहिषी जग जानी। सीय मातु किमि जाइ बखानी।।<BR>सुजसु सुकृत सुख सुदंरताई। सब समेटि बिधि रची बनाई।।<BR>समउ जानि मुनिबरन्ह बोलाई। सुनत सुआसिनि सादर ल्याई।।<BR>जनक बाम दिसि सोह सुनयना। हिमगिरि संग बनि जनु मयना।।<BR>कनक कलस मनि कोपर रूरे। सुचि सुंगध मंगल जल पूरे।।<BR>निज कर मुदित रायँ अरु रानी। धरे राम के आगें आनी।।<BR>पढ़हिं बेद मुनि मंगल बानी। गगन सुमन झरि अवसरु जानी।।<BR>बरु बिलोकि दंपति अनुरागे। पाय पुनीत पखारन लागे।।<BR>छं0-लागे पखारन पाय पंकज प्रेम तन पुलकावली।<BR>नभ नगर गान निसान जय धुनि उमगि जनु चहुँ दिसि चली।।<BR>जे पद सरोज मनोज अरि उर सर सदैव बिराजहीं।<BR>जे सकृत सुमिरत बिमलता मन सकल कलि मल भाजहीं।।1।।<BR>जे परसि मुनिबनिता लही गति रही जो पातकमई।<BR>मकरंदु जिन्ह को संभु सिर सुचिता अवधि सुर बरनई।।<BR>करि मधुप मन मुनि जोगिजन जे सेइ अभिमत गति लहैं।<BR>ते पद पखारत भाग्यभाजनु जनकु जय जय सब कहै।।2।।<BR>बर कुअँरि करतल जोरि साखोचारु दोउ कुलगुर करैं।<BR>भयो पानिगहनु बिलोकि बिधि सुर मनुज मुनि आँनद भरैं।।<BR>सुखमूल दूलहु देखि दंपति पुलक तन हुलस्यो हियो।<BR>करि लोक बेद बिधानु कन्यादानु नृपभूषन कियो।।3।।<BR>हिमवंत जिमि गिरिजा महेसहि हरिहि श्री सागर दई।<BR>तिमि जनक रामहि सिय समरपी बिस्व कल कीरति नई।।<BR>क्यों करै बिनय बिदेहु कियो बिदेहु मूरति सावँरी।<BR>करि होम बिधिवत गाँठि जोरी होन लागी भावँरी।।4।।<BR>दो0-जय धुनि बंदी बेद धुनि मंगल गान निसान।<BR>सुनि हरषहिं बरषहिं बिबुध सुरतरु सुमन सुजान।।324।।<BR>–*–*–<BR>कुअँरु कुअँरि कल भावँरि देहीं।।नयन लाभु सब सादर लेहीं।।<BR>जाइ न बरनि मनोहर जोरी। जो उपमा कछु कहौं सो थोरी।।<BR>राम सीय सुंदर प्रतिछाहीं। जगमगात मनि खंभन माहीं ।<BR>मनहुँ मदन रति धरि बहु रूपा। देखत राम बिआहु अनूपा।।<BR>दरस लालसा सकुच न थोरी। प्रगटत दुरत बहोरि बहोरी।।<BR>भए मगन सब देखनिहारे। जनक समान अपान बिसारे।।<BR>प्रमुदित मुनिन्ह भावँरी फेरी। नेगसहित सब रीति निबेरीं।।<BR>राम सीय सिर सेंदुर देहीं। सोभा कहि न जाति बिधि केहीं।।<BR>अरुन पराग जलजु भरि नीकें। ससिहि भूष अहि लोभ अमी कें।।<BR>बहुरि बसिष्ठ दीन्ह अनुसासन। बरु दुलहिनि बैठे एक आसन।।<BR>छं0-बैठे बरासन रामु जानकि मुदित मन दसरथु भए।<BR>तनु पुलक पुनि पुनि देखि अपनें सुकृत सुरतरु फल नए।।<BR>भरि भुवन रहा उछाहु राम बिबाहु भा सबहीं कहा।<BR>केहि भाँति बरनि सिरात रसना एक यहु मंगलु महा।।1।।<BR>तब जनक पाइ बसिष्ठ आयसु ब्याह साज सँवारि कै।<BR>माँडवी श्रुतिकीरति उरमिला कुअँरि लईं हँकारि के।।<BR>कुसकेतु कन्या प्रथम जो गुन सील सुख सोभामई।<BR>सब रीति प्रीति समेत करि सो ब्याहि नृप भरतहि दई।।2।।<BR>जानकी लघु भगिनी सकल सुंदरि सिरोमनि जानि कै।<BR>सो तनय दीन्ही ब्याहि लखनहि सकल बिधि सनमानि कै।।<BR>जेहि नामु श्रुतकीरति सुलोचनि सुमुखि सब गुन आगरी।<BR>सो दई रिपुसूदनहि भूपति रूप सील उजागरी।।3।।<BR>अनुरुप बर दुलहिनि परस्पर लखि सकुच हियँ हरषहीं।<BR>सब मुदित सुंदरता सराहहिं सुमन सुर गन बरषहीं।।<BR>सुंदरी सुंदर बरन्ह सह सब एक मंडप राजहीं।<BR>जनु जीव उर चारिउ अवस्था बिमुन सहित बिराजहीं।।4।।<BR>दो0-मुदित अवधपति सकल सुत बधुन्ह समेत निहारि।<BR>जनु पार महिपाल मनि क्रियन्ह सहित फल चारि।।325।।<BR>–*–*–<BR>जसि रघुबीर ब्याह बिधि बरनी। सकल कुअँर ब्याहे तेहिं करनी।।<BR>कहि न जाइ कछु दाइज भूरी। रहा कनक मनि मंडपु पूरी।।<BR>कंबल बसन बिचित्र पटोरे। भाँति भाँति बहु मोल न थोरे।।<BR>गज रथ तुरग दास अरु दासी। धेनु अलंकृत कामदुहा सी।।<BR>बस्तु अनेक करिअ किमि लेखा। कहि न जाइ जानहिं जिन्ह देखा।।<BR>लोकपाल अवलोकि सिहाने। लीन्ह अवधपति सबु सुखु माने।।<BR>दीन्ह जाचकन्हि जो जेहि भावा। उबरा सो जनवासेहिं आवा।।<BR>तब कर जोरि जनकु मृदु बानी। बोले सब बरात सनमानी।।<BR>छं0-सनमानि सकल बरात आदर दान बिनय बड़ाइ कै।<BR>प्रमुदित महा मुनि बृंद बंदे पूजि प्रेम लड़ाइ कै।।<BR>सिरु नाइ देव मनाइ सब सन कहत कर संपुट किएँ।<BR>सुर साधु चाहत भाउ सिंधु कि तोष जल अंजलि दिएँ।।1।।<BR>कर जोरि जनकु बहोरि बंधु समेत कोसलराय सों।<BR>बोले मनोहर बयन सानि सनेह सील सुभाय सों।।<BR>संबंध राजन रावरें हम बड़े अब सब बिधि भए।<BR>एहि राज साज समेत सेवक जानिबे बिनु गथ लए।।2।।<BR>ए दारिका परिचारिका करि पालिबीं करुना नई।<BR>अपराधु छमिबो बोलि पठए बहुत हौं ढीट्यो कई।।<BR>पुनि भानुकुलभूषन सकल सनमान निधि समधी किए।<BR>कहि जाति नहिं बिनती परस्पर प्रेम परिपूरन हिए।।3।।<BR>बृंदारका गन सुमन बरिसहिं राउ जनवासेहि चले।<BR>दुंदुभी जय धुनि बेद धुनि नभ नगर कौतूहल भले।।<BR>तब सखीं मंगल गान करत मुनीस आयसु पाइ कै।<BR>दूलह दुलहिनिन्ह सहित सुंदरि चलीं कोहबर ल्याइ कै।।4।।<BR>दो0-पुनि पुनि रामहि चितव सिय सकुचति मनु सकुचै न।<BR>हरत मनोहर मीन छबि प्रेम पिआसे नैन।।326।।<BR>मासपारायण, ग्यारहवाँ विश्राम<BR>–*–*–<BR>स्याम सरीरु सुभायँ सुहावन। सोभा कोटि मनोज लजावन।।<BR>जावक जुत पद कमल सुहाए। मुनि मन मधुप रहत जिन्ह छाए।।<BR>पीत पुनीत मनोहर धोती। हरति बाल रबि दामिनि जोती।।<BR>कल किंकिनि कटि सूत्र मनोहर। बाहु बिसाल बिभूषन सुंदर।।<BR>पीत जनेउ महाछबि देई। कर मुद्रिका चोरि चितु लेई।।<BR>सोहत ब्याह साज सब साजे। उर आयत उरभूषन राजे।।<BR>पिअर उपरना काखासोती। दुहुँ आँचरन्हि लगे मनि मोती।।<BR>नयन कमल कल कुंडल काना। बदनु सकल सौंदर्ज निधाना।।<BR>सुंदर भृकुटि मनोहर नासा। भाल तिलकु रुचिरता निवासा।।<BR>सोहत मौरु मनोहर माथे। मंगलमय मुकुता मनि गाथे।।<BR>छं0-गाथे महामनि मौर मंजुल अंग सब चित चोरहीं।<BR>पुर नारि सुर सुंदरीं बरहि बिलोकि सब तिन तोरहीं।।<BR>मनि बसन भूषन वारि आरति करहिं मंगल गावहिं।<BR>सुर सुमन बरिसहिं सूत मागध बंदि सुजसु सुनावहीं।।1।।<BR>कोहबरहिं आने कुँअर कुँअरि सुआसिनिन्ह सुख पाइ कै।<BR>अति प्रीति लौकिक रीति लागीं करन मंगल गाइ कै।।<BR>लहकौरि गौरि सिखाव रामहि सीय सन सारद कहैं।<BR>रनिवासु हास बिलास रस बस जन्म को फलु सब लहैं।।2।।<BR>निज पानि मनि महुँ देखिअति मूरति सुरूपनिधान की।<BR>चालति न भुजबल्ली बिलोकनि बिरह भय बस जानकी।।<BR>कौतुक बिनोद प्र